ਲੁਧਿਆਣਾ

ਲੋਕ ਸੇਵਾ ਸੁਸਾਇਟੀ ਜਗਰਾਉਂ ਵਲੋਂ 80ਵਾਂ ਅੱਖਾਂ ਦਾ ਮੁਫ਼ਤ ਆਪ੍ਰੇਸ਼ਨ ਕੈਂਪ ਲਗਾਇਆ

ਲੁਧਿਆਣਾ, 30 ਅਗਸਤ (ਜਸਵਿੰਦਰ ਸਿੰਘ)-ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀ. ਸੀ.

ਅ

ਅਜੀਤ ਡੈਸਕ 31-08-2026

ਲੁਧਿਆਣਾ, 30 ਅਗਸਤ (ਜਸਵਿੰਦਰ ਸਿੰਘ)-ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀ.ਸੀ.ਏ.) ਵਲੋਂ ਬੀ.ਸੀ.ਸੀ.ਆਈ. ਦੇ ਤਹਿਤ ਕਰਵਾਈ ਜਾ ਰਹੀ ਪਹਿਲੀ ਸ਼ੇਰ-ਏ-ਪੰਜਾਬ ਟੀ20 ਕ੍ਰਿਕਟ ਲੀਗ ਲਈ ਲੁਧਿਆਣਾ ਲਾਇਨਜ਼ ਨੇ ਆਪਣੀ ਟੀਮ ਦੀ ਜਰਸੀ ਅਤੇ ਅਧਿਕਾਰਤ ਮਸਕਟ (ਸ਼ੁਭੰਕਰ) ਦਾ ਅਨਾਵਰਣ ਕੀਤਾ। ਕਪਤਾਨ ਅਰਸ਼ਦੀਪ ਸਿੰਘ ਦੀ ਅਗਵਾਈ ਹੇਠ ਲੁਧਿਆਣਾ ਲਾਇਨਜ਼ ਆਪਣੀ ਮੁਹਿੰਮ ਦੀ ਸ਼ੁਰੂਆਤ 1 ਸਤੰਬਰ ਨੂੰ ਮੋਹਾਲੀ ਵਿਖੇ ਬਠਿੰਡਾ ਰੌਇਲਜ਼ ਖ਼ਿਲਾਫ਼ ਮੁਕਾਬਲੇ ਨਾਲ ਕਰੇਗੀ। ਜਰਸੀ ਦੇ ਅਨਾਵਰਣ ਦੇ ਨਾਲ ਟੀਮ ਦੇ ਅਧਿਕਾਰਤ ਮਸਕਟ ‘ਸ਼ੇਰ ਸਿੰਘ’ ਨੂੰ ਵੀ ਲਾਂਚ ਕੀਤਾ ਗਿਆ। ਇਸ ਮੌਕੇ ਟੀਮ ਦਾ ਅਧਿਕਾਰਤ ਐਂਥਮ ਵੀ ਜਾਰੀ ਕੀਤਾ ਗਿਆ। ਲੁਧਿਆਣਾ ਲਾਇਨਜ਼ ਦੇ ਮਾਲਕ ਪ੍ਰਸਿੱਧ ਚਾਰਟਰਡ ਅਕਾਊਂਟੈਂਟ ਮਨੋਜ ਬਾਂਸਲ ਅਤੇ ਹਰਿਤ ਅਗਰਵਾਲ ਹਨ। ਕਪਤਾਨ ਅਰਸ਼ਦੀਪ ਸਿੰਘ ਦੀ ਅਗਵਾਈ ਹੇਠ ਲੁਧਿਆਣਾ ਲਾਇਨਜ਼ ਦੀ ਪੂਰੀ ਟੀਮ ਵਿਚ ਸਲਿਲ ਅਰੋੜਾ, ਕ੍ਰਿਸ਼ ਭਗਤ, ਅਰਜੁਨ ਰਾਜਪੂਤ, ਜਸ ਇੰਦਰ, ਅਭਿਜੀਤ ਗਰਗ, ਮਾਧਵ ਸਿੰਘ ਪਠਾਨੀਆ, ਕਾਰਤਿਕ ਸ਼ਰਮਾ, ਕਾਰਤਿਕ ਚੱਢਾ, ਲਵਦੀਪ ਸਿੰਘ ਖਰੋੜ, ਲਵਕੀਰਤ ਸਿੰਘ, ਬਿਕਰਮਜੀਤ ਸਿੰਘ, ਹਰੀਸ਼ ਕੁਮਾਰ, ਤਰਨਵੀਰ ਸਿੰਘ ਰੰਧਾਵਾ, ਰਾਜਵੀਰ ਜਸਵਾਲ, ਅਸੀਮ ਕੋਹਲੀ, ਹਵਨੀਤ ਸਿੰਘ, ਯੂਵੀ ਗੋਇਲ, ਸਾਹਿਲ ਭਾਸਕਰ ਅਤੇ ਗੁਰਮਨ ਸਿੰਘ ਸ਼ਾਮਿਲ ਹਨ। ਲੀਗ ਪੜਾਅ ਵਿਚ ਲੁਧਿਆਣਾ ਲਾਇਨਜ਼ ਦਾ ਦੂਜਾ ਮੁਕਾਬਲਾ 2 ਸਤੰਬਰ ਨੂੰ ਮੋਹਾਲੀ ਕਿੰਗਜ਼ ਖ਼ਿਲਾਫ਼ ਹੋਵੇਗਾ। ਇਸ ਤੋਂ ਬਾਅਦ ਟੀਮ 4 ਸਤੰਬਰ ਨੂੰ ਜਲੰਧਰ ਵਾਰਿਅਰਜ਼, 6 ਸਤੰਬਰ ਨੂੰ ਫ਼ਾਜ਼ਿਲਕਾ ਫਾਲਕਨਜ਼ ਅਤੇ 7 ਸਤੰਬਰ ਨੂੰ ਇਕ ਵਾਰ ਫਿਰ ਮੋਹਾਲੀ ਕਿੰਗਜ਼ ਨਾਲ ਭਿੜੇਗੀ। ਲਾਇਨਜ਼ 9 ਸਤੰਬਰ ਨੂੰ ਫ਼ਾਜ਼ਿਲਕਾ ਫਾਲਕਨਜ਼ ਖ਼ਿਲਾਫ਼ ਆਪਣਾ ਅਗਲਾ ਮੈਚ ਖੇਡੇਗੀ, ਜਦਕਿ 10 ਸਤੰਬਰ ਨੂੰ ਜਲੰਧਰ ਵਾਰਿਅਰਜ਼ ਨਾਲ ਮੁਕਾਬਲਾ ਹੋਵੇਗਾ। ਟੀਮ ਲੀਗ ਪੜਾਅ ਦਾ ਸਮਾਪਨ 11 ਸਤੰਬਰ ਨੂੰ ਅੰਮ੍ਰਿਤਸਰ ਸੂਰਮਿਆਂ ਖ਼ਿਲਾਫ਼ ਮੁਕਾਬਲੇ ਨਾਲ ਕਰੇਗੀ। ਲੁਧਿਆਣਾ ਲਾਇਨਜ਼ ਦੇ ਮਾਲਕ ਹਰਿਤ ਅਗਰਵਾਲ ਅਤੇ ਮਨੋਜ ਬਾਂਸਲ ਨੇ ਕਿਹਾ ਕਿ ਟੀਮ ਨੇ ਲੀਗ ਲਈ ਪੂਰੀ ਤਿਆਰੀ ਕੀਤੀ ਹੈ। ਉਨ੍ਹਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਲੁਧਿਆਣਾ ਲਾਇਨਜ਼ ਇਸ ਸੀਜ਼ਨ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਉੱਚੇ ਟੀਚੇ ਹਾਸਲ ਕਰਨ ਵਿਚ ਕਾਮਯਾਬ ਰਹੇਗੀ।

ਪਿਛਲੀ ਖ਼ਬਰ ਦੁਰਗਿਆਣਾ ਮੰਦਰ ਕਮੇਟੀ ਨੇ 21 ਵਿਧਵਾ ਤੇ ਲੋੜਵੰਦ ਔਰਤਾਂ ਨੂੰ ਵੰਡੀਆਂ ਰਾਸ਼ਨ ਦੀਆਂ ਕਿੱਟਾਂ ਅਗਲੀ ਖ਼ਬਰ ਰਵਨੀਤ ਸਿੰਘ ਬਿੱਟੂ ਨੇ ਪਿੰਡ ਰਸੂਲਪੁਰ ਵਿਖੇ ਲੋਕਾਂ ਨਾਲ ‘ਮਨ ਕੀ ਬਾਤ’ ਪ੍ਰੋਗਾਰਮ ਦੇਖਿਆ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਲੋਕ ਸੇਵਾ ਸੁਸਾਇਟੀ ਜਗਰਾਉਂ ਵਲੋਂ 80ਵਾਂ ਅੱਖਾਂ ਦਾ ਮੁਫ਼ਤ ਆਪ੍ਰੇਸ਼ਨ ਕੈਂਪ ਲਗਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ