ਨਿਸ਼ਕਾਮ ਕੀਰਤਨ ਸੇਵਾ ਸੁਸਾਇਟੀ ਦੇ ਮੀਤ ਪ੍ਰਧਾਨ ਰਵੀ ਨੇ ਕੀਤੇ ਪਲੇਟਲੈਟ ਸੈੱਲ ਦਾਨ

 ਮੰਡੀ ਗੋਬਿੰਦਗੜ੍ਹ, 12 ਜੁਲਾਈ (ਇਕਬਾਲਦੀਪ ਸੰਧੂ )-ਨਿਸ਼ਕਾਮ ਕੀਰਤਨ ਸੇਵਾ ਸੁਸਾਇਟੀ ਦੇ ਮੀਤ ਪ੍ਰਧਾਨ ਰਵਿੰਦਰ ਸਿੰਘ ਰਵੀ ਨੇ ਖੰਨਾ ਦੇ ਇਕ ਹਸਪਤਾਲ ਵਿਚ ਦਾਖਲ ਲੋੜਵੰਦ ਮਰੀਜ਼ ਲਈ ਪਲੇਟਲੈਟ ਸੈੱਲ ਦਾਨ ਕਰਕੇ ਮਨੁੱਖਤਾ ਦੀ ਮਿਸਾਲ ਪੇਸ਼ ਕੀਤੀ। ਉਨ੍ਹਾਂ ਦੱਸਿਆ ਕਿ ਦੇਰ ਰਾਤ ਮਰੀਜ਼ ਦੀ ਗੰਭੀਰ ਹਾਲਤ ਸੰਬੰਧੀ ਫ਼ੋਨ ਆਉਣ ’ਤੇ ਉਹ ਤੁਰੰਤ ਹਸਪਤਾਲ ਪਹੁੰਚੇ ਅਤੇ ਪਲੇਟਲੈਟ ਸੈੱਲ ਦਾਨ ਕੀਤੇ। ਇਹ ਵੀ ਕਿਹਾ ਕਿ ‘ਨਰ ਸੇਵਾ ਹੀ ਨਾਰਾਇਣ ਸੇਵਾ ਹੈ’ ਅਤੇ ਹਰ ਤੰਦਰੁਸਤ ਵਿਅਕਤੀ ਨੂੰ ਖ਼ੂਨਦਾਨ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਉਨ੍ਹਾਂ ਦੀ ਸੁਸਾਇਟੀ ਵਲੋਂ ਹੁਣ ਤੱਕ ਸੈਂਕੜੇ ਲੋੜਵੰਦਾਂ ਨੂੰ ਖ਼ੂਨ ਤੇ ਪਲੇਟਲੈਟ ਸੈੱਲ ਮੁਹੱਈਆ ਕਰਵਾ ਕੇ ਕੀਮਤੀ ਜਾਨਾਂ ਬਚਾਈਆਂ ਜਾ ਚੁੱਕੀਆਂ ਹਨ। ਜ਼ਿਕਰਯੋਗ ਹੈ ਕਿ ਰਵਿੰਦਰ ਸਿੰਘ ਰਵੀ ਵੀ ਹੁਣ ਤੱਕ 46 ਵਾਰ ਖ਼ੂਨਦਾਨ ਤੇ 10 ਵਾਰ ਪਲੇਟਲੈਟ ਸੈੱਲ ਦਾਨ ਕਰ ਚੁੱਕੇ ਹਨ।