ਮੰਡੀ ਅਰਨੀਵਾਲਾ, 9 ਅਪ੍ਰੈਲ (ਨਿਸ਼ਾਨ ਸਿੰਘ ਮੋਹਲ਼ਾ)-ਅਰਨੀਵਾਲਾ ਦੀ ਢਾਣੀ ਵਿਸਾਖਾ ਸਿੰਘ ਵਿਚ ਅੱਜ ਕਣਕ ਨੂੰ ਅੱਗ ਲੱਗ ਗਈ | ਜਿਸ ਨਾਲ ਕਰੀਬ ਇੱਕ ਕਨਾਲ ਖੇਤ ਵਿਚ ਖੜੀ ਕਣਕ ਸੜ ਕੇ ਸੁਆਹ ਹੋ ਗਈ | ਪਿੰਡ ਵਾਸੀਆਂ ਨੇ ਉੱਦਮ ਕਰਕੇ ਅੱਗ ਨੂੰ ਹੋਰ ਅੱਗੇ ਵਧਣ ਤੋਂ ਰੋਕ ਲਿਆ | ਜਾਣਕਾਰੀ ਅਨੁਸਾਰ ਕਿਸਾਨ ਉਤਾਰ ਸਿੰਘ ਪੁੱਤਰ ਰਾਮ ਸਿੰਘ ਦੀ ਕਣਕ ਨੂੰ ਉਸ ਵੇਲੇ ਅੱਗ ਲੱਗ ਗਈ ਜਦ ਖੇਤ ਵਿਚੋਂ ਲੰਘਦੀ 24 ਘੰਟੇ ਬਿਜਲੀ ਸਪਲਾਈ ਵਾਲੀ ਤਾਰ ਟੁੱਟ ਕੇ ਖੇਤ ਵਿਚ ਡਿਗ ਪਈ | ਜਿਸ ਦੀ ਸਪਾਰਕਿੰਗ ਨਾਲ ਕਣਕ ਨੂੰ ਅੱਗ ਲੱਗ ਗਈ | ਇਹ ਅੱਗ ਹੋਰ ਨੁਕਸਾਨ ਕਰਦੀ | ਪਿੰਡ ਵਾਸੀਆਂ ਨੇ ਅੱਗ ਤੇ ਤੁਰੰਤ ਕਾਬੂ ਪਾ ਲਿਆ |
