ਜਲਾਲਾਬਾਦ, 1 ਜਨਵਰੀ (ਹਰਪ੍ਰੀਤ ਸਿੰਘ ਪਰੂਥੀ)-ਦਿਵਯ ਜਯੋਤੀ ਜਾਗਿ੍ਤੀ ਸੰਸਥਾਨ ਵਲੋਂ ਜਲਾਲਾਬਾਦ ਦੇ ਸਥਾਨਕ ਆਸ਼ਰਮ 'ਚ ਸਪਤਾਹਿਕ ਸਤਿਸੰਗ ਪ੍ਰੋਗਰਾਮ ਦਾ ਆਯੋਜਨ ਕੀਤਾ | ਇਸ ਭਗਤੀ ਮਈ ਸਤਿਸੰਗ 'ਚ ਸਰਵ ਸ੍ਰੀ ਆਸ਼ੂਤੋਸ਼ ਮਹਾਰਾਜ ਦੀ ਪਰਮ ਸ਼ਿਸ਼ ਸਾਧਵੀ ਦੀਪਿਕਾ ਭਾਰਤੀ ਨੇ ਅਧਿਆਤਮਿਕ ਵਿਚਾਰ ਪ੍ਰਗਟ ਕੀਤੇ | ਸਾਧਵੀ ਹਰਪਿੰਦਰ ਭਾਰਤੀ ਨੇ ਕਿਹਾ ਕਿ ਗੁਰੂ ਸੇਵਾ ਮਨੁੱਖ ਨੂੰ ਸੰਸਾਰਿਕ ਬੰਧਨਾਂ ਤੋਂ ਮੁਕਤ ਕਰਕੇ ਆਤਮਿਕ ਉਚਾਈਆਂ ਵੱਲ ਲੈ ਜਾਂਦੀ ਹੈ | ਪੂਰਨ ਗੁਰੂ ਦੀ ਸ਼ਰਨਾਗਤ ਹੋਣਾ ਹੀ ਮਨੁੱਖੀ ਜੀਵਨ ਦੀ ਸਭ ਤੋਂ ਵੱਡੀ ਉਪਲਬਧੀ ਹੈ, ਕਿਉਂਕਿ ਗੁਰੂ ਦੀ ਕਿਰਪਾ ਨਾਲ ਹੀ ਸੱਚੀ ਭਗਤੀ ਤੇ ਪ੍ਰਮਾਤਮਾ ਦੀ ਪ੍ਰਾਪਤੀ ਸੰਭਵ ਹੈ | ਇਸ ਮੌਕੇ ਗੁਰੂ ਭੈਣ ਨੈਨਸੀ ਵਲੋਂ ਭਾਵਪੂਰਨ ਤੇ ਮਧੁਰ ਭਜਨ ਕੀਰਤਨ ਗਾਇਣ ਕੀਤਾ, ਜਿਸ ਨਾਲ ਸਤਿਸੰਗ ਸਥਲ ਪੂਰੀ ਤਰ੍ਹਾਂ ਭਗਤੀ ਮਈ ਵਾਤਾਵਰਨ ਨਾਲ ਗੂੰਜ ਉੱਠਿਆ |
