ਅੰਮਿਤਸਰ, 27 ਜੂਨ (ਰੇਸ਼ਮ ਸਿੰਘ)-ਸੋਸ਼ਲ ਮੀਡੀਆ ’ਤੇ ਰਣਜੀਤ ਐਵੀਨਿਊ ‘ਚ ਗੋਲੀਆਂ ਚਲਣ ਦੀ ਵੀਡੀਓ ਵਾਇਰਲ ਹੋਈ ਹੈ, ਜਿਸ ‘ਚ ਇਕ ਨੌਜਵਾਨ ਜ਼ਖਮੀ ਵੀ ਹੋਇਆ ਹੈ। ਇਹ ਘਟਨਾਂ ਈ. ਬਲਾਕ ਦੀ ਦੱਸੀ ਗਈ ਹੈ। ਥਾਣਾ ਰਣਜੀਤ ਐਵੀਨਿਊ ਦੇ ਐੱਸ.ਐੱਚ.ਓ. ਇੰਸ: ਰੋਬਿਨ ਹੰਸ ਨੇ ਦੱਸਿਆ ਕਿ ਇਹ ਝਗੜਾ ਕਾਰ ਦੀ ਪਾਰਕਿੰਗ ਤੋਂ ਹੋਇਆ ਸੀ ਅਤੇ ਇਹ ਘਟਨਾ ਬੀਤੀ ਰਾਤ ਦੀ ਹੈ। ਜਿਸ ‘ਚ ਦੋ ਧਿਰਾਂ ਆਪਸ ‘ਚ ਝਗੜ ਪਈਆਂ ਤੇ ਗੋਲੀ ਲਗਣ ਕਾਰਨ ਕੁਨਾਲ ਨਾਮ ਦਾ ਲੜਕਾ ਜ਼ਖਮੀ ਹੋਇਆ। ਗੋਲੀ ਚਲਾਉਣ ਵਾਲੇ ਵਿਅਕਤੀ ਤੇ ਉਸਦੀ ਕਾਰ ਦਾ ਪਤਾ ਲੱਗ ਗਿਆ ਹੈ ਪਰ ਹਾਲੇ ਕੋਈ ਗ੍ਰਿਫਤਾਰੀ ਨਹੀਂ ਹੋਈ। ਉਨ੍ਹਾਂ ਦੱਸਿਆ ਕਿ ਜਲਦ ਹੀ ਇਸ ਸੰਬੰਧੀ ਮੁਲਜ਼ਮ ਨੂੰ ਕਾਬੂ ਕਰ ਲਿਆ ਜਾਵੇਗਾ।
