ਅਨਏਡਿਡ ਅਧਿਆਪਕਾਂ ਵਲੋਂ ਧੂਰੀ ਵਿਖੇ ਕੱਕੜਵਾਲ ਚੌਕ ਵਿਖੇ ਧਰਨਾ ਅੱਜ

ਧੂਰੀ, 17 ਅਕਤੂਬਰ ( ਲਖਵੀਰ ਸਿੰਘ ਧਾਂਦਰਾ )-ਅਨ ਏਡਿਡ ਅਧਿਆਪਕ ਫ਼ਰੰਟ(ਏਡਿਡ ਸਕੂਲ) ਪੰਜਾਬ ਵਲੋਂ ਅੱਜ ਧੂਰੀ ਦੇ ਰਾਮਬਾਗ ਵਿਚ ਇਕ ਹੰਗਾਮੀ ਮੀਟਿੰਗ ਕੀਤੀ ਗਈ ਜਿਸ ਦੀ ਅਗਵਾਈ ਸਟੇਟ ਪ੍ਰਧਾਨ ਨਿਰਭੈ ਸਿੰਘ ਜਹਾਂਗੀਰ ਅਤੇ ਉਪ ਪ੍ਰਧਾਨ ਸੁਖਚੈਨ ਸਿੰਘ ਜੌਹਲ ਨੇ ਕੀਤੀ ਇਸ ਮੌਕੇ 18 ਅਕਤੂਬਰ ਨੂੰ ਧੂਰੀ ਦੇ ਕੱਕੜਵਾਲ ਚੋਂਕ ਵਿਖੇ ਧਰਨਾ ਲਗਾਉਣ ਦਾ ਫੈਸਲਾ ਲਿਆ ਗਿਆ ਅਤੇ ਉਨ੍ਹਾਂ ਅੱਗੇ ਦੱਸਿਆ ਕਿ ਪੰਜਾਬ ਵਿਚ ਲੱਗਭਗ 469 ਏਡਿਡ ਸਕੂਲ ਹਨ ਜੋ ਗਰੀਬ ਪਰਿਵਾਰਾਂ ਦੇ ਹਜ਼ਾਰਾਂ ਬੱਚਿਆਂ ਨੂੰ ਪੜ੍ਹਾ ਕੇ ਉਨ੍ਹਾਂ ਦਾ ਭਵਿੱਖ ਸਵਾਰ ਰਹੇ ਹਨ ਪਰ ਇਨ੍ਹਾਂ ਸਕੂਲਾਂ ਦੇ ਅਧਿਆਪਕ ਮਾਮੂਲੀ ਤਨਖਾਹਾਂ ਤੇ ਸੇਵਾ ਨਿਭਾ ਕੇ ਇਨ੍ਹਾਂ ਸਕੂਲਾਂ ਨੂੰ ਬੰਦ ਹੋਣ ਤੇ ਬਚਾ ਰਹੇ ਹਨ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਮੂਹ ਪੰਜਾਬ ਦੇ ਜ਼ਿਲ੍ਹਾ ਪ੍ਰਧਾਨ ਮੌਜੂਦ ਸਨ।