ਪਠਾਨਕੋਟ ਦੀ ਅੰਜੁਮਨ ਭਾਰਦਵਾਜ ਦਾ ਕੌਮਾਂਤਰੀ ਬੈਡਮਿੰਟਨ ’ਚ ਸ਼ਾਨਦਾਰ ਪ੍ਰਦਰਸ਼ਨ

ਪਠਾਨਕੋਟ, 27 ਅਕਤੂਬਰ (ਸੰਧੂ)-ਆਰ. ਆਰ.

ਕ

ਕੌਮਾਂਤਰੀ ਬੈਡਮਿੰਟਨ ਮੁਕਾਬਲਿਆਂ ’ਚ ਜ਼ਾਂਬੀਆ ਦੀ ਨੁਮਾਇੰਦਗੀ ਕਰਕੇ ਪੰਜਾਬ ਦਾ ਨਾਂਅ ਰੌਸ਼ਨ ਕਰਨ ਵਾਲੀ ਖਿਡਾਰਨ ਅੰਜੁਮਨ ਭਾਰਦਵਾਜ । ਤਸਵੀਰ : ਸੰਧੂ 28-10-2026

ਪਠਾਨਕੋਟ, 27 ਅਕਤੂਬਰ (ਸੰਧੂ)-ਆਰ.ਆਰ.ਐਮ.ਕੇ. ਆਰੀਆ ਮਹਿਲਾ ਮਹਾਂਵਿਦਿਆਲਿਆ ਬੈਡਮਿੰਟਨ ਅਕੈਡਮੀ ਤੇ ਕੋਚ ਹਤਿੰਦਰ ਸੈਣੀ ਦੇ ਮਾਰਗ ਦਰਸ਼ਨ ਨਾਲ ਜੁੜੀ ਖਿਡਾਰਨ ਅੰਜੁਮਨ ਭਾਰਦਵਾਜ ਅੱਜ ਕੌਮਾਂਤਰੀ ਪੱਧਰ ’ਤੇ ਆਪਣੀ ਖੇਡ ਦਾ ਲੋਹਾ ਮਨਵਾ ਰਹੀ ਹੈ । ਪਠਾਨਕੋਟ ’ਚ ਆਪਣੀ ਖੇਡ ਨੂੰ ਨਿਖਾਰਨ ਵਾਲੀ ਅੰਜੂਮਨ ਮੌਜੂਦਾ ਸਮੇਂ ਜ਼ਾਂਬੀਆ ਵਲੋਂ ਕੌਮਾਂਤਰੀ ਮੁਕਾਬਲਿਆਂ ’ਚ ਹਿੱਸਾ ਲੈ ਕੇ ਜ਼ਿਲ੍ਹੇ ਤੇ ਪੰਜਾਬ ਦਾ ਨਾਂਅ ਰੌਸ਼ਨ ਕਰ ਰਹੀ ਹੈ । ਕੋਚ ਹਤਿੰਦਰ ਸੈਣੀ ਅਨੁਸਾਰ ਅੰਜੁਮਨ ਨੇ ਬੈਡਮਿੰਟਨ ਦੀ ਮੁੱਢਲੀ ਸਿਖਲਾਈ ਆਪਣੇ ਪਿਤਾ ਤੋਂ ਪ੍ਰਾਪਤ ਕੀਤੀ । ਉਸ ਨੇ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਦੇ ਅੰਡਰ-14 ਲੜਕੀਆਂ ਦੇ ਵਰਗ ’ਚ ਜੇਤੂ ਬਣਨ ਤੋਂ ਇਲਾਵਾ ਜ਼ਿਲ੍ਹਾ ਬੈਡਮਿੰਟਨ ਟੂਰਨਾਮੈਂਟ ’ਚ ਅੰਡਰ-15 ਤੇ 17 ਵਰਗਾਂ ’ਚ ਜਿੱਤ ਹਾਸਲ ਕੀਤੀ ਤੇ ਮਹਿਲਾ ਸਿੰਗਲਜ਼ ’ਚ ਉਪ ਜੇਤੂ ਰਹੀ । ਅੰਜੂਮਨ ਨੇ ਸਾਲ 2023 ’ਚ ਆਲ ਅਫਰੀਕਾ ਸਕੂਲ ਚੈਂਪੀਅਨਸ਼ਿਪ ਵਿਚ ਸੋਨ ਤਮਗਾ ਜਿੱਤਿਆ । ਸਾਲ 2024 ’ਚ ਕਿਟਵੇ ਓਪਨ ਸੀਨੀਅਰ ਚੈਂਪੀਅਨਸ਼ਿਪ ਵਿਚ ਮਹਿਲਾ ਸਿੰਗਲਜ਼ ਤੇ ਮਿਕਸਡ ਡਬਲਜ਼ ’ਚ ਸੋਨ ਤੇ ਮਹਿਲਾ ਡਬਲਜ਼ ’ਚ ਚਾਂਦੀ ਦਾ ਤਮਗਾ ਹਾਸਲ ਕੀਤਾ । ਸਾਲ 2025 ’ਚ ਆਲ ਜ਼ਾਂਬੀਆ ਜੂਨੀਅਰ ਵਿਅਕਤੀਗਤ ਚੈਂਪੀਅਨਸ਼ਿਪ ਤੇ ਮਿਡਲੈਂਡਜ਼ ਓਪਨ ਸੀਨੀਅਰ ਚੈਂਪੀਅਨਸ਼ਿਪ ਵਿਚ ਵੀ ਕਈ ਸੋਨ ਤਮਗੇ ਜਿੱਤੇ । ਉਸ ਨੇ ਆਲ ਅਫਰੀਕਾ ਕੌਂਟੀਨੈਂਟਲ ਸੀਨੀਅਰ ਟੀਮ ਚੈਂਪੀਅਨਸ਼ਿਪ ’ਚ ਵੀ ਜ਼ਾਂਬੀਆ ਦੀ ਨੁਮਾਇੰਦਗੀ ਕੀਤੀ । ਸਾਲ 2026 ’ਚ ਅੰਜੁਮਨ ਨੇ ਮਿਸਰ ਦੀ ਰਾਜਧਾਨੀ ਕਾਹਿਰਾ ਵਿਖੇ 28 ਸਤੰਬਰ ਤੋਂ 10 ਅਕਤੂਬਰ ਤੱਕ ਹੋਈ ਵਿਸ਼ਵ ਜੂਨੀਅਰ ਤੇ ਕੌਂਟੀਨੈਂਟਲ ਚੈਂਪੀਅਨਸ਼ਿਪ ’ਚ ਜ਼ਾਂਬੀਆ ਵਲੋਂ ਭਾਗ ਲਿਆ । ਕੋਚ ਹਤਿੰਦਰ ਸੈਣੀ ਨੇ ਉਸ ਦੀ ਮਿਹਨਤ, ਅਨੁਸ਼ਾਸਨ ਤੇ ਲਗਾਤਾਰ ਅਭਿਆਸ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਸ ਦੀਆਂ ਪ੍ਰਾਪਤੀਆਂ ਨੌਜਵਾਨ ਖਿਡਾਰੀਆਂ ਲਈ ਪ੍ਰੇਰਨਾ ਸਰੋਤ ਹਨ । ਅਕੈਡਮੀ ਲਈ ਵੀ ਇਹ ਮਾਣ ਵਾਲੀ ਗੱਲ ਹੈ ਕਿ ਇੱਥੋਂ ਸਿਖਲਾਈ ਪ੍ਰਾਪਤ ਕਰਨ ਵਾਲੀ ਖਿਡਾਰਨ ਕੌਮਾਂਤਰੀ ਮੰਚ ’ਤੇ ਆਪਣੀ ਪਹਿਚਾਣ ਬਣਾ ਰਹੀ ਹੈ ।

ਪਿਛਲੀ ਖ਼ਬਰ 2027 ’ ਚ ਸਾਬਕਾ ਵਿਧਾਇਕ ਜੋਗਿੰਦਰ ਪਾਲ ਵੱਡੀ ਲੀਡ ਨਾਲ ਜਿੱਤਣਗੇ-ਜਨਰਲ ਸਕੱਤਰ ਅਗਲੀ ਖ਼ਬਰ ਇਲਾਕੇ ਦੀਆਂ ਸਮੱਸਿਆਵਾਂ ਸੰਬੰਧੀ ਪਰਗਟ ਸਿੰਘ ਨਾਲ ਮੁਲਾਕਾਤ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪਠਾਨਕੋਟ ਦੀ ਅੰਜੁਮਨ ਭਾਰਦਵਾਜ ਦਾ ਕੌਮਾਂਤਰੀ ਬੈਡਮਿੰਟਨ ’ਚ ਸ਼ਾਨਦਾਰ ਪ੍ਰਦਰਸ਼ਨ

Subscribers Only Story

ਸੰਬੰਧਿਤ ਖ਼ਬਰਾਂ