ਨਵੀਂ ਦਿੱਲੀ, 16 ਅਪ੍ਰੈਲ (ਉਪਮਾ ਡਾਗਾ ਪਾਰਥ)-ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਨਿਤਿਨ ਨਬੀਨ ਨੇ ਵੀਰਵਾਰ ਨੂੰ ਹੋਰ ਨਵੇਂ ਚੁਣੇ ਮੈਂਬਰਾਂ ਦੇ ਨਾਲ ਰਾਜ ਸਭਾ ਦੇ ਮੈਂਬਰ ਵਜੋਂ ਸਹੁੰ ਚੁੱਕੀ | ਰਾਜ ਸਭਾ ਦੀ ਬੈਠਕ ਸ਼ੁਰੂ ਹੋਣ ਤੋਂ ਬਾਅਦ ਚੇਅਰਮੈਨ ਸੀ.ਪੀ. ਰਾਧਾਕ੍ਰਿਸ਼ਨਨ ਨੇ ਨਵੇਂ ਚੁਣੇ ਮੈਂਬਰਾਂ ਨੂੰ ਸਹੁੰ ਚੁਕਾਈ | ਸਹੁੰ ਚੁੱਕਣ ਵਾਲੇ ਹੋਰ ਮੈਂਬਰਾਂ 'ਚ ਅਸਾਮ ਤੋਂ ਤੇਰਾਸ਼ ਗੋਵਾਲਾ, ਜੋਗੇਨ ਮੋਹਨ, ਪ੍ਰਮੋਦ ਬੋਰੋ, ਬਿਹਾਰ ਤੋਂ ਉਪੇਂਦਰ ਕੁਸ਼ਵਾਹਾ, ਰਾਮਨਾਥ ਠਾਕੁਰ, ਸ਼ਿਵੇਸ਼ ਕੁਮਾਰ, ਛੱਤੀਸਗੜ੍ਹ ਤੋਂ ਲਕਸ਼ਮੀ ਵਰਮਾ, ਫੁਲੋ ਦੇਵੀ ਨੇਤਾਰਾ, ਹਰਿਆਣਾ ਤੋਂ ਕਰਮਵੀਰ ਸਿੰਘ ਬੋਧ, ਸੰਜੈ ਭਾਟੀਆ, ਹਿਮਾਚਲ ਪ੍ਰਦੇਸ਼ ਤੋਂ ਅਨੁਰਾਗ ਸ਼ਰਮਾ, ਮਹਾਰਾਸ਼ਟਰ ਤੋਂ ਵਿਨੋਦ ਸ੍ਰੀਧਰ ਤਾਵੜੇ, ਉਡੀਸ਼ਾ ਤੋਂ ਸੁਜੀਤ ਕੁਮਾਰ, ਤੇਲੰਗਾਨਾ ਤੋਂ ਡਾ. ਅਭਿਸ਼ੇਕ ਮਨੁ ਸਿੰਘਵੀ ਤੇ ਵੇਮ ਨਰੇਂਦਰ ਰੇਡੀ ਸ਼ਾਮਿਲ ਸਨ |
