ਲੋਹੀਆਂ ਖਾਸ, 6 ਦਸੰਬਰ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)- ਤਹਿਸੀਲ ਬੰਗਾ ਇਲਾਕੇ ਦੇ ਸਮਾਜ ਸੇਵੀ ਸ਼ਖਸੀਅਤ ਅਤੇ ਪਿੰਡ ਬਾਲੋ (ਨਵਾਂਸ਼ਹਿਰ) ਦੇ ਸਾ. ਪੰਚ ਸੂਰਤ ਸਿੰਘ ਧੰਜੂ (75) ਦਾ ਸੰਖੇਪ ਬਿਮਾਰੀ ਪਿੱਛੋਂ ਅਕਾਲ ਚਲਾਣਾ ਹੋ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੇ ਜਵਾਈ ਆੜ੍ਹਤੀਆ ਜਸਵੰਤ ਸਿੰਘ ਚਤਰੱਥ ਸਾ. ਮੈਂਬਰ ਮਾਰਕੀਟ ਕਮੇਟੀ ਲੋਹੀਆਂ ਅਤੇ ਪਿੰਡ ਪੰਡੋਰੀ (ਅਜਨਾਲਾ) ਦੇ ਸਾਬਕਾ ਸਰਪੰਚ ਪ੍ਰਗਟ ਸਿੰਘ ਨੱਢਾ ਨੇ ਦੱਸਿਆ ਕਿ ਪਿਤਾ ਜੀ ਸੂਰਤ ਸਿੰਘ ਦਾ ਅੰਤਿਮ ਸੰਸਕਾਰ ਉਨ੍ਹਾਂ ਪਿੰਡ ਬਾਲੋ ਵਿਖੇ ਕੀਤਾ ਜਾ ਰਿਹਾ ਹੈ | ਸਵ: ਸੂਰਤ ਸਿੰਘ ਧੰਜੂ ਦੇ ਸਪੁੱਤਰ ਤੇ ਪਿੰਡ ਬਾਲੋ ਦੇ ਸਮਾਜ ਸੇਵੀ ਨੌਜਵਾਨ ਮਨਦੀਪ ਸਿੰਘ ਧੰਜੂ, ਸਪੁੱਤਰੀਆਂ ਨਰਿੰਦਰ ਕੌਰ, ਰਾਜਵਿੰਦਰ ਕੌਰ ਅਤੇ ਸਮੂਹ ਧੰਜੂ ਪਰਿਵਾਰ ਨਾਲ ਵੱਖ-ਵੱਖ ਸ਼ਖਸੀਆਂ ਨੇ ਦੁੱਖ ਦਾ ਪ੍ਰਗਟ ਕੀਤਾ |
