ਰੂਪਨਗਰ

‘ ਨੋ ਸ਼ਗਨ , ਨੋ ਗਿਫ਼ਟ ’ ਦੇ ਸੁਨੇਹੇ ਨਾਲ ਚਰਚਾ ’ ਚ ਆਇਆ ਡਾ . ਚੰਦਨ ਦਾ ਵਿਆਹ ਸੱਦਾ ਪੱਤਰ ਬਣੇ ਲੋਕਾਂ ਦੀ ਖਿੱਚ ਦਾ ਕੇਂਦਰ

ਨੂਰਪੁਰ ਬੇਦੀ, 25 ਅਕਤੂਬਰ (ਹਰਦੀਪ ਸਿੰਘ ਢੀਂਡਸਾ)-ਨੂਰਪੁਰ ਬੇਦੀ ਦੇ ਪ੍ਰਸਿੱਧ ਗੁਰਦੇਵ ਹਸਪਤਾਲ ਦੇ ਐਮ ਡੀ ਡਾ. ਗੁਰਦੇਵ ਅਤੇ ਮੈਡਮ ਕੌਸ਼ੱਲਿਆ ਦੇਵੀ ਦੇ ਹੋਣਹਾਰ ਪੁੱਤਰ ਡਾ.

ਅ

ਅਜੀਤ ਡੈਸਕ 26-10-2026

ਨੂਰਪੁਰ ਬੇਦੀ, 25 ਅਕਤੂਬਰ (ਹਰਦੀਪ ਸਿੰਘ ਢੀਂਡਸਾ)-ਨੂਰਪੁਰ ਬੇਦੀ ਦੇ ਪ੍ਰਸਿੱਧ ਗੁਰਦੇਵ ਹਸਪਤਾਲ ਦੇ ਐਮ ਡੀ ਡਾ. ਗੁਰਦੇਵ ਅਤੇ ਮੈਡਮ ਕੌਸ਼ੱਲਿਆ ਦੇਵੀ ਦੇ ਹੋਣਹਾਰ ਪੁੱਤਰ ਡਾ. ਚੰਦਨ ਦਾ ਵਿਆਹ ਇਨ੍ਹੀਂ ਦਿਨੀਂ ਇਲਾਕੇ ਵਿਚ ਖ਼ਾਸ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਡਾ. ਚੰਦਨ ਦਾ ਵਿਆਹ ਨਾਲਾਗੜ੍ਹ ਦੀ ਡਾ. ਲਵਪ੍ਰੀਤ ਨਾਲ 2 ਨਵੰਬਰ ਨੂੰ ਹੋਣ ਜਾ ਰਿਹਾ ਹੈ। ਇਸ ਵਿਆਹ ਦੀਆਂ ਤਿਆਰੀਆਂ ਦੇ ਨਾਲ-ਨਾਲ ਸਭ ਤੋਂ ਵੱਧ ਧਿਆਨ ਖਿੱਚ ਰਹੇ ਹਨ ਵਿਆਹ ਦੇ ਉਹ ਸੱਦਾ ਪੱਤਰ, ਜਿਨ੍ਹਾਂ ’ਤੇ ‘ਨੋ ਸ਼ਗਨ, ਨੋ ਗਿਫ਼ਟ’ ਦਾ ਸੁਨੇਹਾ ਦਰਜ ਕੀਤਾ ਗਿਆ ਹੈ। ਅੱਜ ਦੇ ਦੌਰ ਵਿਚ ਜਦੋਂ ਵਿਆਹਾਂ ਮੌਕੇ ਸ਼ਗਨ ਅਤੇ ਤੋਹਫ਼ਿਆਂ ਦੀ ਅਦਲਾ-ਬਦਲੀ ਨੂੰ ਸਮਾਜਿਕ ਰਸਮ ਦਾ ਅਹਿਮ ਹਿੱਸਾ ਮੰਨਿਆ ਜਾਂਦਾ ਹੈ, ਅਜਿਹੇ ਵਿਚ ਸੱਦਾ ਪੱਤਰਾਂ ’ਤੇ ਸ਼ਗਨ ਅਤੇ ਤੋਹਫ਼ੇ ਨਾ ਲਿਆਉਣ ਦਾ ਸਪਸ਼ਟ ਸੁਨੇਹਾ ਲੋਕਾਂ ਦੀ ਦਿਲਚਸਪੀ ਦਾ ਕਾਰਨ ਬਣਿਆ ਹੋਇਆ ਹੈ। ਇਸ ਸੁਨੇਹੇ ਨੇ ਵਿਆਹ ਨੂੰ ਇੱਕ ਵੱਖਰੀ ਚਰਚਾ ਦੇ ਕੇਂਦਰ ਵਿਚ ਲਿਆ ਦਿੱਤਾ ਹੈ। ਡਾ. ਚੰਦਨ ਅਤੇ ਡਾ. ਲਵਪ੍ਰੀਤ ਦੇ ਵਿਆਹ ਨੂੰ ਲੈ ਕੇ ਪਰਿਵਾਰ ਵਿਚ ਖ਼ੁਸ਼ੀ ਅਤੇ ਉਤਸ਼ਾਹ ਦਾ ਮਾਹੌਲ ਹੈ। ਵਿਆਹ ਦੀਆਂ ਰਸਮਾਂ ਅਤੇ ਸਮਾਗਮਾਂ ਨੂੰ ਲੈ ਕੇ ਕਈ ਦਿਨ ਪਹਿਲਾਂ ਤੋਂ ਹੀ ਜਸ਼ਨਾਂ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਪਰਿਵਾਰਕ ਮੈਂਬਰਾਂ, ਰਿਸ਼ਤੇਦਾਰਾਂ ਅਤੇ ਪਰਿਵਾਰਕ ਮਿੱਤਰਾਂ ਵਿਚ ਇਸ ਖ਼ਾਸ ਮੌਕੇ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਵਿਆਂਦੜ ਮੁੰਡੇ ਦੇ ਮਾਂ-ਬਾਪ ਨੂੰ ਡਾਕਟਰ ਮੁੰਡੇ ਦੇ ਵਿਆਹ ਦਾ ਗੋਡੇ ਗੋਡੇ ਚਾਅ ਹੈ । ਡਾ.ਗੁਰਦੇਵ ਦਾ ਕਹਿਣਾ ਹੈ ਕਿ ਜ਼ਿੰਦਗੀ ਨੂੰ ਖੁੱਲ ਕੇ ਜਿਊਣਾ ਚਾਹੀਦਾ ਹੈ । ਉਨ੍ਹਾਂ ਕਿਹਾ ਕਿ ‘ਨੋ ਸ਼ਗਨ ਨੋ ਗਿਫ਼ਟ’ ਵਾਲੇ ਕਾਰਡ ਸਮਾਜ ਨੂੰ ਚੰਗਾ ਸੁਨੇਹਾ ਦੇਣ ਦਾ ਯਤਨ ਹੈ । ਉਨ੍ਹਾਂ ਕਿਹਾ ਕਿ ਨੂਰਪੁਰ ਬੇਦੀ ਇਲਾਕੇ ਦੇ ਲੋਕਾਂ ਨੇ ਉਨ੍ਹਾਂ ਨੂੰ ਬਹੁਤ ਪਿਆਰ ਤੇ ਸਤਿਕਾਰ ਦਿੱਤਾ ਹੈ । ਦੱਸਣਯੋਗ ਹੈ ਕਿ ਡਾ ਗੁਰਦੇਵ ਦਾ ਦੂਜਾ ਬੇਟਾ ਡਾ ਮੁਕੱਲ ਵੀ ਐਮ ਡੀ ਕਰ ਰਿਹਾ ਹੈ ।

ਪਿਛਲੀ ਖ਼ਬਰ ਨਸ਼ਾ ਵਿਰੋਧੀ ਐਕਸ਼ਨ ਕਮੇਟੀ ਨੇ ਝਾੜੂ ਫ਼ੂਕ ਕੇ ਕੀਤਾ ਮੁਜ਼ਾਹਰਾ ਅਗਲੀ ਖ਼ਬਰ ਚੋਣਾਂ ਦਾ ਆ ਗਿਆ ਸ਼ੋਰ ਸ਼ਰਾਬਾ, ਵੇਖੋ ਕਿਤੇ ਰਹਿ ਨਾ ਜਾਵੇ ਬਾਬਾ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

‘ ਨੋ ਸ਼ਗਨ , ਨੋ ਗਿਫ਼ਟ ’ ਦੇ ਸੁਨੇਹੇ ਨਾਲ ਚਰਚਾ ’ ਚ ਆਇਆ ਡਾ . ਚੰਦਨ ਦਾ ਵਿਆਹ ਸੱਦਾ ਪੱਤਰ ਬਣੇ ਲੋਕਾਂ ਦੀ ਖਿੱਚ ਦਾ ਕੇਂਦਰ

Subscribers Only Story

ਸੰਬੰਧਿਤ ਖ਼ਬਰਾਂ