ਪਟਿਆਲਾ, 9 ਨਵੰਬਰ (ਅ.ਸ. ਆਹਲੂਵਾਲੀਆ)-ਦੀਵਾਲੀ, ਬੰਦੀ ਛੋੜ ਦਿਵਸ ਦਾ ਤਿਉਹਾਰ ਸ਼ਰਧਾ ਨਾਲ ਮਨਾਇਆ। ਰਾਤ ਸਮੇਂ ਜਿੱਥੇ ਲੋਕਾਂ ਨੇ ਪਟਾਕੇ ਚਲਾਏ ਆਤਿਸ਼ਬਾਜੀ ਕੀਤੀ ਉੱਥੇ ਹੀ ਆਪਣੇ ਘਰਾਂ ਵਿਚ ਲਕਸ਼ਮੀ ਦੀ ਪੂਜਾ ਕਰ ਪਰਿਵਾਰ ਤੇ ਮਾਨਵਤਾ ਦੀ ਭਲਾਈ ਮੰਗੀ। ਸਾਰੇ ਹੀ ਗੁਰਦੁਆਰਾ ਸਾਹਿਬ ਤੇ ਮੰਦਰਾਂ ਵਿਚ ਰੰਗ ਬਰੰਗੀਆਂ ਲਾਈਟਾਂ ਜਗਾ ਕੇ ਇਸ ਤਿਉਹਾਰ ਨੂੰ ਮਨਾਇਆ। ਸ਼ਰਧਾਲੂਆਂ ਵਲੋਂ ਗੁਰਦੁਆਰਾ ਸਾਹਿਬਾਨ ਵਿਚ ਸ਼ਰਧਾ ਨਾਲ ਦੀਵੇ ਤੇ ਮੋਮਬਤੀਆਂ ਵੀ ਜਗਾਈਆਂ, ਜਿਸ ਵਿਚ ਬੱਚੇ ਵੱਡੀ ਗਿਣਤੀ ਵਿਚ ਸ਼ਾਮਿਲ ਦਿਖੇ। ਲੋਕਾਂ ਵਲੋਂ ਘਰਾਂ ਦੇ ਉੱਪਰ ਦੀਵੇ ਜਗਾ ਕੇ ਅਤੇ ਰੰਗ ਬਰੰਗੀਆਂ ਰੌਸ਼ਨੀਆਂ ਵਾਲੇ ਬੱਲਬ ਲਗਾ ਕੇ ਦੀਪਮਾਲਾ ਕੀਤੀ ਹੋਈ ਸੀ। ਲੋਕਾਂ ਨੇ ਆਪਣੇ ਕਾਰੋਬਾਰੀ ਸਥਾਨਾਂ ਨੂੰ ਵੀ ਦੀਵਿਆਂ ਦੀ ਰੌਸ਼ਨੀਆਂ ਨਾਲ ਸਜਾਇਆ ਹੋਇਆ ਸੀ। ਇਸ ਮੌਕੇ ਗੁਰਦੁਆਰਾ ਸਾਹਿਬ ਦੀਆਂ ਪ੍ਰਬੰਧਕ ਕਮੇਟੀਆਂ ਵਲੋਂ ਗੁਰਦੁਆਰਾ ਸਾਹਿਬ ਦੀਆਂ ਇਮਾਰਤਾਂ ਦੇ ਨਾਲ ਨਾਲ ਮੋਮਬਤੀਆਂ ਜਗਾਉਣ ਦੀ ਥਾਂ ਲਈ ਵੱਖਰੇ ਤੌਰ ’ਤੇ ਬੈਂਚ ਲਗਾਏ ਗਏ ਸਨ, ਜਿਸ ਦਾ ਸੰਗਤ ਵਲੋਂ ਸਵਾਗਤ ਕੀਤਾ ਗਿਆ।
