ਸੜਕ ਕਿਨਾਰੇ ਫੈਲੀਆਂ ਝਾੜੀਆਂ ਰਾਹਗੀਰਾਂ ਲਈ ਵੱਡੀ ਮੁਸ਼ਕਿਲ
ਹਰੀਕੇ ਪੱਤਣ, 14 ਸਤੰਬਰ (ਸੰਜੀਵ ਕੁੰਦਰਾ)-ਵਿਭਾਗਾਂ ਅਤੇ ਕਰਮਚਾਰੀਆਂ ਦੀ ਅਣਗਹਿਲੀ ਦਾ ਖਮਿਆਜ਼ਾ ਆਮ ਲੋਕ ਅਕਸਰ ਭੁਗਤਦੇ ਹਨ । ਅਜਿਹੀ ਉਦਾਹਰਣ ਹੈ ਕਸਬਾ ਹਰੀਕੇ ਪੱਤਣ ਤੋਂ ਹਰੀਕੇ ਹੈੱਡ ਵਰਕਸ ਨੂੰ ਜਾਂਦੀ ਮੇਨ ਸੜਕ, ਜੋ ਕਿ ਰਾਸ਼ਟਰੀ ਮਾਰਗ 54 (ਪੁਰਾਣਾ) ਦੇ ਨਾਂਅ ਨਾਲ ਜਾਣੀ ਜਾਂਦੀ ਹੈ ਤੇ ਇਸ ਸੜਕ ਦੇ ਦੋਵਾਂ ਕਿਨਾਰਿਆਂ ’ਤੇ ਝਾੜੀਆਂ ਇੰਨੀਆਂ ਵੱਧ ਚੁੱਕੀਆਂ ਹਨ ਕਿ ਦੋ ਪਹੀਆਂ ਵਾਹਨ ਚਾਲਕ ਨੂੰ ਚੱਲਣ ਲਈ ਜਗ੍ਹਾ ਹੀ ਨਹੀਂ ਬੱਚਦੀ।
ਹਰੀਕੇ ਪੱਤਣ, 14 ਸਤੰਬਰ (ਸੰਜੀਵ ਕੁੰਦਰਾ)-ਵਿਭਾਗਾਂ ਅਤੇ ਕਰਮਚਾਰੀਆਂ ਦੀ ਅਣਗਹਿਲੀ ਦਾ ਖਮਿਆਜ਼ਾ ਆਮ ਲੋਕ ਅਕਸਰ ਭੁਗਤਦੇ ਹਨ । ਅਜਿਹੀ ਉਦਾਹਰਣ ਹੈ ਕਸਬਾ ਹਰੀਕੇ ਪੱਤਣ ਤੋਂ ਹਰੀਕੇ ਹੈੱਡ ਵਰਕਸ ਨੂੰ ਜਾਂਦੀ ਮੇਨ ਸੜਕ, ਜੋ ਕਿ ਰਾਸ਼ਟਰੀ ਮਾਰਗ 54 (ਪੁਰਾਣਾ) ਦੇ ਨਾਂਅ ਨਾਲ ਜਾਣੀ ਜਾਂਦੀ ਹੈ ਤੇ ਇਸ ਸੜਕ ਦੇ ਦੋਵਾਂ ਕਿਨਾਰਿਆਂ ’ਤੇ ਝਾੜੀਆਂ ਇੰਨੀਆਂ ਵੱਧ ਚੁੱਕੀਆਂ ਹਨ ਕਿ ਦੋ ਪਹੀਆਂ ਵਾਹਨ ਚਾਲਕ ਨੂੰ ਚੱਲਣ ਲਈ ਜਗ੍ਹਾ ਹੀ ਨਹੀਂ ਬੱਚਦੀ। ਜ਼ਿਕਰਯੋਗ ਹੈ ਕਿ ਇਹ ਸੜਕ ’ਤੇ ਭਾਰੀ ਆਵਾਜਾਈ ਦਿਨ-ਰਾਤ ਚੱਲਦੀ ਰਹਿੰਦੀ ਹੈ ਅਤੇ ਹਰੀਕੇ ਪੱਤਣ ਅਤੇ ਇਲਾਕੇ ਦੇ ਜ਼ਿਆਦਾ ਪਿੰਡਾਂ ਦੇ ਲੋਕ ਇਸ ਰਸਤੇ ਰਾਹੀਂ ਹੀ ਫਿਰੋਜ਼ਪੁਰ, ਫ਼ਰੀਦਕੋਟ, ਮੋਗਾ ਆਦਿ ਵੱਲ ਨੂੰ ਜਾਣ ਵਾਸਤੇ ਇਸ ਰਸਤੇ ਰਾਹੀਂ ਹੀ ਜਾਂਦੇ ਹਨ, ਪਰ ਪਿਛਲੇ ਕਾਫੀ ਸਮੇਂ ਤੋਂ ਇਸ ਸੜਕ ਦੇ ਦੋਵਾਂ ਕਿਨਾਰਿਆਂ ’ਤੇ ਵੱਡੀਆਂ-ਵੱਡੀਆਂ ਝਾੜੀਆਂ ਉੱਗ ਚੁੱਕੀਆਂ ਹਨ। ਇਹ ਝਾੜੀਆਂ ਕੰਢਿਆਂ ਵਾਲੀਆਂ ਹਨ, ਜੋ ਦੋ ਪਹੀਆਂ ਵਾਹਨ ਚਾਲਕਾਂ ਲਈ ਬਹੁਤ ਖ਼ਤਰਨਾਕ ਸਾਬਿਤ ਹੁੰਦੀਆਂ ਹਨ। ਝਾੜੀਆਂ ਕਾਰਨ ਸੜਕ ਦੀ ਚੌੜਾਈ ਹੀ ਕਾਫੀ ਛੋਟੀ ਹੋ ਗਈ ਹੈ। ਇਨ੍ਹਾਂ ਝਾੜੀਆਂ ਨੇ ਸੜਕ ਨੂੰ ਦੋਵਾਂ ਪਾਸਿਆਂ ਤੋਂ ਚਾਰ-ਚਾਰ ਫੁੱਟ ਤੱਕ ਘੇਰ ਲਿਆ ਹੈ। ਝਾੜੀਆਂ ਦੇ ਕਾਰਨ ਸੜਕ ਦੇ ਕਿਨਾਰਿਆਂ ’ਤੇ ਬਣੀ ਚਿੱਟੀ ਪੱਟੀ ਵੀ ਗਾਇਬ ਹੋ ਚੁੱਕੀ ਹੈ। ਜੇਕਰ ਇਨ੍ਹਾਂ ਝਾੜੀਆਂ ਨੂੰ ਸਾਫ ਕੀਤਾ ਜਾਵੇ ਤਾਂ ਸੜਕ ਦੀ ਚੌੜਾਈ 6 ਫੁੱਟ ਤੱਕ ਵੱਧ ਸਕਦੀ ਹੈ। ਹਰੀਕੇ ਨਿਵਾਸੀ ਡਾ. ਮੇਜਰ ਸਿੰਘ, ਰੇਸ਼ਮ ਸਿੰਘ, ਜੱਸਾ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਆਦਿ ਨੇ ਮੰਗ ਕੀਤੀ ਹੈ ਕਿ ਸੰਬੰਧਿਤ ਵਿਭਾਗ ਤੁਰੰਤ ਇਸ ਵੱਲ ਧਿਆਨ ਦੇਵੇ ਅਤੇ ਲਈ ਮੁਸ਼ਕਿਲ ਅਤੇ ਹਾਦਸਿਆਂ ਦਾ ਕਾਰਨ ਬਣ ਰਹੀਆਂ ਝਾੜੀਆਂ ਨੂੰ ਤੁਰੰਤ ਕਟਵਾ ਕੇ ਰਾਹਗੀਰਾਂ ਨੂੰ ਰਾਹਤ ਦਿੱਤੀ ਜਾਵੇ।
