ਰਾੜਾ ਸਾਹਿਬ, 6 ਦਸੰਬਰ (ਸੁਖਵੀਰ ਸਿੰਘ ਚਣਕੋਈਆਂ)- ਪੰਚਾਇਤ ਸੰਮਤੀ ਜੋਨ ਕਟਾਹਰੀ ਤੋਂ ਉਮੀਦਵਾਰ ਸਰਬਜੀਤ ਕੌਰ ਸੁਪਤਨੀ ਰਾਮਦਿਆਲ ਸਿੰਘ (ਹਰੀ ਕਟਾਹਰੀ) ਦੇ ਹੱਕ 'ਚ ਸਰਪੰਚ ਮਨਦੀਪ ਸਿੰਘ ਪੰਨੂੰ ਕਟਾਹਰੀ, ਸਰਪੰਚ ਹਰਵਿੰਦਰ ਸਿੰਘ ਝੱਜ ਘਣਗਸ ਅਤੇ ਸਰਪੰਚ ਦਵਿੰਦਰ ਸਿੰਘ ਗਰਚਾ ਪਿੰਡ ਰਾੜਾ ਵੱਲੋਂ ਸਮਰਥਕਾਂ ਨਾਲ ਘਰ-ਘਰ ਚੋਣ ਪ੍ਰਚਾਰ ਕੀਤਾ ਗਿਆ ਅਤੇ ਵੋਟਾਂ ਮੰਗੀਆਂ ਗਈਆਂ | ਇਸ ਸਮੇਂ ਸਰਪੰਚ ਪੰਨੂੰ, ਸਰਪੰਚ ਝੱਜ, ਸਰਪੰਚ ਗਰਚਾ ਅਤੇ ਉਮੀਦਵਾਰ ਸਰਬਜੀਤ ਕੌਰ ਦੇ ਪਤੀ ਰਾਮਦਿਆਲ ਸਿੰਘ ਹਰੀ ਨੇ ਪਿੰਡ ਘਣਗਸ ਵਾਸੀਆਂ ਨੂੰ ਅਪੀਲ ਕੀਤੀ ਕਿ 14 ਦਸੰਬਰ 2025 ਨੂੰ ਸਰਬਜੀਤ ਕੌਰ ਦੇ ਹੱਕ 'ਚ ਵੋਟਾਂ ਪਾਈਆਂ ਜਾਣ ਤਾਂ ਜੋ ਪਿੰਡਾਂ ਦਾ ਸਰਬਪੱਖੀ ਵਿਕਾਸ ਕਰਵਾਇਆ ਜਾ ਸਕੇ | ਇਸ ਮੌਕੇ ਰਾਮੇਸ ਕੁਮਾਰ ਬਿੱਲੂ ਸਾਬਕਾ ਸਰਪੰਚ ਪਿੰਡ ਘਣਗਸ, ਬੇਅੰਤ ਸਿੰਘ ਸਾਬਕਾ ਸਰਪੰਚ, ਪੱਪੂ ਕਟਾਹਰੀ ਸਾਬਕਾ ਸਰਪੰਚ, ਗੁਰਮੁਖ ਸਿੰਘ ਅਕਾਲੀ ਦਲ ਆਗੂ, ਮਨਦੀਪ ਸਿੰਘ ਪੰਚ, ਹਰਕੀਰਤ ਸਿੰਘ ਪੰਚ, ਜਗਰੂਪ ਸਿੰਘ ਪੰਚ, ਬੋਬੀ ਗਰੇਵਾਲ, ਕਮਿੱਕਰ ਸਿੰਘ, ਮਨਪ੍ਰੀਤ ਸਿੰਘ ਲਾਡੀ, ਬਹਾਦਰ ਸਿੰਘ, ਰਛਪਾਲ ਸਿੰਘ, ਹਰਜਿੰਧਰ ਸਿੰਘ ਬਿੱਲੂ ਵੀਰ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਸਨ |
