ਕੇਟੀ ਕਲਾ ਵਿਖੇ ਲਗਾਈ ਪੇਂਟਿੰਗ ਕਲਾ ਪ੍ਰਦਰਸ਼ਨੀ
ਅੰਮ੍ਰਿਤਸਰ, 13 ਸਤੰਬਰ (ਹਰਮਿੰਦਰ ਸਿੰਘ)- ਕੇਟੀ ਕਲਾ ਮਿਊਜ਼ੀਅਮ, ਅੰਮ੍ਰਿਤਸਰ ਵਿਖੇ ਨਵੀਂ ਦਿੱਲੀ ਦੇ ਸੀਨੀਅਰ ਕਲਾਕਾਰ ਹਰਜੀਤ ਢਿੱਲੋਂ ਦੀਆਂ ਪੇਂਟਿੰਗਾਂ ਦੀ ਪ੍ਰਦਰਸ਼ਨੀ ਲਗਾਈ ਗਈ। ਹਰਜੀਤ ਢਿੱਲੋਂ ਪਿਛਲੇ ਕਈ ਸਾਲਾਂ ਤੋਂ ਦਿੱਲੀ ਦੀ ਕਲਾ ਦੁਨੀਆ ਨਾਲ ਜੁੜੇ ਹੋਏ ਹਨ ਅਤੇ ਉਨ੍ਹਾਂ ਨੇ ਦੇਸ਼ ਦੇ ਕਈ ਮਹੱਤਵਪੂਰਨ ਕਲਾ ਮੰਚਾਂ ’ਤੇ ਆਪਣੀਆਂ ਰਚਨਾਵਾਂ ਪ੍ਰਦਰਸ਼ਿਤ ਕੀਤੀਆਂ ਹਨ।
ਅੰਮ੍ਰਿਤਸਰ, 13 ਸਤੰਬਰ (ਹਰਮਿੰਦਰ ਸਿੰਘ)- ਕੇਟੀ ਕਲਾ ਮਿਊਜ਼ੀਅਮ, ਅੰਮ੍ਰਿਤਸਰ ਵਿਖੇ ਨਵੀਂ ਦਿੱਲੀ ਦੇ ਸੀਨੀਅਰ ਕਲਾਕਾਰ ਹਰਜੀਤ ਢਿੱਲੋਂ ਦੀਆਂ ਪੇਂਟਿੰਗਾਂ ਦੀ ਪ੍ਰਦਰਸ਼ਨੀ ਲਗਾਈ ਗਈ। ਹਰਜੀਤ ਢਿੱਲੋਂ ਪਿਛਲੇ ਕਈ ਸਾਲਾਂ ਤੋਂ ਦਿੱਲੀ ਦੀ ਕਲਾ ਦੁਨੀਆ ਨਾਲ ਜੁੜੇ ਹੋਏ ਹਨ ਅਤੇ ਉਨ੍ਹਾਂ ਨੇ ਦੇਸ਼ ਦੇ ਕਈ ਮਹੱਤਵਪੂਰਨ ਕਲਾ ਮੰਚਾਂ ’ਤੇ ਆਪਣੀਆਂ ਰਚਨਾਵਾਂ ਪ੍ਰਦਰਸ਼ਿਤ ਕੀਤੀਆਂ ਹਨ। ਇਸ ਪ੍ਰਦਰਸ਼ਨੀ ’ਚ ਉਨ੍ਹਾਂ ਦੀਆਂ ਅਜਿਹੀਆਂ ਪੇਂਟਿੰਗਾਂ ਰੱਖੀਆਂ ਗਈਆਂ, ਜਿਨ੍ਹਾਂ ’ਚ ਰੰਗ, ਬਣਤਰ, ਆਕਾਰ ਅਤੇ ਗਤੀ ਦਾ ਸੁੰਦਰ ਸੁਮੇਲ ਦੇਖਣ ਨੂੰ ਮਿਲਿਆ। ਉਨ੍ਹਾਂ ਦੀਆਂ ਪੇਂਟਿੰਗਾਂ ਕਿਸੇ ਇਕ ਪਛਾਣੇ ਜਾਣ ਵਾਲੇ ਵਿਸ਼ੇ ਤੱਕ ਸੀਮਿਤ ਨਹੀਂ ਸਨ। ਰੰਗਾਂ ਦੀਆਂ ਕਈ ਪਰਤਾਂ, ਵੱਖ-ਵੱਖ ਨਿਸ਼ਾਨਾਂ, ਬਣਤਰ ਅਤੇ ਆਜ਼ਾਦ ਰੂਪਾਂ ਰਾਹੀਂ ਉਨ੍ਹਾਂ ਨੇ ਆਪਣੀਆਂ ਪੇਂਟਿੰਗਾਂ ਨੂੰ ਤਿਆਰ ਕੀਤਾ ਸੀ। ਪ੍ਰਦਰਸ਼ਨੀ ਵਿਚ ਲੱਗੀਆਂ ਪੇਂਟਿੰਗਾਂ ਦੀ ਖਾਸ ਗੱਲ ਉਨ੍ਹਾਂ ਦੀ ਗਹਿਰੀ ਅਤੇ ਉਭਰੀ ਹੋਈ ਬਣਤਰ ਸੀ। ਕਾਲੇ, ਚਿੱਟੇ, ਸਲੇਟੀ ਅਤੇ ਮਿੱਟੀ ਵਰਗੇ ਰੰਗਾਂ ਦੇ ਨਾਲ ਲਾਲ, ਪੀਲੇ ਅਤੇ ਗੇਰੂਏ ਰੰਗਾਂ ਦੀ ਵਰਤੋਂ ਬਹੁਤ ਪ੍ਰਭਾਵਸ਼ਾਲੀ ਰਹੀ। ਕਈ ਥਾਵਾਂ ’ਤੇ ਰੂਪ ਉੱਭਰਦੇ ਹੋਏ ਦਿਖਾਈ ਦਿੰਦੇ ਸਨ ਅਤੇ ਫਿਰ ਉਨ੍ਹਾਂ ਹੀ ਰੰਗਾਂ ਅਤੇ ਪਰਤਾਂ ਵਿਚ ਗੁੰਮ ਹੋ ਜਾਂਦੇ ਸਨ। ਇਸ ਨਾਲ ਪੇਂਟਿੰਗਾਂ ਵਿਚ ਇਕ ਵੱਖਰੀ ਤਰ੍ਹਾਂ ਦੀ ਗਹਿਰਾਈ ਅਤੇ ਹਲਚਲ ਦਿਖਾਈ ਦਿੰਦੀ ਸੀ। ਪ੍ਰਦਰਸ਼ਨੀ ਦਾ ਉਦਘਾਟਨ ਪ੍ਰਿੰਸੀਪਲ ਡਾ: ਸੰਜੀਵ ਕੁਮਾਰ ਸ਼ਰਮਾ ਵਲੋਂ ਕੀਤਾ ਗਿਆ। ਇਸ ਮੌਕੇ ’ਤੇ ਰਾਜੇਸ਼ ਰੈਣਾ, ਬ੍ਰਿਜੇਸ਼ ਜੌਲੀ, ਨਿਸ਼ਾ ਘਾਈ, ਕੁਲਵੰਤ ਗਿੱਲ, ਨਰਿੰਦਰ ਸਿੰਘ, ਲਤਿਕਾ ਅਰੋੜਾ, ਡਾ. ਲਲਿਤ ਗੋਪਾਲ ਪਰਾਸ਼ਰ, ਸੁਖਪਾਲ ਸਿੰਘ, ਡਾ. ਅਦਿਤੀ ਜੈਨ, ਰਾਜੇਸ਼ ਪਾਰਾਸ਼ਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਕਲਾਕਾਰ, ਕਲਾ ਪ੍ਰੇਮੀ ਹਾਜ਼ਰ ਸਨ।
