17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 25-09-2025

ਅਲੀ ਮੁਹੱਲਾ ਦੀ ਮਹਿਲਾ ਸਤਿਸੰਗ ਕਮੇਟੀ ਨੇ ਭਗਵਾਨ ਵਾਲਮੀਕਿ ਪ੍ਰਗਟ ਉਤਸਵ ਦੇ ਸੰਬੰਧ 'ਚ ਕੀਤਾ ਸਤਿਸੰਗ <br/>

ਸਤਿਸੰਗ ਵਿਚ ਪਹੁੰਚੇ ਵਿਪਨ ਸੱਭਰਵਾਲ ਅਤੇ ਮਹਿਲਾ ਸਤਿਸੰਗ ਕਮੇਟੀ ਦੀਆਂ ਮੈਂਬਰਾਂ | ਤਸਵੀਰ ਮੁਨੀਸ਼ <br/> 25-09-2025
ਜਲੰਧਰ, 24 ਸਤੰਬਰ (ਸ਼ੈਲੀ)-ਅਲੀ ਮੁਹੱਲਾ ਦੀ ਮਹਿਲਾ ਸਤਿਸੰਗ ਕਮੇਟੀ ਨੇ ਭਗਵਾਨ ਵਾਲਮੀਕਿ ਪ੍ਰਗਟ ਉਤਸਵ ਦੇ ਸਬੰਧ ਵਿੱਚ ਭਗਵਾਨ ਵਾਲਮੀਕਿ ਦਾ ਸਤਿਸੰਗ ਕਰਵਾਇਆ | ਇਸ ਮੌਕੇ ਭਗਵਾਨ ਵਾਲਮੀਕਿ ਉਤਸਵ ਕਮੇਟੀ ਦੇ ਪੰਜਾਬ ਪ੍ਰਧਾਨ ਅਤੇ ਵਾਲਮੀਕਿ ਵੈੱਲਫੇਅਰ ਟਰੱਸਟ, ਸ਼ਕਤੀ ਨਗਰ, ਜਲੰਧਰ ਦੇ ਚੇਅਰਮੈਨ ਵਿਪਨ ਸੱਭਰਵਾਲ ਆਪਣੇ ਸਾਥੀਆਂ ਨਾਲ ਮੁੱਖ ਮਹਿਮਾਨ ਵਜੋਂ ਪਹੁੰਚੇ | ਸਤਿਸੰਗ ਦੌਰਾਨ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ, ਵਿਪਨ ਸੱਭਰਵਾਲ ਨੇ ਮਹਿਲਾ ਸਤਿਸੰਗ ਕਮੇਟੀ ਦੇ ਸਾਰੇ ਮੈਂਬਰਾਂ ਨੂੰ ਪਵਿੱਤਰ ਵਾਲਮੀਕਿ ਪ੍ਰਗਟ ਦਿਵਸ ਦੀ ਯਾਦ ਵਿੱਚ ਕਰਵਾਏ ਜਾ ਰਹੇ ਸਮਾਗਮਾਂ ਵਿਚ ਆਪਣੇ ਪਰਿਵਾਰਾਂ ਸਮੇਤ ਸ਼ਾਮਿਲ ਹੋਣ ਦੀ ਬੇਨਤੀ ਕੀਤੀ | ਉਨ੍ਹਾਂ ਨੂੰ ਸਮਾਗਮਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 25 ਸਤੰਬਰ ਨੂੰ ਭਗਵਾਨ ਵਾਲਮੀਕਿ ਆਸ਼ਰਮ, ਸ਼ਕਤੀ ਨਗਰ ਵਿਖੇ ਸਵੇਰੇ 8 ਤੋਂ ਸਵੇਰੇ 10 ਵਜੇ ਤੱਕ ਹਵਨ ਹੋਵੇਗਾ | ਇਸ ਤੋਂ ਬਾਅਦ, ਸੰਗਤ ਲਈ ਲੰਗਰ ਦਾ ਪ੍ਰਬੰਧ ਕੀਤਾ ਜਾਵੇਗਾ | 27 ਸਤੰਬਰ ਨੂੰ, ਇੱਕ ਵਿਸ਼ਾਲ ਬੱਸ ਯਾਤਰਾ ਅਲੀ ਮੁਹੱਲਾ, ਜਲੰਧਰ ਵਿੱਚ ਪ੍ਰਾਚੀਨ ਭਗਵਾਨ ਵਾਲਮੀਕਿ ਮੰਦਿਰ ਤੋਂ ਸ਼ੁਰੂ ਹੋ ਕੇ ਪਵਿੱਤਰ ਵਾਲਮੀਕਿ ਤੀਰਥ ਸਥਾਨ ਅਮਿ੍ਤਸਕ 'ਤੇ ਪਹੁੰਚੇਗੀ | 6 ਅਕਤੂਬਰ ਨੂੰ, ਦੁਪਹਿਰ 2 ਵਜੇ ਜਲੰਧਰ ਦੇ ਅਲੀ ਮੁਹੱਲਾ ਵਿੱਚ ਪ੍ਰਾਚੀਨ ਭਗਵਾਨ ਵਾਲਮੀਕਿ ਮੰਦਿਰ ਤੋਂ ਸੰਤ ਸਮਾਜ ਦੀ ਅਗਵਾਈ ਵਿੱਚ ਇੱਕ ਵਿਸ਼ਾਲ ਸ਼ੋਭਾ ਯਾਤਰਾ ਕਢੀ ਜਾਵੇਗੀ | 7 ਅਕਤੂਬਰ ਨੂੰ, ਭਗਵਾਨ ਵਾਲਮੀਕਿ ਆਸ਼ਰਮ, ਸ਼ਕਤੀ ਨਗਰ ਵਿੱਚ ਰਾਤ 8 ਵਜੇ ਦੀਪਮਾਲਾ ਅਤੇ ਪਵਿੱਤਰ ਵਾਲਮੀਕਿ ਪ੍ਰਗਟ ਦਿਵਸ ਮਨਾਉਣ ਲਈ ਇੱਕ ਸਮਾਰੋਹ ਹੋਵੇਗਾ | ਇਸ ਸਮਾਗਮ ਵਿੱਚ ਉਤਸਵ ਕਮੇਟੀ ਦੇ ਸਮਾਗਮਾਂ ਵਿੱਚ ਹਿੱਸਾ ਲੈਣ ਵਾਲੀਆਂ ਸੰਸਥਾਵਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ | ਇਸ ਮੌਕੇ ਜਤਿੰਦਰ ਨਿੱਕਾ, ਰਾਜੀਵ ਗੋਰਾ, ਚੇਤਨ ਹਾਂਡਾ, ਗੁਲਜ਼ਾਰ ਖੋਸਲਾ, ਸੀਤਾ ਸੱਭਰਵਾਲ, ਪ੍ਰਵੀਨ ਗਿੱਲ, ਉਰਮਿਲਾ, ਰੀਨਾ ਨਾਹਰ, ਭੋਲੀ, ਮੀਨਾਕਸ਼ੀ ਨਾਹਰ, ਸ਼ੋਭਾ ਗਿੱਲ, ਸ਼ਾਰਦਾ, ਨੀਨੂ ਸੱਭਰਵਾਲ, ਮਨਜੀਤ ਗਿੱਲ, ਏਕਤਾ ਨਾਹਰ, ਸੰਧਿਆ ਗਿੱਲ, ਸ਼ੋਭਾ ਕਲਿਆਣ, ਆਨੰਦ ਬੈਂਸ, ਰਮਨ ਗਿੱਲ, ਚੇਤਨ ਨਾਹਰ, ਆਦਿ ਨੇ ਸਮਾਗਮ ਵਿੱਚ ਸ਼ਿਰਕਤ ਕੀਤੀ |

ਪਿਛਲੀ ਖ਼ਬਰ 1.40 ਕਰੋੜ ਦੀ ਲਾਗਤ ਨਾਲ ਤਿਆਰ ਆਦਮਪੁਰ-ਭੋਗਪੁਰ ਰੋਡ ਤੋਂ ਪਿੰਡ ਦੂਹੜੇ ਦੀ ਸੜਕ ਦਾ ਪਵਨ ਟੀਨੂੰ ਨੇ ਕੀਤਾ ਉਦਘਾਟਨ <br... ਅਗਲੀ ਖ਼ਬਰ ਮਹਾਰਾਜਾ ਅਗਰਸੇਨ ਜੈਅੰਤੀ ਉਤਸ਼ਾਹ ਨਾਲ ਮਨਾਈ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।