ਪਟਿਆਲਾ, 7 ਮਾਰਚ (ਮਨਦੀਪ ਸਿੰਘ ਖਰੌੜ)-ਇਥੋਂ ਦੇ ਪਿੰਡ ਤਰੋੜਾ ਖ਼ੁਰਦ ਇਕ ਘਰ ਵਿਚੋਂ ਕੋਈ ਸੋਨੇ ਦੇ ਗਹਿਣੇ ਚੋਰੀ ਕਰਕੇ ਲੈ ਗਿਆ ਹੈ | ਇਸ ਸੰਬੰਧੀ ਸਤਿਗੁਰ ਸਿੰਘ ਨੇ ਥਾਣਾ ਪਸਿਆਣਾ ਵਿਚ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਨੇ ਆਪਣੇ ਪਰਿਵਾਰ ਸਮੇਤ ਇਕ ਵਿਆਹ ਸਮਾਗਮ 'ਤੇ ਜਾਣਾ ਸੀ | ਜਦੋਂ ਉਸ ਦੀ ਪਤਨੀ ਅਲਮਾਰੀ ਦੇਖੀ ਤਾਂ ਉਸ ਵਿਚੋਂ ਤਿੰਨ ਚੂੜੀਆਂ, ਇਕ ਹਾਰ, ਇਕ ਸ਼ਾਪ, ਚਾਰ ਕਾਂਟੇ, ਦੋ ਟੌਪਸ, ਦੋ ਵਾਲੀਆ, ਦੋ ਕੋਕੇ ਇਹ ਸਾਰੇ ਸੋਨੇ ਦੇ ਗਹਿਣੇ ਕੋਈ ਚੋਰੀ ਕਰਕੇ ਲੈ ਗਿਆ ਹੈ | ਜਿਸ ਆਧਾਰ ਉਤੇ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
