ਪਟਿਆਲਾ, 18 ਸਤੰਬਰ (ਅ. ਸ. ਆਹਲੂਵਾਲੀਆ)- ਥਾਣਾ ਸਦਰ ਅਧੀਨ ਪੈਂਦੇ ਪਿੰਡ ਮਿੱਠੂਮਾਜਰਾ ਵਿਖੇ ਗਸਤ ਕਰ ਰਹੀ ਪੁਲਿਸ ਪਾਰਟੀ ਨੂੰ ਸਿਮਰਦੀਪ ਸਿੰਘ ਨਾਂਅ ਦੇ ਵਿਅਕਤੀ ਦੀ ਮੌਜੂਦਗੀ ਦਾ ਪਤਾ ਲੱਗਿਆ, ਜਿਸ ਬਾਰੇ ਹੋਰ ਜਾਣਕਾਰੀ ਦਿੰਦਿਆਂ ਤਫਤੀਸ਼ੀ ਅਫ਼ਸਰ ਨੇ ਦੱਸਿਆ ਕਿ ਉਕਤ ਵਿਅਕਤੀ ਕੋਲੋ ਦੋ ਨਾਜਾਇਜ ਪਿਸਟਲ, 8 ਜਿੰਦਾ ਰੌਂਦ ਬਰਾਮਦ ਹੋਏ, ਜਿਸ ਦੇ ਜੇਲ੍ਹ ਅੰਦਰ ਬੈਠੇ ਗੈਂਗਸਟਰਾਂ ਨਾਲ ਵੀ ਸੰਬੰਧ ਹਨ। ਜਿਸ ਨੇ ਬੜੈਲ ਜੇਲ੍ਹ ਚੰਗੀਗੜ੍ਹ ਵਿਖੇ ਗੈਂਗਸਟਰ ਕਾਲੀ ਬਲੌਗੀ ਦੀ ਸ਼ੈਅ ’ਤੇ ਮੋਹਾਲੀ ਚੰਡੀਗੜ੍ਹ ਵਿਖੇ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਤੇ ਕੁਝ ਲੋਕਾਂ ਦੇ ਘਰਾਂ ’ਤੇ ਫਾਈਰਿੰਗ ਵੀ ਕੀਤੀ। ਇਸ ਨੇ ਬਾਹਰੀ ਰਾਜਾਂ ਵਿਚੋਂ ਭਾਰੀ ਮਾਤਰਾਂ ਵਿਚ ਅਸਲੇ ਦੀ ਖੈਪ ਮੰਗਵਾਈ ਦੱਸੀ ਗਈ, ਜਿਸ ਨੇ ਹੁਣ ਸਪਲਾਈ ਕਰਕੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣਾ ਸੀ, ਜਿਸ ਨੂੰ ਮੌਕੇ ’ਤੇ ਹੀ ਗ੍ਰਿਫ਼ਤਾਰ ਕਰ ਲਿਆ ਹੈ ਤੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
