ਮਿਲਾਵਟਖੋਰੀ ਦੇ ਵਧਦੇ ਰੁਝਾਨ 'ਤੇ ਠੱਲ੍ਹ ਪਾਉਣ ਲਈ ਆਿਖ਼ਰ ਜ਼ਿੰਮੇਵਾਰ ਕੋਣ? <br/>
ਅਜੀਤ ਡੈਸਕ
17-05-2026
ਕੀ ਕਹਿਣਾ ਹੈ ਸਮਾਜਸੇਵੀ ਪੰਕਜ ਅਰੋੜਾ ਦਾ
ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਵਿਰਸਾ ਸੰਭਾਲ ਮੰਚ ਦੇ ਸਰਪ੍ਰਸਤ ਪੰਕਜ ਅਰੋੜਾ ਨੇ ਕਿਹਾ ਮਿਲਾਵਟ ਖੋਰੀ ਵਧਣ ਦੇ ਮੁੱਖ ਕਾਰਨ ਵਧੇਰੇ ਮੁਨਾਫ਼ਾ, ਵੱਧ ਮੰਗ, ਘੱਟ ਸਪਲਾਈ, ਕਾਨੂੰਨ ਦਾ ਘੱਟ ਡਰ ਹੀ ਹਨ, ਜਿਸ ਨੂੰ ਰੋਕਣ ਦੀ ਮੁੱਖ ਜ਼ਿੰਮੇਵਾਰ ਲਈ ਖ਼ੁਰਾਕ ਸੁਰੱਖਿਆ ਅਤੇ ਮਿਆਰ ਅਥਾਰਟੀ, ਸਿਹਤ ਵਿਭਾਗ, ਖ਼ੁਰਾਕ ਤੇ ਡਰੱਗ ਪ੍ਰਸ਼ਾਸਨ ਪੰਜਾਬ ਖ਼ੁਰਾਕ ਸੁਰੱਖਿਆ ਵਿਭਾਗ, ਸ਼ਰਾਬ ਲਈ ਆਬਕਾਰੀ ਵਿਭਾਗ ਅਤੇ ਪੰਜਾਬ ਪੁਲਿਸ ਮਿਲਾਵਟ ਵਿਰੋਧੀ ਸੈੱਲ ਸਥਾਪਿਤ ਕੀਤੇ ਗਏ ਹਨ, ਜਿਨ੍ਹਾਂ ਨੂੰ ਇਸ ਗੋਰਖ-ਧੰਦੇ ਨੂੰ ਰੋਕਣ ਲਈ ਇਮਾਨਦਾਰੀ ਨਾਲ ਕੰਮ ਕਰਦੇ ਹੋਏ ਸਖ਼ਤੀ ਕਰਨ ਦੀ ਲੋੜ ਹੈ¢
ਕੀ ਕਹਿਣਾ ਹੈ ਸਿਹਤ ਅਫ਼ਸਰ ਲੁਧਿਆਣਾ ਦਾ
ਸਿਹਤ ਅਫ਼ਸਰ ਡਾ. ਅਸ਼ੀਸ ਚਾਵਲਾ ਨੇ ਕਿਹਾ ਕਿ ਮਿਲਾਵਟਖੋਰਾਂ ਵਿਰੁੱਧ ਸਿਹਤ ਵਿਭਾਗ ਵਲੋਂ ਮੁਹਿੰਮ ਵਿੱਢੀ ਹੋਈ ਹੈ ਅਤੇ ਹਰ ਰੋਜ਼ ਵੱਡੇ ਪੱਧਰ 'ਤੇ ਖਾਧ ਪਦਾਰਥਾਂ ਦੀ ਸੈਪਲਿੰਗ ਕੀਤੀ ਜਾ ਰਹੀ ਹੈ | ਜਦੋਂ ਉਨ੍ਹਾਂ ਪਾਸੋਂ ਸੈਪਲਿੰਗ ਦੇ ਨਤੀਜੇ ਦੇਰੀ ਨਾਲ ਆਉਣ ਦਾ ਕਾਰਨ ਪੁੱਛਿਆ ਤਾਂ ਉਨ੍ਹਾਂ ਕਿਹਾ ਕਿ ਇਸ ਦਾ ਮੁੱਖ ਕਾਰਨ ਸੂਬੇ ਅੰਦਰ ਟੈਸਟਿੰਗ ਲਈ ਸਿਰਫ਼ ਇਕ ਹੀ ਲੈਬਾਰਟਰੀ ਦਾ ਹੋਣਾ ਹੈ |
