ਅਬੋਹਰ, 10 ਅਪ੍ਰੈਲ (ਤੇਜਿੰਦਰ ਸਿੰਘ ਖ਼ਾਲਸਾ)-ਰਿਚ ਕੇਅਰਿੰਗ ਦੇ ਮਾਰਕੀਟਿੰਗ ਮੈਨੇਜਰ ਅਤੇ ਕੈਮਿਸਟ ਐਸੋਸੀਏਸ਼ਨ ਸੀਤੋ ਗੰੁਨੋ੍ਹ ਦੇ ਪ੍ਰਧਾਨ ਪਰਵਿੰਦਰ ਪਾਲ ਸਿੰਘ ਰਾਜਾ ਨੇ ਆਪਣੇ ਕਨੈਡਾ ਵਾਸੀ ਦੋਹਤੇ ਦਾ ਪਹਿਲਾ ਜਨਮ ਦਿਨ ਅਨਾਜ ਮੰਡੀ ਦੀਆਂ ਝੁੱਗੀਆਂ ਵਿਚ ਰਹਿੰਦੇ ਬੱਚਿਆਂ ਨਾਲ ਮਨਾਇਆ | ਇਸ ਦੌਰਾਨ ਰਾਜਾ ਵਲੋਂ ਆਪਣੇ ਪਰਿਵਾਰ ਸਣੇ ਬੱਚਿਆਂ ਦਾ ਸ਼ਹਿਰ ਦੇ ਹੋਟਲ ਵਿਚ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ | ਇਸ ਦੌਰਾਨ ਪਰਵਿੰਦਰ ਪਾਲ ਸਿੰਘ ਰਾਜਾ ਨੇ ਬੱਚਿਆਂ ਦੀ ਪੜ੍ਹਾਈ ਦੇ ਲਈ ਉਨ੍ਹਾਂ ਨੂੰ ਕਿੱਟਾਂ ਭੇਟ ਕਰਦੇ ਹੋਏ ਸਰੀਰਕ ਤੰਦਰੁਸਤੀ ਲਈ ਰਿਚ ਕੇਅਰਿੰਗ ਵਲੋਂ ਪ੍ਰੋਟੀਨ ਪਾਊਡਰ ਵੀ ਉਪਹਾਰ ਵਿਚ ਦਿੱਤਾ | ਅੰਤ ਵਿਚ ਉਨ੍ਹਾਂ ਆਪਣੇ ਸਟਾਫ਼ ਮੈਂਬਰ, ਪਰਿਵਾਰ ਅਤੇ ਦੋਸਤ-ਮਿੱਤਰਾਂ ਤੋਂ ਇਲਾਵਾ ਅਨਾਜ ਮੰਡੀ ਦੇ ਬੱਚਿਆਂ ਨਾਲ ਮਿਲ ਕੇ ਹਰਵੀਰ ਸਿੰਘ ਦੇ ਪਹਿਲੇ ਜਨਮ ਦਿਨ ਦਾ ਕੇਕ ਕੱਟਿਆ ਅਤੇ ਸਭ ਦਾ ਮੂੰਹ ਮਿੱਠਾ ਕਰਵਾਇਆ | ਇਸ ਮੌਕੇ ਮਨਪ੍ਰੀਤ ਸਿੰਘ ਗਰੋਵਰ, ਐਡਵੋਕੇਟ ਤੇਜਿੰਦਰ ਸਿੰਘ ਖ਼ਾਲਸਾ, ਸੁਖਜਿੰਦਰ ਸਿੰਘ ਰਾਜਨ, ਗਗਨ ਚੁੱਘ, ਮਾਨ ਸਿੰਘ ਪਰੂਥੀ, ਐਡਵੋਕੇਟ ਪ੍ਰਭਜੋਤ ਸਿੰਘ ਕਾਲੜਾ, ਐਡਵੋਕੇਟ ਗੌਤਮ ਕਪੂਰ, ਐਡਵੋਕੇਟ ਹਰਮੰਦਿਰ ਪਾਲ ਸਿੰਘ ਬਜਾਜ, ਰੁਦਰਦੇਵ ਗੁੰਬਰ, ਰਮਨ ਬਰਾੜ, ਪ੍ਰੀਤ ਕੁੱਕੜ, ਮਿੱਠੂ ਕੁਮਾਰ ਆਦਿ ਤੋਂ ਇਲਾਵਾ ਕੈਮਿਸਟ ਐਸੋਸੀਏਸ਼ਨ ਦੇ ਨੁਮਾਇੰਦੇ ਵੀ ਹਾਜ਼ਰ ਸਨ |
