ਬਾਬਾ ਬਕਾਲਾ ਸਾਹਿਬ, 23 ਮਈ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਗੁਰਦੁਆਰਾ ਪ੍ਰਭੁ ਮਿਲਣੈ ਕਾ ਚਾਉ, ਮੋਗਾ ਵਲੋਂ ਹਾਕੀ ਸਟੇਡੀਅਮ ਬਾਬਾ ਬਕਾਲਾ ਸਾਹਿਬ ਵਿਖੇ 24 ਮਈ ਨੂੰ 'ਸਿਮਰਨ ਅਭਿਆਸ ਸਮਾਗਮ' ਸ਼ਾਮ 6 ਤੋਂ 11 ਵਜੇ ਸ਼ਾਮ ਤੱਕ ਕਰਾਇਆ ਜਾ ਰਿਹਾ ਹੈ, ਜਿਸ 'ਚ ਕੀਰਤਨ, ਢਾਡੀ ਵਾਰਾਂ ਤੇ ਅਕੱਥ ਸਮਾਗਮ ਹੋਵੇਗਾ | ਇਸ ਸੰਬੰਧੀ ਭਾਈ ਹੀਰਾ ਸਿੰਘ ਖਾਲਸਾ ਮੈਡੀਕਲ ਸਟੋਰ, ਭਾਈ ਲਖਬੀਰ ਸਿੰਘ ਸਠਿਆਲਾ, ਭਾਈ ਗੁਰਪ੍ਰੀਤ ਸਿੰਘ ਬਾਬਾ ਬਕਾਲਾ, ਭਾਈ ਦਲਬੀਰ ਸਿੰਘ ਵਡਾਲਾ, ਭਾਈ ਨਿਰਵੈਰ ਸਿੰਘ ਖਾਲਸਾ ਤੇ ਭਾਈ ਬਲਕਾਰ ਸਿੰਘ ਸਠਿਆਲਾ ਨੇ ਦੱਸਿਆ ਹੈ ਕਿ ਇਸ ਮੌਕੇ ਭਾਈ ਸਾਹਿਬ ਭਾਈ ਦਲਬੀਰ ਸਿੰਘ ਤਰਮਾਲਾ ਮੁਖੀ ਬ੍ਰਹਮ ਗਿਆਨ ਕੇਂਦਰ ਮੋਗਾ ਸੰਗਤਾਂ ਨੂੰ ਗੁਰਬਾਣੀ ਦੁਆਰਾ ਪ੍ਰਮਾਤਮਾ ਨਾਲ ਮਿਲਾਪ ਦਾ ਰਸਤਾ ਸਰਲ ਅਰਥਾਂ 'ਚ ਸਮਝਾਉਣਗੇ |
