ਅਨੁਸੂਚਿਤ ਜਾਤੀਆਂ ਤੇ ਪੱਛੜੀਆਂ ਸ਼੍ਰੇਣੀਆਂ ਦੀ ਮੀਟਿੰਗ
ਅਜੀਤ ਡੈਸਕ
28-03-2026
ਘਨੌਲੀ, 27 ਮਾਰਚ (ਜਸਵੀਰ ਸਿੰਘ ਸੈਣੀ)-ਅਨੁਸੂਚਿਤ ਜਾਤੀਆਂ ਤੇ ਪੱਛੜੀਆਂ ਸ਼੍ਰੇਣੀਆਂ ਦੀ ਅਹਿਮ ਮੀਟਿੰਗ ਨੂੰ ਨੂੰਹੋ ਕਾਲੋਨੀ ਵਿਖੇ ਹੋਈ | ਅਨੁਸੂਚਿਤ ਜਾਤੀਆਂ ਤੇ ਪੱਛੜੀਆਂ ਸ਼ੇ੍ਰਣੀਆਂ ਕਰਮਚਾਰੀ ਵੈੱਲਫੇਅਰ ਫੈਡਰੇਸ਼ਨ (ਪਾਵਰਕਾਮ) ਜ਼ਿਲ੍ਹਾ ਰੂਪਨਗਰ ਦੇ ਨੁਮਾਇੰਦਿਆਂ ਨੇ ਪੈੱ੍ਰਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਨੂੰਹੋਂ ਪਿੰਡ ਦੇ ਨੌਜਵਾਨਾਂ ਵਲੋਂ ਅਨੁਸੂਚਿਤ ਜਾਤੀਆਂ ਅਤੇ ਪੱਛੜੀਆਂ ਸ਼ੇ੍ਰਣੀਆਂ ਕਰਮਚਾਰੀ ਵੈੱਲਫੇਅਰ ਫੈਡਰੇਸ਼ਨ (ਪਾਵਰਕਾਮ) ਜ਼ਿਲ੍ਹਾ ਰੂਪਨਗਰ ਦੇ ਧਿਆਨ ਵਿਚ ਲਿਆਦਿਆ ਗਿਆ ਕਿ ਉਨ੍ਹਾਂ ਦੇ ਪਿੰਡ ਦਾ ਖੇਡ ਮੈਦਾਨ ਸੜਕ ਤੋਂ ਕਾਫ਼ੀ ਨੀਵਾਂ ਹੈ | ਜਿਸ ਨਾਲ ਬਾਰਿਸ਼ ਹੋਣ ਉਪਰੰਤ ਇੱਥੇ ਪਾਣੀ ਇਕੱਠਾ ਹੋ ਜਾਂਦਾ ਹੈ, ਜਿਸ ਨੂੰ ਦਰੁਸਤ ਕਰਨ ਲਈ ਭਰਤ ਪਾਉਣ ਦੀ ਲੋੜ ਹੈ | ਇਸ ਦੇ ਸੰਬੰਧ 'ਚ ਥਰਮਲ ਪਲਾਂਟ ਰੂਪਨਗਰ ਦੇ ਮੁੱਖ ਇੰਜੀਨੀਅਰ ਜੀ ਅਤੇ ਉੱਚ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਕਿ ਪਿੰਡ ਵਾਲਿਆਂ ਨੂੰ ਸਟੇਡੀਅਮ ਬਣਾਉਣ ਲਈ ਭਰਤ ਪਾਉਣ ਲਈ ਥਰਮਲ ਦੇ ਐਸ਼ ਪੌਂਡ 'ਚੋਂ ਸਵਾਹ ਦਿੱਤੀ ਜਾਵੇ, ਜਿਸ ਲਈ ਸਰਕਾਰ ਤੋਂ ਲੋੜੀਂਦੇ ਫ਼ੰਡ ਮੁਹੱਈਆ ਕਰਵਾਉਣ ਉਪਰੰਤ ਮਨਜ਼ੂਰੀ ਮੁੱਖ ਇੰਜੀਨੀਅਰ ਅਤੇ ਉੱਚ ਅਧਿਕਾਰੀਆਂ ਵਲੋਂ ਦੇ ਦਿੱਤੀ ਗਈ ਹੈ | ਇਸ ਲਈ ਜਥੇਬੰਦੀ ਮੁੱਖ ਇੰਜੀਨੀਅਰ, ਉੱਚ ਅਧਿਕਾਰੀਆਂ ਤੇ ਬਿਜਲੀ ਮੰਤਰੀ ਮਾਣਯੋਗ ਸੰਜੀਵ ਅਰੋੜਾ ਦਾ ਧੰਨਵਾਦ ਕਰਦੀ ਹੈ | ਇਸ ਦੇ ਨਾਲ ਹੀ ਇਲਾਕੇ ਦੀ ਬਿਹਤਰੀ ਅਤੇ ਨੌਜਵਾਨਾਂ 'ਚ ਖੇਡਾਂ ਦੇ ਰੁਝਾਨ ਨੂੰ ਵਧਾਉਣ ਲਈ ਜਥੇਬੰਦੀ ਹਮੇਸ਼ਾ ਸਹਿਯੋਗ ਦੇਣ ਲਈ ਤਿਆਰ ਰਹੇਗੀ |
