ਤਾਜਪੁਰ ਡੇਅਰੀ ਕੰਪਲੈਕਸ 'ਚ ਗੋਹੇ ਦੇ ਸੰਕਟ ਕਾਰਨ ਭੜਕੇ ਡੇਅਰੀ ਮਾਲਕ <br/>
ਅਜੀਤ ਡੈਸਕ
09-05-2026
ਨਿਗਮ ਨੇ ਮੁੱਖ ਗੇਟ ਕੀਤਾ ਅੰਦਰੋਂ ਬੰਦ, ਪੁਲਿਸ ਬੁਲਾਉਣ 'ਤੇ ਹੋਰ ਭੜਕੇ ਪ੍ਰਦਰਸ਼ਨਕਾਰੀ
ਰੋਸ ਪ੍ਰਦਰਸ਼ਨ ਦੌਰਾਨ ਉਸ ਵੇਲੇ ਮਾਹੌਲ ਤਣਾਅਪੂਰਨ ਹੋ ਗਿਆ, ਜਦੋਂ ਡੇਅਰੀ ਐਸੋਸੀਏਸ਼ਨ ਦੇ ਮੈਂਬਰ ਨਗਰ ਨਿਗਮ ਦਫ਼ਤਰ ਵੱਲ ਵਧੇ ਤਾਂ ਨਿਗਮ ਪ੍ਰਸ਼ਾਸਨ ਵਲੋਂ ਮੁੱਖ ਗੇਟ ਅੰਦਰੋਂ ਬੰਦ ਕਰ ਦਿੱਤਾ ਗਿਆ ਅਤੇ ਮੌਕੇ 'ਤੇ ਪੁਲਿਸ ਵੀ ਬੁਲਾ ਲਈ ਗਈ | ਇਸ ਕਾਰਵਾਈ ਨਾਲ ਗੁੱਸੇ ਵਿਚ ਆਏ ਪ੍ਰਦਰਸ਼ਨਕਾਰੀਆਂ ਨੇ ਨਗਰ ਨਿਗਮ ਦੇ ਮੁੱਖ ਗੇਟ ਦੇ ਬਾਹਰ ਗੋਹਾ ਸੁੱਟ ਕੇ ਜ਼ੋਰਦਾਰ ਰੋਸ ਪ੍ਰਦਰਸ਼ਨ ਕਰਦੇ ਹੋਏ ਨਿਗਮ ਖ਼ਿਲਾਫ਼ ਜਮ ਕੇ ਨਾਅਰੇਬਾਜ਼ੀ ਕੀਤੀ | ਇਸ ਮੌਕੇ ਤਾਜਪੁਰ ਡੇਅਰੀ ਕੰਪਲੈਕਸ ਦੇ ਪ੍ਰਧਾਨ ਲਵਲੀ ਸਿੰਘ, ਤਜਿੰਦਰ ਸਿੰਘ, ਮੈਕੀ ਤਲਵਾੜ, ਕੌਂਸਲਰ ਗੌਰਵਜੀਤ, ਕੌਂਸਲਰ ਸਿਮਰਨਜੀਤ ਸਿੰਘ ਆਦਿ ਮੌਜੂਦ ਸਨ |
