ਨਸ਼ੇ ਵਜੋਂ ਵਰਤੀਆਂ ਜਾਂਦੀਆਂ ਗੋਲੀਆਂ ਬਰਾਮਦਗੀ ਮਾਮਲੇ ’ਚ ਚਾਰ ਨਾਮਜ਼ਦ

ਸੰਘੋਲ, 13 ਅਗਸਤ (ਪਰਮਵੀਰ ਸਿੰਘ ਧਨੋਆ)-ਸਥਾਨਕ ਪੁਲਿਸ ਨੇ ਨਸ਼ੇ ਵਜੋਂ ਵਰਤੀਆਂ ਜਾਂਦੀਆਂ ਗੋਲੀਆਂ ਦੇ ਮਾਮਲੇ ’ਚ 4 ਜਣਿਆ ਨੂੰ ਨਾਮਜ਼ਦ ਕਰ ਕੇ ਗ੍ਰਿਫ਼ਤਾਰ ਕੀਤਾ ਹੈ। ਹਰਜੀਤ ਸਿੰਘ ਚੌਕੀ ਇੰਚਾਰਜ ਸੰਘੋਲ ਅਨੁਸਾਰ ਪੁਲਿਸ ਪਾਰਟੀ ਨੇ ਗਸ਼ਤ ਦੌਰਾਨ ਪੁਲ ਸੂਆ ਕਾਲੇਵਾਲ-ਝੱਲੀਆਂ ਨੇੜੇ ਪਿੰਡ ਗਗੜਵਾਲ ਵਲੋਂ ਆਉਂਦੇ 2 ਸ਼ੱਕੀ ਵਿਅਕਤੀਆਂ ਦੀ ਤਲਾਸ਼ੀ ਲਈ ਤਾਂ ਉਨ੍ਹਾਂ ਕੋਲੋਂ ਪਾਬੰਦੀ ਸ਼ੁਦਾ 30-30 ਗੋਲੀਆਂ ਬਰਾਮਦ ਹੋਈਆਂ।