ਅਮਰਕੋਟ, 10 ਜੁਲਾਈ (ਭੱਟੀ)-ਬਲਾਕ ਵਲਟੋਹਾ ਅਧੀਨ ਆਉਦੇ ਪਿੰਡ ਦਸਮੇਸ਼ ਨਗਰ ਦੇ ਸਾਬਕਾ ਸਰਪੰਚ ਜਸਵੰਤ ਸਿੰਘ ਜੱਸਾ ਦੇ ਇਕਲੌਤਾ ਪੁੱਤਰ ਗੁਰਪ੍ਰੀਤ ਸਿੰਘ ਗੋਪੀ ਜੋ ਨੇੜਲੇ ਪਿੰਡ ਕਲੰਜ਼ਰ ਉਤਾੜ ਵਿਖੇ ਮੱਕੀ ਦਾ ਅਚਾਰ ਪਾਉਣ ਵਾਲੀ ਮਸ਼ੀਨ ਕਿਰਾਏ ’ਤੇ ਲੈ ਕੇ ਗਏ ਸੀ ਤੇ ਬੀਤੀ ਰਾਤ ਆਖਰੀ ਗੇੜੇ ਤੇ ਜਦੋਂ ਮਸ਼ੀਨ ਖਾਲੀ ਕਰਨ ਲੱਗੇ ਤਾਂ ਖੇਤ ’ਚ ਨੀਵੀਆਂ ਤੇ ਢਿੱਲੀਆਂ ਤਾਰਾਂ ਨਾਲ ਖਹਿਣ ਕਰਕੇ ਜਬਰਦਸਤ ਕਰੰਟ ਲੱਗਣ ਨਾਲ ਗੁਰਪ੍ਰੀਤ ਸਿੰਘ ਗੋਪੀ ਦੀ ਮੌਤ ਹੋ ਗਈ। ਦੱਸਿਆ ਜਾਂਦਾ ਹੈ ਕਿ ਗੋਪੀ ਕੁਝ ਮਹੀਨੇ ਪਹਿਲਾ ਹੀ ਵਿਆਹਾਇਆਂ ਸੀ। ਇਸ ਘਟਨਾ ਮਗਰੋਂ ਪੂਰੇ ਇਲਾਕੇ ’ਚ ਸੋਗ ਦੀ ਲਹਿਰ ਦੌੜ ਗਈ। ਮ੍ਰਿਤਕ ਦਾ ਅੰਤਿਮ ਸੰਸਕਾਰ ਕੱਲ੍ਹ ਨੂੰ ਉਸ ਦੀ ਭੈਣ ਦੇ ਇੰਗਲੈਂਡ ਤੋਂ ਆਉਣ ’ਤੇ ਕੀਤਾ ਜਾਵੇਗਾ।
