ਅਧਿਆਪਕਾਂ 'ਤੇ ਜਬਰੀ ਥੋਪੇ ਗਏ ਟੈੱਟ ਖ਼ਿਲਾਫ਼ ਸਿੱਖਿਆ ਮੰਤਰੀ ਦੇ ਹਲਕੇ 'ਚ ਰੋਸ ਰੈਲੀ ਅੱਜ

ਰਾਮਗੜ੍ਹ ਸੀਕਰੀ, 21 ਫਰਵਰੀ (ਕਟੋਚ)-ਅਧਿਆਪਕਾਂ 'ਤੇ ਬੇਲੋੜੇ ਅਤੇ ਜਬਰੀ ਥਾਪੇ ਗਏ ਟੈੱਟ (ਅਧਿਆਪਕ ਯੋਗਤਾ ਟੈਸਟ) ਦੇ ਵਿਰੋਧ ਵਿਚ ਅੱਜ 22 ਫਰਵਰੀ ਨੂੰ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਕੀਤੀ ਜਾ ਰਹੀ ਰੋਸ ਰੈਲੀ ਲਈ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ | ਉਕਤ ਪ੍ਰਗਟਾਵਾ ਕਰਦਿਆਂ ਅਧਿਆਪਕ ਆਗੂਆਂ ਜਸਵੀਰ ਤਲਵਾੜਾ, ਵਰਿੰਦਰ ਵਿਕੀ, ਸ਼ਸ਼ੀ ਕਾਂਤ, ਸਤਪ੍ਰਕਾਸ਼ ਅਤੇ ਨਰੇਸ਼ ਮਿੱਢਾ ਨੇ ਦੱਸਿਆ ਕਿ ਉਕਤ ਮਹਾਂ ਰੋਸ ਰੈਲੀ ਲਈ ਜ਼ਿਲ੍ਹਾ ਹੁਸ਼ਿਆਰਪੁਰ ਤੋਂ ਵੱਡੀ ਗਿਣਤੀ ਵਿਚ ਅਧਿਆਪਕ ਸ਼ਮੂਲੀਅਤ ਕਰਕੇ ਜਬਰੀ ਥਾਪੇ ਗਏ ਬੇਲੋੜੇ ਟੈੱਟ ਦਾ ਡਟਵਾਂ ਵਿਰੋਧ ਕਰਨਗੇ |