ਗੂਹਲਾ ਚੀਕਾ, 7 ਦਸੰਬਰ (ਓ.ਪੀ. ਸੈਣੀ)-ਹਰਿਆਣਾ ਦੇ ਡੀ.ਜੀ.ਪੀ. ਓ.ਪੀ. ਸਿੰਘ ਦੇ ਨਿਰਦੇਸ਼ਾਂ ਅਤੇ ਪੁਲਿਸ ਸੁਪਰਡੈਂਟ ਉਪਾਸਨਾ ਦੀ ਯੋਗ ਅਗਵਾਈ ਹੇਠ ਚੀਕਾ ਪੁਲਿਸ ਸਟੇਸ਼ਨ ਨੇ ਅਪਰੇਸ਼ਨ ਹੌਟਸਪੌਟ ਡੋਮੀਨੇਸ਼ਨ ਅਧੀਨ ਜੂਆ, ਸੱਟਾ, ਨਸ਼ੀਲੇ ਪਦਾਰਥਾਂ ਦੀ ਦੁਰਵਰਤੋਂ ਅਤੇ ਗੈਰ-ਕਾਨੂੰਨੀ ਗਤੀਵਿਧੀਆਂ 'ਤੇ ਫ਼ੈਸਲਾਕੁਨ ਹਮਲਾ ਸ਼ੁਰੂ ਕੀਤਾ | ਇਕ ਪੁਲਿਸ ਬੁਲਾਰੇ ਨੇ ਦੱਸਿਆ ਕਿ ਐਸ.ਆਈ. ਅਨਿਲ ਕੁਮਾਰ ਦੀ ਟੀਮ ਭਾਗਲ ਦੇ ਭੂਸਲਾ ਰੋਡ 'ਤੇ ਗਸ਼ਤ ਕਰ ਰਹੀ ਸੀ | ਪੁਲਿਸ ਨੂੰ ਸੂਤਰਾਂ ਤੋਂ ਸੂਚਨਾ ਮਿਲੀ ਕਿ ਭਾਗਲ ਦਾ ਰਹਿਣ ਵਾਲਾ ਸੁਨੀਲ ਉਰਫ਼ ਸੋਨੂੰ, ਜੋ ਲੰਬੇ ਸਮੇਂ ਤੋਂ ਸੁਲਫੇ ਦੇ ਵਪਾਰ ਵਿਚ ਸ਼ਾਮਲ ਹੈ, ਕਿਸੇ ਨੂੰ ਨਸ਼ੀਲੇ ਪਦਾਰਥ ਵੇਚਣ ਲਈ ਭਾਗਲ ਦੀ ਅਨਾਜ ਮੰਡੀ ਜਾ ਰਿਹਾ ਸੀ | ਉਸ ਨੰੂ ਛਾਪੇਮਾਰੀ ਕਰਕੇ ਗਿ੍ਫ਼ਤਾਰ ਕੀਤਾ ਜਾ ਸਕਦਾ ਹੈ | ਕਿਉਂਕਿ ਜਾਣਕਾਰੀ ਭਰੋਸੇਯੋਗ ਸੀ, ਪੁਲਿਸ ਟੀਮ ਨੇ ਇਕ ਛਾਪੇਮਾਰੀ ਪਾਰਟੀ ਬਣਾਈ ਅਤੇ ਉਪਰੋਕਤ ਸ਼ੱਕੀ ਸੁਨੀਲ ਨੂੰ ਅਨਾਜ ਮੰਡੀ ਭਾਗਲ ਦੇ ਨੇੜੇ ਤੋਂ ਗਿ੍ਫ਼ਤਾਰ ਕੀਤਾ | ਸੂਚਨਾ ਮਿਲਣ ਤੋਂ ਬਾਅਦ ਬੀਡੀਪੀਓ ਗੂਹਲਾ ਜਗਜੀਤ ਮੌਕੇ 'ਤੇ ਪਹੁੰਚੇ ਅਤੇ ਨਿਯਮਾਂ ਅਨੁਸਾਰ ਕੀਤੀ ਗਈ ਤਲਾਸ਼ੀ ਦੌਰਾਨ ਮੁਲਜ਼ਮ ਦੇ ਕਬਜ਼ੇ 'ਚੋਂ ਦੋ ਡੱਬਿਆਂ ਵਿਚੋਂ 31 ਗ੍ਰਾਮ ਚਰਸ ਅਤੇ 37.43 ਗ੍ਰਾਮ ਭੰਗ ਦੇ ਫੁੱਲਾਂ ਦੇ ਪੱਤੇ ਬਰਾਮਦ ਕੀਤੇ ਗਏ | ਮੁਲਜ਼ਮ ਵਿਰੁੱਧ ਚੀਕਾ ਥਾਣੇ 'ਚ ਕੇਸ ਦਰਜ ਕੀਤਾ ਗਿਆ ਸੀ ਅਤੇ ਮੌਕੇ 'ਤੇ ਪਹੁੰਚੇ ਭਾਗਲ ਪੁਲਿਸ ਚੌਕੀ ਦੇ ਇੰਚਾਰਜ ਏ. ਐਸ. ਆਈ. ਰਘੁਬੀਰ ਸਿੰਘ ਨੇ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕਰ ਲਿਆ ਸੀ | ਮੁਲਜ਼ਮ ਨੂੰ ਐਤਵਾਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ ਅਤੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ |
