ਚੰਡੀਗੜ੍ਹ, 3 ਅਪ੍ਰੈਲ (ਅ.ਬ.)-ਸੋਨਾਲੀਕਾ ਟ੍ਰੈਕਟਰਜ਼ ਨੇ ਵਿੱਤੀ ਵਰ੍ਹਾ '26 ਵਿਚ 1,80,504 ਟਰੈਕਟਰਾਂ ਦੀ ਸਭ ਤੋਂ ਵੱਧ ਸਾਲਾਨਾ ਵਿਕਰੀ ਕਰਕੇ ਆਪਣੇ 30ਵੇਂ ਸਾਲ ਨੂੰ ਇਤਿਹਾਸਕ ਬਣਾ ਦਿੱਤਾ ਹੈ | ਇਹ ਵੱਡੀ ਕਾਮਯਾਬੀ ਕੰਪਨੀ ਦੇ ਅਨੁਸ਼ਾਸਨ, ਕਿਸਾਨਾਂ ਨੂੰ ਪਹਿਲ ਦੇਣ ਵਾਲੇ ਰੁਖ ਤੇ ਤਕਨੀਕੀ ਤੌਰ 'ਤੇ ਅਧੁਨਿਕ ਤੇ ਹੈਵੀ-ਡਿਊਟੀ ਟਰੈਕਟਰ ਮੁਹੱਈਆ ਕਰਵਾਉਣ 'ਤੇ ਲਗਾਤਾਰ ਧਿਆਨ ਨੂੰ ਦਰਸਾਉਂਦੀ ਹੈ | ਸਫਲ ਪ੍ਰੋਡਕਟ ਲਾਂਚਾਂ ਤੋਂ ਬਾਅਦ ਸੋਨਾਲੀਕਾ ਹੁਣ ਭਵਿੱਖ ਦੀ ਖੇਤੀ ਨੂੰ ਹੋਰ ਤੇਜ਼ੀ ਨਾਲ ਅੱਗੇ ਵਧਾਉਣ ਲਈ ਆਧੁਨਿਕ ਹੱਲ ਪੇਸ਼ ਕਰਨ ਵਾਸਤੇ ਆਪਣੀਆਂ ਰਿਸਰਚ ਤੇ ਡਿਵੈਲਪਮੈਂਟ ਸਮਰੱਥਾਵਾਂ ਨੂੰ ਹੋਰ ਮਜ਼ਬੂਤ ਕਰ ਰਿਹਾ ਹੈ | ਇਸ ਉਪਲਬਧੀ 'ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਰਮਨ ਮਿੱਤਲ, ਜਾਇੰਟ ਮੈਨੇਜਿੰਗ ਡਾਇਰੈਕਟਰ, ਇੰਟਰਨੈਸ਼ਨਲ ਟ੍ਰੈਕਟਰਜ਼ ਲਿਮਿਟਡ ਨੇ ਕਿਹਾ, ''ਆਪਣੇ 30ਵੇਂ ਸਾਲ ਵਿਚ ਸਾਡਾ 'ਜਿੱਤਣ ਦਾ ਦਮ' ਸੱਚਮੁੱਚ ਸਾਹਮਣੇ ਆਇਆ ਹੈ |
