ਫਤਿਆਬਾਦ, 27 ਜੂਨ (ਹਰਵਿੰਦਰ ਸਿੰਘ ਧੂੰਦਾ)-ਪਿਤਾ ਦੇ ਪਿੰਡੇ ਦੇ ਪਸੀਨੇ ਕਾਰਨ ਹੀ ਘਰ ਦੇ ਵਿਚ ਆਰਥਿਕ ਤੌਰ ’ਤੇ ਖੁਸ਼ੀਆਂ ਟਹਿਕਦੀਆਂ ਹਨ। ਇਨ੍ਹਾਂ ਵਿਚਾਰਾ ਦਾ ਪ੍ਰਗਟਾਵਾ ਕਰਦਿਆਂ ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਆਗੂ ਰਮਨਦੀਪ ਸਿੰਘ ਭਰੋਵਾਲ ਨੇ ਹਲਕਾ ਖਡੂਰ ਸਾਹਿਬ ਦੇ ਪਿੰਡ ਫਤਿਆਬਾਦ ਦੇ ਮਾਸਟਰ ਪ੍ਰੀਤਮ ਸਿੰਘ, ਜੋ ਪਿਛਲੇ ਦਿਨੀਂ ਅਕਾਲ ਚਲਾਣਾ ਕਰ ਗਏ ਸਨ। ਉਨ੍ਹਾਂ ਦੇ ਗ੍ਰਹਿ ਵਿਖੇ ਉਨ੍ਹਾਂ ਦੇ ਸਪੁੱਤਰਾਂ ਅਧਿਆਪਕ ਗੁਰਿੰਦਰ ਸਿੰਘ ਅਤੇ ਅਰਵਿੰਦਰ ਸਿੰਘ ਨਾਲ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਪ੍ਰੀਤਮ ਸਿੰਘ ਕਰਮ ਯੋਗੀ ਸਨ, ਜਿੰਨਾਂ ਨੇ ਆਪਣੇ ਅਧਿਆਪਕੀ ਕਿੱਤੇ ਪ੍ਰਤੀ ਇਮਾਨਦਾਰੀ ਦਿਖਾਉਂਦਿਆਂ ਜਿੱਥੇ ਹਜ਼ਾਰਾਂ ਬੱਚਿਆਂ ਦਾ ਭਵਿੱਖ ਸੰਵਾਰਿਆ, ਉਥੇ ਹੱਥੀ ਕਿਰਤ ਕਰਕੇ ਇਹ ਵੀ ਸੁਨੇਹਾ ਦਿੱਤਾ ਕਿ ਕਿਰਤ ਹੀ ਪ੍ਰਧਾਨ ਹੈ। ਭਰੋਵਾਲ ਨੇ ਕਿਹਾ ਕਿ ਬੇਸ਼ਕ ਮਾਂ ਦਾ ਦਰਜਾ ਰੱਬ ਵਰਗਾ ਹੁੰਦਾ ਹੈ, ਪਰ ਪਿਤਾ ਦੇ ਪਿੰਡੇ ਦੇ ਪਸੀਨੇ ਕਾਰਨ ਹੀ ਘਰ ਦੇ ਵਿਚ ਖੁਸ਼ਹਾਲੀ ਦੀਆਂ ਆਰਥਿਕ ਪੱਖੋਂ ਘਰ ਟਹਿਕਾਂ ਗੂੰਜਦੀਆਂ ਹਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਭੁਪਿੰਦਰ ਸਿੰਘ ਟੀਟੂ, ਜਰਨੈਲ ਸਿੰਘ ਕਪੂਰਥਲਾ, ਜਸਬੀਰ ਸਿੰਘ ਸਾਬੀ ਮੈਂਬਰ ਪੰਚਾਇਤ ਤੇ ਸਰਬਜੋਤ ਸਿੰਘ ਸੰਧਾ ਨੇ ਵੀ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ।
