ਅਮਰੀਕਾ ਦਾ ਟੈਰਿਫ਼ ਮਾਰ ਰਿਹਾ ਹੌਜ਼ਰੀ ਕਾਰੋਬਾਰ ਬੇਲੋੜਾ ਟੈਰਿਫ਼ ਕਰ ਰਿਹਾ ਕਾਰੋਬਾਰ ਨੂੰ ਪ੍ਰਭਾਵਿਤ-ਕਾਰੋਬਾਰੀ <br/>
ਅਜੀਤ ਡੈਸਕ
25-01-2026
ਹੌਜ਼ਰੀ ਇੰਡਸਟਰੀ ਨੂੰ ਬਚਾਉਣ ਲਈ ਅਮਰੀਕਾ ਨਾਲ ਜਲਦੀ ਵਪਾਰ ਸਮਝੌਤਾ ਕੀਤਾ ਜਾਵੇ-ਦੀਵਾਨ
ਜ਼ਿਲ੍ਹਾ ਕਾਂਗਰਸ ਕਮੇਟੀ ਲੁਧਿਆਣਾ ਸ਼ਹਿਰੀ ਦੇ ਸਾਬਕਾ ਪ੍ਰਧਾਨ ਅਤੇ ਪੰਜਾਬ ਲਾਰਜ ਇੰਡਸਟਰੀਅਲ ਡਿਵੈਲਪਮੈਂਟ ਬੋਰਡ ਦੇ ਸਾਬਕਾ ਚੇਅਰਮੈਨ ਪਵਨ ਦੀਵਾਨ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਅਪੀਲ ਕੀਤੀ ਕਿ ਲੁਧਿਆਣਾ ਦੀ ਹੌਜ਼ਰੀ ਇੰਡਸਟਰੀ ਨੂੰ ਬਚਾਉਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਚਾਹੀਦਾ ਕਿ ਉਹ ਅਮਰੀਕਾ ਨਾਲ ਵਪਾਰਕ ਸਮਝੌਤੇ ਨੂੰ ਜਲਦ ਅੱਗੇ ਵਧਾਉਣ | ਉਨ੍ਹਾਂ ਕਿਹਾ ਕਿ ਲੁਧਿਆਣਾ ਹੌਜ਼ਰੀ ਕਾਰੋਬਾਰ ਦਾ ਕੇਂਦਰ ਹੋਣ ਕਰਕੇ ਇੱਥੋਂ ਬਣਿਆ ਸਾਮਾਨ ਦੁਨੀਆ ਭਰ ਵਿਚ ਨਿਰਯਾਤ ਕੀਤਾ ਜਾਂਦਾ, ਪਰ ਨਾਜ਼ੁਕ ਸਥਿਤੀ 'ਚ ਗੁਜ਼ਰ ਰਿਹਾ ਹੌਜ਼ਰੀ ਕਾਰੋਬਾਰ ਅਮਰੀਕਾ ਵਲੋਂ ਭਾਰਤ ਵਲੋਂ ਕੱਪੜੇ ਦੇ ਨਿਰਯਾਤਾਂ 'ਤੇ ਲਗਾਏ ਗਏ 50 ਫ਼ੀਸਦੀ ਦੇ ਟੈਰਿਫ਼ ਨੇ ਹੋਰ ਵੀ ਗੰਭੀਰ ਬਣਾ ਦਿੱਤਾ ਹੈ |
