ਆਈਡੀਆ ਤੇ ਵੋਡਾਫੋਨ ਦੀ ਰੇਂਜ ਨਾ ਆਉਣ ਕਾਰਨ ਖਪਤਕਾਰ ਪ੍ਰੇਸ਼ਾਨ

ਗੁਰਦਾਸਪੁਰ, 18 ਅਕਤੂਬਰ (ਅਸ਼ੋਕ ਸ਼ਰਮਾ)-ਬੇਟ ਖੇਤਰ ਅੰਦਰ ਆਈਡੀਆ ਤੇ ਵੋਡਾਫੋਨ ਦੇ ਖਪਤਕਾਰ ਪਿਛਲੇ ਇਕ ਹਫਤੇ ਤੋਂ ਆਈਡੀਆ ਤੇ ਵੋਡਾਫੋਨ ਦੀ ਰੇਂਜ ਨਾ ਆਉਣ ਕਾਰਨ ਕਾਫੀ ਪ੍ਰੇਸ਼ਾਨ ਹਨ । ਇਸ ਸਬੰਧੀ ਆਪਣਾ ਨਾਂਅ ਗੁਪਤ ਰੱਖਦੇ ਹੋਏ ਬਹੁਤ ਸਾਰੇ ਖਪਤਕਾਰਾਂ ਨੇ ਦੱਸਿਆ ਕਿ ਅਸੀਂ ਪਿਛਲੇ ਲੰਬੇ ਸਮੇਂ ਤੋਂ ਦੂਸਰੀਆਂ ਕੰਪਨੀਆਂ ਦੇ ਕੁਨੈਕਸ਼ਨ ਕੱਟਵਾ ਕੇ ਆਡੀਈਆ ਤੇ ਵੋਡਾਫੋਨ ਦੀ ਕੰਪਨੀ ਦੀਆਂ ਸਿੰਮਾਂ ਲਈਆਂ ਸਨ, ਪਰ ਹੁਣ ਇਕ ਹਫਤੇ ਤੋਂ ਉਕਤ ਕੰਪਨੀਆਂ ਦੀ ਬੇਟ ਖੇਤਰ ਰੇਂਜ ਨਾ ਆਉਣ ਕਾਰਨ ਫੋਨ ਕਰਦੇ-ਕਰਦੇ ਹੀ ਰੇਂਜ ਉੱਡ ਜਾਂਦੀ ਹੈ ਤੇ ਗੱਲਬਾਤ ਨਹੀਂ ਹੁੰਦੀ।