ਉੱਤਰ ਪ੍ਰਦੇਸ਼ ’ਚ ਚੰਦਰਸ਼ੇਖਰ-ਓਵੈਸੀ ਦੀਆਂ ਪਾਰਟੀਆਂ ’ਚ ਗੱਠਜੋੜ

ਲਖਨਊ, 12 ਨਵੰਬਰ (ਪੀ.ਟੀ.ਆਈ.)-ਉੱਤਰ ਪ੍ਰਦੇਸ਼ (ਯੂ.ਪੀ.) ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਏ.ਆਈ.ਐਮ.ਆਈ.ਐਮ. ਮੁਖੀ ਅਸਦੁਦਿੱਨ ਓਵੈਸੀ ਅਤੇ ਆਜ਼ਾਦ ਸਮਾਜ ਪਾਰਟੀ (ਕਾਂਸ਼ੀਰਾਮ) ਦੇ ਪ੍ਰਧਾਨ ਚੰਦਰਸ਼ੇਖਰ ਆਜ਼ਾਦ ਨੇ ਗੱਠਜੋੜ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਦਾ ਨਾਂਅ ਸਮਾਜਿਕ ਪਰਿਵਰਤਨ ਮੋਰਚਾ ਰੱਖਿਆ ਗਿਆ ਹੈ। ਗੱਠਜੋੜ ਉੱਤਰ ਪ੍ਰਦੇਸ਼ ਦੀਆਂ ਸਾਰੀਆਂ 403 ਵਿਧਾਨ ਸਭਾ ਸੀਟਾਂ ’ਤੇ ਚੋਣਾਂ ਲੜੇਗਾ। ਵੀਰਵਾਰ ਨੂੰ ਲਖਨਊ ’ਚ ਸਾਂਝੀ ਪ੍ਰੈੱਸ ਕਾਨਫਰੰਸ ’ਚ ਓਵੈਸੀ ਨੇ ਕਿਹਾ ਕਿ ਚੰਦਰਸ਼ੇਖਰ ਯੂ.ਪੀ. ’ਚ ਮੁੱਖ ਮੰਤਰੀ ਦਾ ਚਿਹਰਾ ਹੋਣਗੇ। ਭਾਜਪਾ ਨੂੰ ਰੋਕਣ ਲਈ ਸਾਡਾ ਮੋਰਚਾ ਮਜ਼ਬੂਤ ਬਦਲ ਬਣੇਗਾ।