ਜਲੰਧਰ, 21 ਨਵੰਬਰ (ਸ਼ਿਵ)-ਨਗਰ ਨਿਗਮ ਜਿੱਥੇ ਕਿ ਸ਼ਹਿਰ ਵਿਚ ਜਾਂ ਨਗਰ ਨਿਗਮ ਦੇ ਮੇਨ ਦਫਤਰ ਸਮਾਰਟ ਸਿਟੀ ਦੇ ਬੋਰਡ ਲਵਾ ਰਿਹਾ ਉੱਥੇ ਹੀ ਨਗਰ ਨਿਗਮ ਦੀਆਂ ਲਿਫ਼ਟਾਂ ਖ਼ਰਾਬ ਪਈਆਂ ਹਨ | ਲਿਫ਼ਟਾਂ ਖ਼ਰਾਬ ਹੋਣ ਕਰਕੇ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਅੱਜ ਨਗਰ ਨਿਗਮ ਦੇ ਦੂਜੀ ਮੰਜ਼ਿਲ 'ਤੇ ਕੁੱਝ ਲੋਕ ਬਾਲ-ਬਾਲ ਬੱਚ ਗਏ ਜਦੋਂ ਨਿਗਮ ਦੀ ਲਿਫ਼ਟ ਦੂਜੀ ਮੰਜ਼ਿਲ 'ਤੇ ਖੁੱਲ੍ਹ ਗਈ ਅਤੇ ਇਸ ਦੇ ਸਟੀਲ ਦੇ ਪੱਲੇ ਬਾਹਰ ਆ ਗਏ | ਉੱਥੋਂ ਉੱਪਰ ਜਾਣ ਵਾਲੀ ਮੰਜ਼ਿਲਾਂ ਵਿਚ ਲੋਕ ਖੜ੍ਹੇ ਸਨ | ਫਸੇ ਲੋਕਾਂ ਨੂੰ ਬਾਹਰ ਕੱਢਿਆ ਗਿਆ | ਇਸ ਘਟਨਾ ਨਾਲ ਲੋਕ ਕਾਫੀ ਡਿਗ ਗਏ | ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ ਨੇ ਕੁੱਝ ਸਮਾਂ ਪਹਿਲਾਂ ਖ਼ਰਾਬ ਲਿਫ਼ਟਾਂ ਬਾਰੇ ਅਫ਼ਸਰਾਂ ਨੂੰ ਹਦਾਇਤਾਂ ਦਿੱਤੀਆਂ ਸੀ ਪਰ ਅਜੇ ਤੱਕ ਇਨ੍ਹਾਂ ਦੀ ਮੁਰੰਮਤ ਦਾ ਕੰਮ ਨਹੀਂ ਕੀਤਾ ਗਿਆ | ਕੁੱਝ ਮਹੀਨੇ ਪਹਿਲਾਂ ਵੀ ਦੂਜੇ ਪਾਸੇ ਲਿਫ਼ਟ ਡਿਗ ਗਈ ਸੀ | ਲੋਕਾਂ ਦਾ ਕਹਿਣਾ ਸੀ ਕਿ ਜੇਕਰ ਲਿਫ਼ਟਾਂ ਨੂੰ ਠੀਕ ਨਾ ਕਰਵਾਇਆ ਗਿਆ ਤਾਂ ਕੋਈ ਹਾਦਸਾ ਹੋ ਸਕਦਾ ਹੈ |
