ਕੈਦੀਆਂ ਨੂੰ ਦੀਵਾਲੀ ਮੌਕੇ ਘਰ ਦੀਆਂ ਪਿੰਨੀਆਂ ਨਹੀਂ ਹੋਣਗੀਆਂ ਨਸੀਬ ਜੇਲ੍ਹਾਂ ਦੇ ਅੰਦਰੋਂ ਹੀ ਕੰਟੀਨਾਂ ਵਿਚੋਂ ਖਰੀਦ ਸਕਣਗੇ ਮਿਠਾਈ

ਅ

ਅਜੀਤ ਡੈਸਕ 30-10-2026

ਸੰਗਰੂਰ, 29 ਅਕਤੂਬਰ (ਸੁਖਵਿੰਦਰ ਸਿੰਘ ਫੁੱਲ) – ਪੰਜਾਬ ਦੀਆਂ ਜੇਲ੍ਹਾਂ ਵਿਚ ਬੰਦ ਕੈਦੀ ਅਤੇ ਹਵਾਲਾਤੀ ਇਸ ਵਾਰ ਵੀ ਦੀਵਾਲੀ ਮੌਕੇ ਘਰੋਂ ਬਣਾਈਆਂ ਪਿੰਨੀਆਂ ਅਤੇ ਪੰਜੀਰੀ ਦੇ ਸਵਾਦ ਤੋਂ ਸੱਖਣੇ ਰਹਿਣਗੇ। ਦੀਵਾਲੀ ਲਈ ਮਿਠਾਈ ਉਨ੍ਹਾਂ ਨੂੰ ਜੇਲ੍ਹਾਂ ਦੇ ਅੰਦਰੋਂ ਕੰਟੀਨਾਂ ਵਿਚੋਂ ਹੀ ਮਿਲੇਗੀ। ਅਜਿਹਾ ਜੇਲ੍ਹ ਵਿਚ ਮਿਠਾਈਆਂ ਦੇ ਬਹਾਨੇ ਪਹੁੰਚਦੇ ਨਸ਼ਿਆਂ ਦੀ ਰੋਕਥਾਮ ਲਈ ਕੀਤਾ ਗਿਆ ਹੈ। ਸਥਾਨਕ ਜ਼ਿਲ੍ਹਾ ਜੇਲ੍ਹ ਵਿਚ ਵੇਸਣ ਦੀ ਮਿਠਾਈ ਤਿਆਰ ਕੀਤੀ ਜਾ ਰਹੀ ਹੈ ਜੋ ਜੇਲ੍ਹ ਦੇ ਅੰਦਰ ਬੰਦ ਕੈਦੀ ਅਤੇ ਹਵਾਲਾਤੀ ਖਰੀਦ ਸਕਣਗੇ। ਜੇਲ੍ਹ ਸੁਪਰਡੈਂਟ ਰਮਨਦੀਪ ਸਿੰਘ ਭੰਗੂ ਅਤੇ ਡਿਪਟੀ ਸੁਪਰਡੈਂਟ ਪਰਮਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਵਾਰ ਕੈਦੀਆਂ ਵਲੋਂ ਬਣਾਏ ਦੀਵੇ, ਮੋਮਬੱਤੀਆਂ ਅਤੇ ਵੇਸਣ ਦੀ ਮਿਠਾਈ ਆਮ ਲੋਕਾਂ ਲਈ ਵੀ ਜੇਲ੍ਹ ਦੇ ਬਾਹਰ ਵਿੱਕਰੀ ਲਈ ਲਗਾਈ ਜਾਵੇਗੀ।

ਪਿਛਲੀ ਖ਼ਬਰ ਸ਼੍ਰੋਮਣੀ ਕਮੇਟੀ ਦੀ ਅੰਤ੍ਰਿੰਗ ਕਮੇਟੀ ਦੀ ਇਕੱਤਰਤਾ ਅੱਜ ਅਗਲੀ ਖ਼ਬਰ ਸਿੰਧ ’ ਚ ਐਂਬੂਲੈਂਸ ਅੰਦਰ ਆਕਸੀਜਨ ਸਿਲੰਡਰ ਫਟਣ ਕਾਰਨ ਨਵਜੰਮੇ ਬੱਚੇ ਸਮੇਤ 10 ਮੌਤਾਂ