ਅੰਤਰਰਾਸ਼ਟਰੀ ਮੂਟ ਕੋਰਟ ‘ ਜੂਰਿਸ ਨੈਕਸਸ ’ ਦੀ ਮੇਜ਼ਬਾਨੀ ਕਰੇਗੀ ਚੰਡੀਗੜ੍ਹ ਯੂਨੀਵਰਸਿਟੀ 17 ਰਾਜਾਂ ਤੇ 5 ਦੇਸ਼ਾਂ ਦੀਆਂ 112 ਟੀਮਾਂ ਏ. ਆਈ. ਅਤੇ ਆਈ. ਪੀ. ਆਰ. ਨਾਲ ਸੰਬੰਧਿਤ ਉੱਭਰਦੀਆਂ ਚੁਣੌਤੀਆਂ ’ਤੇ ਕਰਨਗੀਆਂ ਬਹਿਸ

ਐੱਸ. ਏ.

ਚ

ਚੰਡੀਗੜ੍ਹ ਯੂਨੀਵਰਸਿਟੀ ਵਿਖੇ ਹੋਣ ਜਾ ਰਹੇ ਅੰਤਰਰਾਸ਼ਟਰੀ ਮੂਟ ਕੋਰਟ ‘ਜੂਰਿਸ ਨੈਕਸਸ-2026’ ’ਚ ਹਿੱਸਾ ਲੈਣ ਵਾਲੇ ਉੱਘੇ ਕਾਨੂੰਨੀ ਦਿੱਗਜ਼ਾਂ ਦੀਆਂ ਤਸਵੀਰਾਂ। 23-09-2026

ਐੱਸ. ਏ. ਐੱਸ. ਨਗਰ, 22 ਸਤੰਬਰ (ਪ੍ਰੋ. ਅਵਤਾਰ ਸਿੰਘ)-ਕਾਨੂੰਨ ਦੇ ਵਿਦਿਆਰਥੀਆਂ ਨੂੰ ਡਿਜ਼ੀਟਲ ਯੁੱਗ ‘ਚ ਉੱਭਰ ਰਹੀਆਂ ਕਾਨੂੰਨੀ ਚੁਣੌਤੀਆਂ ਦੇ ਅਸਲ-ਸੰਸਾਰ ਦੇ ਸੰਪਰਕ ਨਾਲ ਲੈਸ ਕਰਨ ਲਈ ਚੰਡੀਗੜ੍ਹ ਯੂਨੀਵਰਸਿਟੀ ਅੰਤਰਰਾਸ਼ਟਰੀ ਮੂਟ ਕੋਰਟ ‘ਜੂਰਿਸ ਨੈਕਸਸ-2026’ ਦੀ ਮੇਜ਼ਬਾਨੀ ਕਰੇਗੀ, ਜੋ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ. ਆਈ.) ਅਤੇ ਬੌਧਿਕ ਸੰਪਤੀ ਅਧਿਕਾਰਾਂ (ਆਈ. ਪੀ. ਆਰ.) ਵਿਸ਼ੇ ’ਤੇ ਆਧਾਰਿਤ ਹੋਵੇਗਾ। ਇਹ ਮੁਕਾਬਲਾ ਦੁਨੀਆ ਭਰ ਦੇ ਉੱਭਰਦੇ ਕਾਨੂੰਨੀ ਦਿਮਾਗਾਂ, ਜੱਜਾਂ, ਉੱਘੇ ਕਾਨੂੰਨੀ ਪੇਸ਼ੇਵਰਾਂ, ਖੋਜਕਰਤਾਵਾਂ ਅਤੇ ਸਿੱਖਿਆ ਸ਼ਾਸਤਰੀਆਂ ਨੂੰ 1.80 ਲੱਖ ਰੁ. ਦੇ ਇਨਾਮੀ ਪੂਲ ਦੇ ਨਾਲ-ਨਾਲ ਸਿਮੂਲੇਟਿਡ ਨਿਆਂਇਕ ਕਾਰਵਾਈਆਂ ਰਾਹੀਂ ਅੰਤਰ-ਸੱਭਿਆਚਾਰਕ ਅਕਾਦਮਿਕ ਆਦਾਨ-ਪ੍ਰਦਾਨ ਅਤੇ ਅਤਿ-ਆਧੁਨਿਕ ਕਾਨੂੰਨੀ ਪ੍ਰਸ਼ਨਾਂ ‘ਤੇ ਸਹਿਯੋਗੀ ਸ਼ਮੂਲੀਅਤ ਲਈ ਮੰਚ ਪ੍ਰਦਾਨ ਕਰੇਗਾ। ਚੰਡੀਗੜ੍ਹ ਯੂਨੀਵਰਸਿਟੀ ਦੇ ‘ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਲੀਗਲ ਸਟੱਡੀਜ਼’ ਵਲੋਂ 24 ਤੋਂ 26 ਸਤੰਬਰ ਤੱਕ ਕਰਵਾਏ ਜਾਣ ਵਾਲੇ ਇਸ ਤਿੰਨ-ਰੋਜ਼ਾ ਮੂਟ ਕੋਰਟ ਮੁਕਾਬਲੇ ‘ਚ ਮੁੱਖ ਮਹਿਮਾਨਾਂ ਵਜੋਂ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਜਸਟਿਸ ਰਾਜੇਸ਼ ਬਿੰਦਲ, ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਜੱਜ ਜਸਟਿਸ ਆਲੋਕ ਜੈਨ, ਪੰਜਾਬ ਰਾਜ ਮਨੁੱਖੀ ਅਧਿਕਾਰ ਕਮਿਸ਼ਨ ਦੇ ਚੇਅਰਪਰਸਨ ਜਸਟਿਸ ਸੰਤ ਪ੍ਰਕਾਸ਼, ਕਾਨੂੰਨ ਅਤੇ ਨਿਆਂ ਮੰਤਰਾਲੇ ਦੇ ਵਧੀਕ ਸਕੱਤਰ ਡਾ. ਮਨੋਜ ਕੁਮਾਰ, ਹਰਿਆਣਾ ਦੇ ਐਡਵੋਕੇਟ ਜਨਰਲ ਐਡਵੋਕੇਟ ਪਵਨ ਕੁਮਾਰ ਮੁਤਨੇਜਾ, ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਤੇ ਨੈਸ਼ਨਲ ਜੁਡੀਸ਼ੀਅਲ ਅਕੈਡਮੀ ਦੇ ਸਾਬਕਾ ਡਾਇਰੈਕਟਰ ਅਤੇ ਚੰਡੀਗੜ੍ਹ ਜੁਡੀਸ਼ੀਅਲ ਅਕੈਡਮੀ ਦੇ ਡਾਇਰੈਕਟਰ-ਅਕਾਦਮਿਕ ਡਾ. ਬਲਰਾਮ ਕੇ. ਗੁਪਤਾ, ਡਾ. ਰਾਮ ਮਨੋਹਰ ਲੋਹੀਆ ਨੈਸ਼ਨਲ ਲਾਅ ਯੂਨੀਵਰਸਿਟੀ ਲਖਨਊ ਦੇ ਵਾਈਸ-ਚਾਂਸਲਰ ਡਾ. ਅਮਰ ਪਾਲ ਸਿੰਘ ਅਤੇ ਗੁਜਰਾਤ ਨੈਸ਼ਨਲ ਲਾਅ ਯੂਨੀਵਰਸਿਟੀ ਦੇ ਰਜਿਸਟਰਾਰ ਡਾ. ਨਿਤਿਨ ਮਲਿਕ ਹਾਜ਼ਰੀ ਭਰਨਗੇ, ਜਦਕਿ ਵਿਸ਼ੇਸ਼ ਮਹਿਮਾਨਾਂ ‘ਚ ਸੁਪਰੀਮ ਕੋਰਟ ਦੇ ਵਧੀਕ ਸਾਲਿਸਿਟਰ ਜਨਰਲ ਐਡਵੋਕੇਟ ਦਵਿੰਦਰ ਪਾਲ ਸਿੰਘ, ਸੁਪਰੀਮ ਕੋਰਟ ਦੇ ਐਡਵੋਕੇਟ-ਆਨ-ਰਿਕਾਰਡ ਵਿਵੇਕ ਨਾਰਾਇਣ, ਆਰਮੀ ਇੰਸਟੀਚਿਊਟ ਆਫ਼ ਲਾਅ ਮੁਹਾਲੀ ਦੀ ਪ੍ਰਿੰ. ਡਾ. ਰਸ਼ਮੀ ਨਾਗਪਾਲ, ਡੀ. ਪੀ. ਆਈ. ਆਈ. ਟੀ. ਦੇ ਸੀਨੀਅਰ ਸਲਾਹਕਾਰ ਡਾ. ਰਾਘਵੇਂਦਰ ਜੀ. ਆਰ., ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਵਧੀਕ ਐਡਵੋਕੇਟ ਜਨਰਲ ਐਡਵੋਕੇਟ ਚੰਚਲ ਸਿੰਗਲਾ, ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਬਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸੀਨੀਅਰ ਵਕੀਲ ਰੋਹਿਤ ਸੂਦ ਅਤੇ ਬਾਰ ਕੌਂਸਲ ਆਫ਼ ਇੰਡੀਆ ਦੇ ਮੈਂਬਰ ਐਡਵੋਕੇਟ ਸੁਰਵੀਰ ਸਿੱਧੂ ਸ਼ਾਮਿਲ ਹੋਣਗੇ। ਇਸ ਮੁਕਾਬਲੇ ਬਾਬਤ ਹੋਰ ਜਾਣਕਾਰੀ ਸਾਂਝੀ ਕਰਦਿਆਂ ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਸੀਨੀਅਰ ਮੈਨੇਜਿੰਗ ਡਾਇਰੈਕਟਰ ਦੀਪਿੰਦਰ ਸਿੰਘ ਸੰਧੂ ਨੇ ਕਿਹਾ ਕਿ ਜਿਵੇਂ ਕਿ ਏ. ਆਈ. ਉਦਯੋਗਾਂ, ਅਰਥ-ਵਿਵਸਥਾਵਾਂ ਅਤੇ ਸਮਾਜਾਂ ਨੂੰ ਬਦਲ ਰਹੀ ਹੈ, ਉਸ ਨੇ ਇਕੋ ਸਮੇਂ ਮਾਲਕੀ, ਨਵੀਨਤਾ, ਜਵਾਬਦੇਹੀ, ਰਚਨਾਤਮਕਤਾ ਅਤੇ ਬੌਧਿਕ ਸੰਪਤੀ ਕਾਨੂੰਨ ਦੇ ਭਵਿੱਖ ਸੰਬੰਧੀ ਗੁੰਝਲਦਾਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ, ਲਿਹਾਜ਼ਾ ਅੰਤਰਰਾਸ਼ਟਰੀ ਮੂਟ ਕੋਰਟ ਮੁਕਾਬਲੇ ਦੇ ਰੂਪ ‘ਚ ‘ਜੂਰਿਸ ਨੈਕਸਸ-2026’ ਨੂੰ ਤਕਨਾਲੋਜੀ ਅਤੇ ਕਾਨੂੰਨ ਦੇ ਲਾਂਘੇ ‘ਤੇ ਪੈਦਾ ਹੋਣ ਵਾਲੇ ਅਸਲ-ਸੰਸਾਰ ਵਿਵਾਦਾਂ ਨੂੰ ਦਰਸਾਉਣ ਲਈ ਧਿਆਨ ਨਾਲ ਤਿਆਰ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੂਟ ਕੋਰਟ ਮੁਕਾਬਲੇ ਲਈ ਸ਼ਾਰਟਲਿਸਟ ਕੀਤੀਆਂ 112 ਟੀਮਾਂ ਵਿਆਪਕ ਯਾਦਗਾਰਾਂ ਤਿਆਰ ਕਰਨਗੀਆਂ ਅਤੇ ਵਿਆਪਕ ਕਾਨੂੰਨੀ ਖੋਜ ਕਰਨਗੀਆਂ, ਉਪਰੰਤ ਪ੍ਰਸਿੱਧ ਜੱਜਾਂ ਦੇ ਵਿਸ਼ੇਸ਼ ਸੱਤ ਮੈਂਬਰੀ ਬੈਂਚ ਦੇ ਸਾਹਮਣੇ ਪ੍ਰੇਰਕ ਮੌਖਿਕ ਦਲੀਲਾਂ ਪੇਸ਼ ਕਰਨਗੀਆਂ। ਉਨ੍ਹਾਂ ਕਿਹਾ ਕਿ ਏ. ਆਈ. ਅਤੇ ਆਈ. ਪੀ. ਆਰ. ਦੇ ਖੇਤਰਾਂ ‘ਚ ਅਕਾਦਮਿਕ ਉੱਤਮਤਾ ਅਤੇ ਕਾਨੂੰਨੀ ਖੋਜ ਨੂੰ ਉਤਸ਼ਾਹਿਤ ਕਰਨ ਦੇ ਨਾਲ-ਨਾਲ ਇਹ ਅੰਤਰਰਾਸ਼ਟਰੀ ਮੂਟ ਕੋਰਟ ਮੁਕਾਬਲਾ ਭਾਗੀਦਾਰਾਂ ਨੂੰ ਉੱਭਰ ਰਹੀਆਂ ਤਕਨੀਕਾਂ ਤੋਂ ਪੈਦਾ ਹੋਣ ਵਾਲੇ ਗੁੰਝਲਦਾਰ ਕਾਨੂੰਨੀ ਵਿਵਾਦਾਂ ਬਾਰੇ ਵਿਵਹਾਰਕ ਜਾਣਕਾਰੀ ਵੀ ਪ੍ਰਦਾਨ ਕਰੇਗਾ। ਇਸ ਤੋਂ ਇਲਾਵਾ ਇਹ ਮੁਕਾਬਲਾ ਏ. ਆਈ.-ਆਧਾਰਿਤ ਰਚਨਾਵਾਂ, ਕਾਢਾਂ ਅਤੇ ਨਵੀਨਤਾਵਾਂ ਨਾਲ ਸੰਬੰਧਿਤ ਸਮਕਾਲੀ ਚੁਣੌਤੀਆਂ ਦੇ ਗੰਭੀਰ ਵਿਸ਼ਲੇਸ਼ਣ ਨੂੰ ਉਤਸ਼ਾਹਿਤ ਕਰੇਗਾ। ਉਨ੍ਹਾਂ ਕਿਹਾ ਕਿ ਇਹ ਮੁਕਾਬਲਾ ਕਾਨੂੰਨ ਦੇ ਵਿਦਿਆਰਥੀਆਂ ‘ਚ ਵਕਾਲਤ, ਦਸਤਾਵੇਜ਼ ਤਿਆਰ ਕਰਨ, ਖੋਜ ਤੇ ਜ਼ੁਬਾਨੀ ਦਲੀਲਬਾਜ਼ੀ ਦੇ ਹੁਨਰਾਂ ਨੂੰ ਵੀ ਵਧਾਏਗਾ। ਉਨ੍ਹਾਂ ਦੱਸਿਆ ਕਿ ਇਸ ਮੁਕਾਬਲੇ ‘ਚ ਭਾਰਤ ਦੇ 17 ਰਾਜਾਂ ਜਿਵੇਂ ਕਿ ਦਿੱਲੀ, ਹਰਿਆਣਾ, ਮਹਾਰਾਸ਼ਟਰ, ਰਾਜਸਥਾਨ, ਗੁਜਰਾਤ, ਉੱਤਰ ਪ੍ਰਦੇਸ਼, ਆਂਧਰਾ ਪ੍ਰਦੇਸ਼, ਪੱਛਮੀ ਬੰਗਾਲ, ਕਰਨਾਟਕ, ਹਿਮਾਚਲ ਪ੍ਰਦੇਸ਼, ਝਾਰਖੰਡ, ਪੰਜਾਬ, ਤਾਮਿਲਨਾਡੂ, ਮੱਧ ਪ੍ਰਦੇਸ਼, ਜੰਮੂ-ਕਸ਼ਮੀਰ, ਓੜੀਸਾ ਅਤੇ ਉੱਤਰਾਖੰਡ ਦੀਆਂ 105 ਟੀਮਾਂ ਤੋਂ ਇਲਾਵਾ ਪੰਜ ਦੇਸ਼ਾਂ ਯੂਨਾਈਟਿਡ ਕਿੰਗਡਮ, ਬੰਗਲਾਦੇਸ਼, ਮਲੇਸ਼ੀਆ, ਨੇਪਾਲ ਅਤੇ ਦੱਖਣੀ ਅਫਰੀਕਾ ਦੀਆਂ ਸੱਤ ਟੀਮਾਂ ਵੀ ਹਿੱਸਾ ਲੈਣਗੀਆਂ, ਜਿਸ ਨਾਲ ਇਹ ਸੱਚਮੁੱਚ ਇਕ ਅੰਤਰਰਾਸ਼ਟਰੀ ਅਕਾਦਮਿਕ ਸਮਾਗਮ ਸਾਬਿਤ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਇਹ ਮੂਟ ਕੋਰਟ ਮੁਕਾਬਲਾ ਕਈ ਪੜਾਵਾਂ ‘ਚ ਕਰਵਾਇਆ ਜਾਵੇਗਾ, ਜਿਨ੍ਹਾਂ ‘ਚ ਸ਼ੁਰੂਆਤੀ ਦੌਰ, ਕੁਆਰਟਰ-ਫਾਈਨਲ, ਸੈਮੀ-ਫਾਈਨਲ ਅਤੇ ਫਾਈਨਲ ਦੌਰ ਸ਼ਾਮਿਲ ਹੋਣਗੇ। ਉਨ੍ਹਾਂ ਦੱਸਿਆ ਕਿ ਮੁਕਾਬਲੇ ਦੇ ਜੇਤੂ ਨੂੰ ਜਿਥੇ 1 ਲੱਖ ਰੁ. ਦਾ ਇਨਾਮ ਮਿਲੇਗਾ, ਉਥੇ ਹੀ ਦੂਜੇ ਸਥਾਨ ‘ਤੇ ਰਹਿਣ ਵਾਲੇ ਨੂੰ 50 ਹਜ਼ਾਰ ਰੁ. ਦਾ ਇਨਾਮ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ‘ਬੈਸਟ ਮੈਮੋਰੀਅਲ’, ‘ਬੈਸਟ ਮੂਟਰ’ ਅਤੇ ‘ਬੈਸਟ ਰਿਸਰਚਰ’ ਨੂੰ 11-11 ਹਾਜ਼ਰ ਰੁ. ਦੇ ਇਨਾਮ ਦਿੱਤੇ ਜਾਣਗੇ।

Subscribers Only Story

ਸੰਬੰਧਿਤ ਖ਼ਬਰਾਂ