65ਵੀਂ ਬਟਾਲੀਅਨ ਬੀ.ਐੱਸ.ਐਫ. ਵਲੋਂ ਸਰਹੱਦੀ ਖੇਤਰ ਦੇ ਨੌਜਵਾਨਾਂ ਲਈ ਫ਼ੌਜ ’ਚ ਭਰਤੀ ਤੋਂ ਪਹਿਲਾਂ ਦਾ ਸਿਖਲਾਈ ਕੈਂਪ ਸਫਲਤਾਪੂਰਵਕ ਨੇਪਰੇ ਚੜ੍ਹਿਆ
ਫ਼ਾਜ਼ਿਲਕਾ, 17 ਅਕਤੂਬਰ (ਦਵਿੰਦਰ ਪਾਲ ਸਿੰਘ)- 65ਵੀਂ ਬਟਾਲੀਅਨ ਸੀਮਾ ਸੁਰੱਖਿਆ ਬਲ ਵਲੋਂ ਸਰਹੱਦੀ ਖੇਤਰ ਦੇ ਨੌਜਵਾਨਾਂ ਲਈ ‘ਪ੍ਰੀ-ਰੀਕਰੂਟਮੈਂਟ’ (ਭਰਤੀ ਤੋਂ ਪਹਿਲਾਂ) ਸਿਖਲਾਈ ਕੈਂਪ ਸਫਲਤਾਪੂਰਵਕ ਸਮਾਪਤ ਕੀਤਾ ਗਿਆ। ਕੈਂਪ ਵਿਚ ਸਰਹੱਦੀ ਪਿੰਡ ਗਟੀਆਰੂ, ਚਖੇਵਾ, ਟਾਹਲੀ ਵਾਲਾ, ਲਖਾ ਅਸਲੀ, ਜੋਧਾਵਾਲਾ, ਜਗਨਨਾਥ, ਧੁਨਕੀਆਂ ਤੇ ਘੇਲੇਵਾਲਾ ਸਮੇਤ ਹੋਰਨਾਂ ਪਿੰਡਾਂ ਦੇ 36 ਨੌਜਵਾਨਾਂ ਨੇ ਇਕ ਮਹੀਨੇ ਦੀ ਵਿਸ਼ੇਸ਼ ਸਿਖਲਾਈ ਵਿਚ ਭਾਗ ਲਿਆ।
ਫ਼ਾਜ਼ਿਲਕਾ, 17 ਅਕਤੂਬਰ (ਦਵਿੰਦਰ ਪਾਲ ਸਿੰਘ)- 65ਵੀਂ ਬਟਾਲੀਅਨ ਸੀਮਾ ਸੁਰੱਖਿਆ ਬਲ ਵਲੋਂ ਸਰਹੱਦੀ ਖੇਤਰ ਦੇ ਨੌਜਵਾਨਾਂ ਲਈ ‘ਪ੍ਰੀ-ਰੀਕਰੂਟਮੈਂਟ’ (ਭਰਤੀ ਤੋਂ ਪਹਿਲਾਂ) ਸਿਖਲਾਈ ਕੈਂਪ ਸਫਲਤਾਪੂਰਵਕ ਸਮਾਪਤ ਕੀਤਾ ਗਿਆ। ਕੈਂਪ ਵਿਚ ਸਰਹੱਦੀ ਪਿੰਡ ਗਟੀਆਰੂ, ਚਖੇਵਾ, ਟਾਹਲੀ ਵਾਲਾ, ਲਖਾ ਅਸਲੀ, ਜੋਧਾਵਾਲਾ, ਜਗਨਨਾਥ, ਧੁਨਕੀਆਂ ਤੇ ਘੇਲੇਵਾਲਾ ਸਮੇਤ ਹੋਰਨਾਂ ਪਿੰਡਾਂ ਦੇ 36 ਨੌਜਵਾਨਾਂ ਨੇ ਇਕ ਮਹੀਨੇ ਦੀ ਵਿਸ਼ੇਸ਼ ਸਿਖਲਾਈ ਵਿਚ ਭਾਗ ਲਿਆ। ਸਿਖਲਾਈ ਦੌਰਾਨ ਨੌਜਵਾਨਾਂ ਨੂੰ ਸਰੀਰਕ ਯੋਗਤਾ, ਲਿਖਤੀ ਪ੍ਰੀਖਿਆ, ਮਨੋਵਿਗਿਆਨ, ਰੀਜ਼ਨਿੰਗ ਤੇ ਇੰਟਰਵਿਊ ਨਾਲ ਸਬੰਧਿਤ ਅਹਿਮ ਨੁਕਤੇ ਸਿਖਾਏ ਗਏ। ਇਸ ਮੌਕੇ 65ਵੀਂ ਬਟਾਲੀਅਨ ਬੀ.ਐੱਸ.ਐਫ. ਦੇ ਕਮਾਡੈਂਟ ਵੀਰੇਂਦਰ ਬਹਾਦਰ ਯਾਦਵ ਦੀ ਦੇਖ-ਰੇਖ ਹੇਠ ਕੰਪਨੀ ਕਮਾਂਡਰ ਨਵੀਨ ਕੁਮਾਰ, ਇੰਸਪੈਕਟਰ ਡੀ.ਐੱਸ. ਮੀਨਾ ਤੇ ਇੰਸਪੈਕਟਰ ਅਨਿਲ ਕੁਮਾਰ ਨੇ ਦੱਸਿਆ ਕਿ ਬੀ.ਐੱਸ.ਐਫ. ਨਾ ਸਿਰਫ਼ ਸਰਹੱਦਾਂ ਦੀ ਰਾਖੀ ਲਈ ਤਤਪਰ ਰਹਿੰਦੀ ਹੈ, ਸਗੋਂ ਮਾਨਵਤਾ ਵਾਦੀ ਤੇ ਸਮਾਜ ਸੇਵੀ ਕਾਰਜਾਂ ’ਚ ਵੀ ਹਮੇਸ਼ਾ ਮੋਹਰੀ ਭੂਮਿਕਾ ਨਿਭਾਉਂਦੀ ਹੈ। ਕੈਂਪ ਦੀ ਸਮਾਪਤੀ ’ਤੇ ਕਮਾਡੈਂਟ ਵਲੋਂ ਸਿਖਲਾਈ ਪੂਰੀ ਕਰਨ ਵਾਲੇ ਸਾਰੇ 36 ਨੌਜਵਾਨਾਂ ਨੂੰ ਪ੍ਰਸ਼ੰਸਾ ਪੱਤਰ ਵੰਡ ਕੇ ਸਨਮਾਨਿਤ ਕੀਤਾ ਗਿਆ। ਪਿੰਡ ਵਾਸੀਆਂ ਨੇ ਬੀ.ਐੱਸ.ਐਫ. ਦੀ ਇਸ ਪਹਿਲਕਦਮੀ ਦੀ ਭਰਪੂਰ ਸ਼ਲਾਘਾ ਕੀਤੀ।
