ਘੋਗਰਾ, 8 ਸਤੰਬਰ (ਆਰ. ਐੱਸ. ਸਲਾਰੀਆ)-ਪੰਜ ਪੀਰ ਲੱਖ ਦਾਤਾ ਦੀ ਦਰਗਾਹ ’ਤੇ ਪਿੰਡ ਵਾਸੀਆਂ ਅਤੇ ਐੱਨ. ਆਰ. ਆਈ. ਵੀਰਾਂ ਦੇ ਸਹਿਯੋਗ ਨਾਲ ਪਿੰਡ ਦੋਲੋਵਾਲ ਵਿਖੇ ਸਾਲਾਨਾ ਛਿੰਝ ਮੇਲਾ ਕਰਵਾਇਆ। ਇਸ ਮੌਕੇ ਪੰਜਾਬ, ਹਰਿਆਣਾ, ਜੰਮੂ, ਕਸ਼ਮੀਰ ਦੇ ਨਾਮਵਰ ਪਹਿਲਵਾਨਾਂ ਨੇ ਭਾਗ ਲਿਆ। ਰੁਮਾਲੀ ਦੀ ਕੁਸ਼ਤੀ ਰਵੀ ਵੇਹਰਾ ਤੇ ਅਹਿਮਦ ਜੋਰਜ਼ੀਆਂ ਦੇ ਵਿਚਕਾਰ ਹੋਈ। ਅਹਿਮਦ ਜੋਰਜ਼ੀਆਂ ਨੂੰ ਚਿੱਤ ਕਰਕੇ ਰਵੀ ਵੇਹਰਾ ਨੇ ਰੁਮਾਲੀ ’ਤੇ ਆਪਣਾ ਕਬਜ਼ਾ ਕੀਤਾ। ਇਸ ਮੌਕੇ ਉਦਯੋਗਪਤੀ ਤੇ ਸਮਾਜ ਸੇਵੀ ਜਤਿਨ ਖਿੰਦਰੀ ਨੇ ਮੁੱਖ ਮਹਿਮਾਨ ਵਜੋਂ ਸਿਰਕਤ ਕੀਤੀ। ਇਸ ਮੌਕੇ ਪ੍ਰਧਾਨ ਕੈਪਟਨ ਦਿਲਦਾਰ ਸਿੰਘ ਮੁੱਖ ਤੇ ਆਏ ਹੋਏ ਲੋਕਾਂ ਦਾ ਧੰਨਵਾਦ ਕੀਤਾ ਕਿਹਾ ਕਿ ਪਿੰਡਾਂ ਕੁਸ਼ਤੀ ਦੰਗਲ ਕਰਵਾਉਣ ਨਾਲ ਪਿੰਡਾਂ ਵਿਚ ਆਪਸੀ ਭਾਈਚਾਰਕ ਸਾਂਝ ਬਣੀ ਰਹਿੰਦੀ ਹੈ ਅਤੇ ਨੌਜਵਾਨ ਪੀੜ੍ਹੀ ਨਸ਼ਿਆਂ ਤੋਂ ਦੂਰ ਰਹਿੰਦੀ ਹੈ। ਇਸ ਮੌਕੇ ਸੀਨੀਅਰ ਪੱਤਰਕਾਰ ਵਿਜੈ ਸਲਾਰੀਆ (ਸ਼ੈਲੀ), ਸੂਬੇ. ਦਲਜੀਤ ਸਿੰਘ, ਸਰਪੰਚ ਰਾਕੇਸ਼ ਕੁਮਾਰ, ਸ਼ਮਸ਼ੇਰ ਸਿੰਘ ਸ਼ੇਰਾ, ਬਲਦੇਵ ਸਿੰਘ ਕੌਲਪੁਰ, ਮਨਜੀਤ ਸਿੰਘ ਕੌਲਪੁਰ, ਰਾਮ ਜੀ ਦਾਸ, ਕਿਰਨਜੀਤ ਸਿੰਘ ਕੌਲਪੁਰ, ਕੈਪਟਨ ਰਸ਼ਪਾਲ ਸਿੰਘ, ਕੈਪਟਨ ਉਂਕਾਰ ਸਿੰਘ, ਕਰਨ ਮਿਨਹਾਸ, ਮਾ. ਕੇਵਲ ਸ਼ਰਮਾ, ਨੰਬਰਦਾਰ ਛੰਕਾਰ ਸਿੰਘ, ਸੂਬੇ. ਰਘੂਵੀਰ ਸਿੰਘ, ਮੇਜਰ ਸਿੰਘ, ਪ੍ਰਭਾਤ ਸਿੰਘ, ਅਕਾਸ਼ ਕੁਮਾਰ ਕਾਂਸੀ, ਸੰਵਿਧਾਨ ਸਿੰਘ, ਹਰੀਸ਼ ਕੁਮਾਰ ਤੇ ਹੋਰ ਇਲਾਕਾ ਵਾਸੀ ਹਾਜ਼ਰ ਸਨ।
