ਢੰਡਾਰੀ ਕਲਾਂ/ਲੁਧਿਆਣਾ, 8 ਮਈ (ਜਸਵੀਰ ਸਿੰਘ ਬੰਗਾ)-ਵਾਰਡ ਨੰਬਰ 25 ਦੇ ਇਲਾਕੇ ਢੰਡਾਰੀ ਖੁਰਦ ਸਥਿਤ ਫਿਨੋ ਬੈਂਕ ਦੀ ਗਲੀ ਨੰਬਰ 2 ਵਿਖੇ ਨੌਜਵਾਨਾਂ ਵਲੋਂ ਪਹਿਲੀ ਵਾਰ ਸ੍ਰੀ ਖਾਟੂ ਸ਼ਾਮ ਜਾਗਰਣ 13 ਮਈ ਦਿਨ ਬੁੱਧਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ, ਜਿਸ ਦੀਆਂ ਤਿਆਰੀਆਂ ਜ਼ੋਰਾਂ ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ | ਪ੍ਰਬੰਧਕਾਂ ਨੇ ਜਾਗਰਣ ਸਬੰਧੀ ਕੌਂਸਲਰ ਸੁਖਜਿੰਦਰ ਕੌਰ ਅਤੇ ਸਮਾਜ ਸੇਵਕ ਕਮਲਜੀਤ ਸਿੰਘ ਬੋਪਾਰਾਏ ਨੂੰ ਸੱਦਾ ਪੱਤਰ ਦਿੱਤਾ | ਇਸ ਮੌਕੇ ਸਮਾਜ ਸੇਵਕ ਬੋਪਾਰਾਏ ਨੇ ਪ੍ਰਬੰਧਕਾਂ ਵਲੋਂ ਕੀਤੇ ਜਾ ਰਹੇ ਇਸ ਕਾਰਜ ਦੀ ਸ਼ਲਾਘਾ ਕਰਦਿਆਂ ਵਿਸ਼ਵਾਸ ਦਿਵਾਇਆ ਕਿ ਉਹ ਜਾਗਰਣ ਵਿਚ ਸ਼ਾਮਿਲ ਹੋ ਕੇ ਸ੍ਰੀ ਖਾਟੂ ਸ਼ਾਮ ਦਾ ਅਸ਼ੀਰਵਾਦ ਪ੍ਰਾਪਤ ਕਰਨਗੇ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਜਾਗਰਣ ਦੌਰਾਨ ਪ੍ਰਸਿੱਧ ਕੀਰਤਨ ਮੰਡਲੀਆਂ ਪਹੁੰਚ ਕੇ ਸ੍ਰੀ ਖਾਟੂ ਸ਼ਾਮ ਦਾ ਗੁਣਗਾਨ ਕਰਨਗੀਆਂ | ਇਸ ਮੌਕੇ ਰਾਜੂ ਠੇਕੇਦਾਰ, ਬਿੱਟੂ ਕੁਮਾਰ, ਰਵੀ ਪਾਠਕ, ਧਰਮਿੰਦਰ ਕੁਮਾਰ, ਅਮਿਤਾ ਪਾਂਡੇ, ਦੀਪਕ ਸ਼ਾਸਤਰੀ, ਪੱਪੂ, ਸੂਰਜ ਕੁਮਾਰ, ਸਾਹਿਲ ਚੌਧਰੀ ਆਦਿ ਹਾਜ਼ਰ ਸਨ |
