ਦਾਤਰ ਨਾਲ ਹਮਲਾ ਕਰਕੇ ਵਿਅਕਤੀ ਨੂੰ ਕੀਤਾ ਗੰਭੀਰ ਜ਼ਖ਼ਮੀ

ਤਰਨ ਤਾਰਨ, 12 ਅਗਸਤ (ਹਰਿੰਦਰ ਸਿੰਘ)— ਵਿਅਕਤੀ ਨਾਲ ਕੁੱਟਮਾਰ ਕਰਕੇ ਗੰਭੀਰ ਜ਼ਖਮੀ ਕਰਨ ਦੇ ਮਾਮਲੇ ਵਿਚ ਥਾਣਾ ਸਿਟੀ ਪੱਟੀ ਦੀ ਪੁਲਿਸ ਨੇ ਤਿੰਨ ਵਿਅਕਤੀਆਂ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਥਾਣਾ ਸਿਟੀ ਪੱਟੀ ਵਿਖੇ ਰਾਣਾ ਸਿੰਘ ਪੁੱਤਰ ਗੁਰਦੀਪ ਸਿੰਘ ਵਾਸੀ ਪੱਟੀ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਨੂੰ ਜੋਤੀ ਪਤਨੀ ਕਰਨ ਸਿੰਘ ਦਾ ਫੋਨ ਆਇਆ ਕਿ ਤੂੰ ਬਾਹਮਣੀ ਵਾਲੀ ਚੂੰਗੀ ’ਤੇ ਆ ਕੇ ਉਸ ਦੇ ਘਰਵਾਲੇ ਨਾਲ ਰਾਜੀਨਾਵਾ ਕਰ ਲਵੇਂ ਤਾਂ ਉਹ ਆਪਣੇ ਮੋਟਰਸਾਇਕਲ ’ਤੇ ਸਵਾਰ ਹੋ ਕੇ ਆਪਣੇ ਘਰ ਤੋਂ ਉਸਦੇ ਘਰ ਵੱਲ ਗਿਆ ਤਾਂ ਜਦ ਉਹ ਬਾਹਮਣੀ ਵਾਲੀ ਚੂੰਗੀ ਤਂ ਥੋੜਾ ਅੱਗੇ ਪੁੱਜਾ ਤਾਂ ਉਸ ਨੂੰ ਜੋਤੀ ਦਾ ਫੋਨ ਆਇਆ ਤਾਂ ਉਹ ਆਪਣਾ ਮੋਟਰਸਾਇਕਲ ਰੋਕ ਕੇ ਇਕ ਟਾਹਲੀ ਹੇਠ ਖੜ ਗਿਆ ਤਾਂ ਇੰਨੀ ਦੇਰ ਨੂੰ ਕਰਨ ਸਿੰਘ, ਸੁੱਖਾ ਸਿੰਘ, ਗੋਪਾ ਨੇ ਆ ਕਰ ਉਸ ’ਤੇ ਹਮਲਾ ਕਰ ਦਿੱਤਾ ਅਤੇ ਕਰਨ ਨੇ ਉਸ ਉਪਰ ਦਾਤਰ ਦਾ ਵਾਰ ਕੀਤਾ ਅਤੇ ਸੁੱਖਾ ਸਿੰਘ ਨੇ ਉਸ ’ਤੇ ਵਾਰ ਕੀਤਾ, ਜਿਸ ਕਾਰਨ ਉਹ ਗੰਭੀਰ ਜ਼ਖਮੀ ਹੋ ਗਿਆ।