ਲੁਧਿਆਣਾ

ਸਚਿਨ ਪਾਇਲਟ ਦਾ ਮੁਹਾਲੀ ਹਵਾਈ ਅੱਡੇ ’ਤੇ ਬਾਵਾ ਨੇ ਕੀਤਾ ਸਵਾਗਤ

ਅ

ਅਜੀਤ ਡੈਸਕ 13-11-2026

ਲੁਧਿਆਣਾ, 12 ਨਵੰਬਰ (ਜਤਿੰਦਰ ਭੰਬੀ)- ਕੁੱਲ ਹਿੰਦ ਕਾਂਗਰਸ ਦੇ ਜਨਰਲ ਸਕੱਤਰ ਇੰਚਾਰਜ ਪੰਜਾਬ ਪ੍ਰਦੇਸ਼ ਕਾਂਗਰਸ ਸਚਿਨ ਪਾਇਲਟ ਦੇ ਮੁਹਾਲੀ ਹਵਾਈ ਅੱਡੇ ਪੁੱਜਣ ‘ਤੇ ਸੀਨੀਅਰ ਕਾਂਗਰਸੀ ਆਗੂ ਕ੍ਰਿਸ਼ਨ ਕੁਮਾਰ ਬਾਵਾ ਵਰਕਿੰਗ ਪ੍ਰਧਾਨ ਪੰਜਾਬ ਪ੍ਰਦੇਸ਼ ਕਾਂਗਰਸ (ਓ.ਬੀ.ਸੀ.) ਨੇ ਦੁਸ਼ਾਲਾ ਪਾ ਕੇ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਨਾਂਅ ਦਾ ਵਿਸ਼ੇਸ਼ ਮੈਡਲ ਪਾ ਕੇ ਸਵਾਗਤ ਕੀਤਾ। ਇਸ ਸਮੇਂ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਪ੍ਰਗਟ ਸਿੰਘ, ਅਮਰ ਸਿੰਘ ਮੈਂਬਰ ਪਾਰਲੀਮੈਂਟ, ਰਵਿੰਦਰ ਡਲਵੀ ਸਕੱਤਰ ਕੁੱਲ ਹਿੰਦ ਕਾਂਗਰਸ ਅਤੇ ਸਚਿਨ ਪਾਇਲਟ ਦੇ ਸਹਾਇਕ ਨਿਰੰਜਨ ਚੌਧਰੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ।ਇਸ ਸਮੇਂ ਸਚਿਨ ਪਾਇਲਟ ਨੇ ਕਿਹਾ ਕਿ ‘ ਆਪ’ ਸਰਕਾਰ ਦੇ ਕੋਲ ਨਾ ਕੋਈ ਨੀਤੀ ਹੈ ਅਤੇ ਨਾ ਹੀ ਨੀਅਤ ਸਾਫ ਹੈ। ਇਸ ਪਾਰਟੀ ਨੇ ਪੰਜਾਬ ਦੇ ਲੋਕਾਂ ਨੂੰ ਝੂਠੇ ਵਾਅਦੇ, ਨਾਅਰੇ, ਲਾਰੇ ਤੇ ਗਰੰਟੀਆਂ ਵਿੱਚ ਹੀ ਆਪਣੇ ਰਾਜ ਦੌਰਾਨ ਫਸਾਈ ਰੱਖਿਆ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੀ ਸਰਕਾਰ ਬਣਨ ‘ਤੇ ਪੰਜਾਬ ਦੇ ਹਰ ਵਰਗ ਦੀ ਬੇਹਤਰੀ ਲਈ ਪ੍ਰੋਗਰਾਮ ਉਲੀਕਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸਾਡਾ ਨੇਤਾ ਰਾਹੁਲ ਗਾਂਧੀ ਜੋ ਕਹਿੰਦਾ ਹੈ, ਉਹ ਕਰਦਾ ਹੈ। ਇਸ ਲਈ ਪੰਜਾਬ ਵਿੱਚ ਕਾਂਗਰਸ ਪਾਰਟੀ ਦੀ ਸਰਕਾਰ ਬਣਨ ‘ਤੇ ਪੰਜਾਬ ਵਿੱਚ ਖੁਸ਼ਹਾਲੀ ਦਾ ਨਵਾਂ ਦੌਰ ਸ਼ੁਰੂ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਸਾਈਕਲ ਰੈਲੀ ਆਮ ਲੋਕਾਂ ਨੂੰ ਨੇੜੇ ਤੋਂ ਮਿਲਣ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਜਾਨਣ ਦਾ ਬਿਹਤਰ ਰਸਤਾ ਹੈ।

ਪਿਛਲੀ ਖ਼ਬਰ 2 ਸਾਲਾਂ ’ਚ ਪੰਜਵਾਂ ਨਗਰ ਨਿਗਮ ਕਮਿਸ਼ਨਰ, 22 ਦਿਨਾਂ ’ਚ ਹੀ ਬਦਲਿਆ ਪਿਛਲਾ ਕਮਿਸ਼ਨਰ ਅਗਲੀ ਖ਼ਬਰ ਪ੍ਰਦੀਪ ਸਿੰਘ ਬੈਂਸ ਨੇ ਖੰਨਾ ਦੇ ਐਸ . ਡੀ . ਐਮ . ਵਜੋਂ ਅਹੁਦਾ ਸੰਭਾਲਿਆ