ਤਰਨ ਤਾਰਨ, 1 ਫਰਵਰੀ (ਇਕਬਾਲ ਸਿੰਘ ਸੋਢੀ)-ਵਿੱਦਿਅਕ ਐਨ.ਜੀ.ਓ. 'ਕਲਾ ਸੁਮਨ' ਵਲੋਂ ਰਾਸ਼ਟ੍ਰੀਯ ਗੀਤ 'ਵੰਦੇ ਮਾਤਰਮ ਦੀ 150ਵੀਂ ਵਰ੍ਹੇਗੰਢ 'ਤੇ ਸਰਕਾਰੀ ਐਮੀਨੈਂਸ ਸੀਨੀ. ਸੈਕੰ. ਸਕੂਲ ਵਿਖੇ ਫਾਈਨਲ ਜ਼ਿਲ੍ਹਾ ਪੱਧਰੀੇ ਸਾਂਸਕਿ੍ਤਿਕ, ਵਿੱਦਿਅਕ, ਗੀਤ-ਸੰਗੀਤ ਅਤੇ ਰਾਸ਼ਟ੍ਰੀਯ ਪ੍ਰੋਗਰਾਮ ਕਰਵਾਇਆ ਗਿਆ | ਇਸ ਪ੍ਰੋਗਰਾਮ 'ਚ ਜ਼ਿਲ੍ਹੇ ਦੇ ਕਈ ਸਕੂਲਾਂ ਨੇ ਭਾਗ ਲਿਆ | ਇਸ 'ਚ ਸਰਕਾਰੀ ਐਮੀਨੈਂਸ ਸੀਨੀ. ਸੈਕੰ. ਸਕੂਲ ਤਰਨ ਤਾਰਨ ਨੇ ਗੁਲਾਮ ਭਾਰਤ ਨੂੰ ਆਜ਼ਾਦੀ ਦੀ ਪ੍ਰੇਰਨਾ ਦੇਣ ਵਾਲੇ ਅਤੇ ਸਵ. ਬੰਕਿਮ ਚੰਦਰ ਚੈਟਰਜੀ ਵਲੋਂ ਰਚਿਤ ਰਾਸ਼ਟ੍ਰੀਯ ਗੀਤ 'ਵੰਦੇ ਮਾਤਰਮ' 'ਤੇ ਅਧਾਰਿਤ ਕੋਰੀਓਗਰਾਫੀ ਪੇਸ਼ ਕਰਕੇ ਓਵਰਆਲ ਸ਼ੀਲਡ ਜਿੱਤੀ | ਇਸ ਤੋਂ ਪਹਿਲਾਂ ਕਲਾ ਸੁਮਨ ਦੇ ਡਾਇਰੈਕਟਰ ਰਮੇਸ਼ ਸਿੰਘ ਚੰਦੇਲ ਨੇ ਦੱਸਿਆ ਕਿ ਵੀਰ ਰੱਸ 'ਚ ਡੁੱਬੇ ਇਸ ਗੀਤ ਦੀ ਇੰਨੀ ਜਿਆਦਾ ਕਸ਼ਿਸ਼ ਹੈ ਕਿ ਬਿ੍ਟਿਸ਼ ਹਕੂਮਤ ਦੀ ਨੀਂਹ ਹਿਲ ਗਈ ਸੀ | ਇਸ ਮੌਕੇ ਮੁੱਖ ਮਹਿਮਾਨ ਅਤੇ ਐਮੀਨੈਂਸ ਦੇ ਵਾਈਸ ਪਿ੍ੰਸੀਪਲ ਬਿਕਰਮਜੀਤ ਸਿੰਘ ਅਤੇ ਇਸੇ ਸਕੂਲ ਤੋਂ ਸੇਵਾ ਮੁਕਤ ਅਧਿਆਪਕ ਚੰਦੇਲ ਨੇ ਜ਼ਿਲ੍ਹੇ ਦੇ ਇਨ੍ਹਾਂ ਜੇਤੂਆਂ ਨੂੰ ਮੈਡਲ ਅਤੇ ਸਰਟੀਫਿਕੇਟ ਪ੍ਰਦਾਨ ਕੀਤੇ | ਇਹ ਮੁਕਾਬਲਾ ਰਾਸ਼ਟਰੀ ਗੀਤ ਨਾਲ ਸਮਾਪਤ ਹੋਇਆ |
