ਮੁੱਲਾਂਪੁਰ-ਦਾਖਾ, 3 ਅਪ੍ਰੈਲ (ਨਿਰਮਲ ਸਿੰਘ ਧਾਲੀਵਾਲ)-ਮੰਡੀ ਮੁੱਲਾਂਪੁਰ ਦੇ ਸ੍ਰੀ ਸਤਿਈਸ਼ਵਰ ਸ਼ਿਵ ਮੰਦਰ (ਵੱਡਾ ਮੰਦਰ) ਵਿਖੇ ਜੈ ਮਾਂ ਚਿੰਤਪੁਰਨੀ ਵਿਸ਼ਾਲ ਚੌਂਕੀ ਸਮਾਗਮ ਐਤਵਾਰ 5 ਅਪ੍ਰੈਲ ਨੂੰ ਕਰਵਾਇਆ ਜਾ ਰਿਹਾ | ਧਾਰਮਿਕ ਸਮਾਗਮ ਦੀਆਂ ਤਿਆਰੀਆਂ ਵਿਚ ਲੱਗੇ ਪ੍ਰਧਾਨ ਸ਼ੁਸ਼ੀਲ ਕੁਮਾਰ ਬਾਂਸਲ ਅਨੁਸਾਰ ਜੈ ਮਾਂ ਚਿੰਤਪੁਰਨੀ ਪਰਿਵਾਰ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਜੈ ਮਾਂ ਚਿੰਤਪੁਰਨੀ ਦੀ ਵਿਸ਼ਾਲ ਚੌਂਕੀ ਸਮਾਗਮ ਸ਼ਰਧਾ ਨਾਲ ਕਰਵਾਇਆ ਜਾ ਰਿਹਾ | ਮਾਤਾ ਜੀ ਦੀ ਪਵਿੱਤਰ ਜੋਤ ਮਾਂ ਚਿੰਤਪੁਰਨੀ ਦਰਬਾਰ ਤੋਂ ਲਿਆਉਣ ਸਮੇਂ ਪੂਜਾ ਦੀ ਰਸਮ ਪੰਡਤ ਮਨੋਜ ਤਿਵਾੜੀ ਵਲੋਂ ਹੋਵੇਗੀ | ਭਜਨ ਗਾਇਕ ਵਿੱਕੀ ਮਿਸ਼ਾਲ ਅਤੇ ਗੁੱਡੂ ਵਾਧਵਾ ਲੁਧਿਆਣਾ ਵਾਲੇ ਮਾਂ ਚਿੰਤਪੁਰਨੀ ਦਾ ਗੁਣਗਾਇਨ ਕਰਨਗੇ | ਸਮਾਗਮ ਸਮੇਂ ਲੰਗਰ ਦਾ ਅਤੁੱਟ ਪ੍ਰਬੰਧ ਹੋਵੇਗਾ | ਧਾਰਮਿਕ ਸਮਾਗਮ ਨੂੰ ਸਫ਼ਲ ਬਣਾਉਣ ਲਈ ਰਾਹੁਲ ਗਰੋਵਰ, ਰਾਜੀਵ ਮਲਹੋਤਰਾ, ਗੋਲਡੀ ਗਾਬਾ, ਨਰੇਸ਼ ਬਾਂਸਲ, ਹਰਮਨ ਗੋਇਲ, ਰਮਨ ਸਿੰਗਲਾ, ਪੰਕਜ ਗਰਗ, ਸਨੀ ਗਿਲੀ, ਹਨੀ ਗਾਬਾ, ਵਰੁਣ ਕਾਂਸਲ, ਅਭੇ ਬਾਂਸਲ, ਗੌਰਵ, ਹੋਰ ਸ਼ਰਧਾਲੂ ਸਹਿਯੋਗ ਕਰ ਰਹੇ ਹਨ |
