ਅਬੋਹਰ, 31 ਦਸੰਬਰ(ਵਿਵੇਕ ਹੂੜੀਆ)-ਅਬੋਹਰ ਦੇ ਪਿੰਡ ਗਿੱਦੜਾਂ ਵਾਲੀ ਦੇ ਪਿੰਡ ਵਾਸੀ ਸਵੇਰੇ ਉਸ ਸਮੇਂ ਹੈਰਾਨ ਰਹਿ ਗਏ ਜਦੋਂ ਕੜਾਕੇ ਦੀ ਠੰਢ ਵਿਚ ਇੱਕ ਸੇਵਾਦਾਰ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਨਿਸ਼ਾਨ ਸਾਹਿਬ ਨੂੰ ਚੌਲ੍ਹਾ ਚੜ੍ਹਾਉਂਦੇ ਸਮੇਂ ਲਗਭਗ 90 ਫੁੱਟ ਦੀ ਉਚਾਈ 'ਤੇ ਫਸ ਗਿਆ ਅਤੇ ਕਈ ਘੰਟਿਆਂ ਤੱਕ ਲਟਕਦਾ ਰਿਹਾ | ਉਸ ਨੂੰ ਹੇਠਾਂ ਲਿਆਉਣ ਲਈ ਸ਼੍ਰੀ ਗੰਗਾਨਗਰ ਤੋਂ ਇਕ ਕਰੇਨ ਮੰਗਵਾਈ ਗਈ ਅਤੇ ਜੇਕਰ ਉਹ ਡਿਗ ਜਾਂਦਾ ਹੈ ਤਾਂ ਉਸ ਦੀ ਜਾਨ ਬਚਾਉਣ ਲਈ ਹੇਠਾਂ ਇਕ ਜਾਲ ਵੀ ਵਿਛਾ ਦਿੱਤਾ ਗਿਆ | ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਪਿੰਡ ਵਿਚ ਬਣੇ ਪਹਿਲੀ ਪਾਤਸ਼ਾਹੀ ਜੀ ਗੁਰੂ ਨਾਨਕ ਦੇਵ ਜੀ ਗੁਰਦੁਆਰਾ ਸਾਹਿਬ ਵਿਚ ਗੁਰੂਘਰ ਦਾ ਇਕ ਸੇਵਾਦਾਰ, ਜਿਸ ਦੀ ਉਮਰ ਲਗਭਗ 20 ਸਾਲ ਸੀ, ਗੁਰਦੁਆਰਾ ਸਾਹਿਬ ਵਿਚ ਸਥਾਪਿਤ ਸ਼੍ਰੀ ਨਿਸ਼ਾਨ ਸਾਹਿਬ ਦਾ ਚੌਲ੍ਹਾ ਬਦਲਣ ਲਈ ਲਗਭਗ 90 ਫੁੱਟ ਦੀ ਉਚਾਈ 'ਤੇ ਚੜ੍ਹ ਗਿਆ | ਜਦੋਂ ਉਹ ਚੌਲ੍ਹਾ ਸਾਹਿਬ ਬਦਲ ਰਿਹਾ ਸੀ ਤਾਂ ਇਕ ਤਾਰ ਟੁੱਟ ਗਈ, ਜਿਸ ਕਾਰਨ ਉਸ ਲਈ ਹੇਠਾਂ ਆਉਣਾ ਮੁਸ਼ਕਿਲ ਹੋ ਗਿਆ ਅਤੇ ਉਹ ਇੰਨੀ ਉਚਾਈ ਅਤੇ ਕੜਾਕੇ ਦੀ ਠੰਢ ਵਿਚ ਲਗਭਗ ਚਾਰ ਤੋਂ ਤਿੰਨ ਘੰਟੇ ਨਿਸ਼ਾਨ ਸਾਹਿਬ ਦੇ ਖੰਭੇ 'ਤੇ ਫਸਿਆ ਰਿਹਾ | ਸਿੱਖ ਸੰਗਤ ਨੇ ਉਸ ਨੂੰ ਸੁਰੱਖਿਅਤ ਹੇਠਾਂ ਲਿਆਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਸਫਲ ਨਹੀਂ ਹੋਏ, ਫਿਰ ਉਨ੍ਹਾਂ ਨੇ ਹੇਠਾਂ ਜਾਲ ਵਿਛਾ ਦਿੱਤਾ ਅਤੇ ਸ਼੍ਰੀ ਗੰਗਾਨਗਰ ਤੋਂ ਇਕ ਵੱਡੀ ਕਰੇਨ ਵੀ ਮੰਗਵਾਈ, ਜਿਸ ਦੀ ਉਚਾਈ ਲਗਭਗ 100 ਫੁੱਟ ਦੱਸੀ ਜਾ ਰਹੀ ਹੈ | ਖ਼ਬਰ ਲਿਖੇ ਜਾਣ ਤੱਕ ਨੌਜਵਾਨ ਉੱਪਰ ਫਸਿਆ ਹੋਇਆ ਹੈ ਅਤੇ ਉਸ ਨੂੰ ਹੇਠਾਂ ਲਿਆਉਣ ਦੀਆਂ ਕੋਸ਼ਿਸ਼ਾਂ
