ਮੋਗਾ, 20 ਨਵੰਬਰ (ਸੁਰਿੰਦਰਪਾਲ ਸਿੰਘ)-ਗੋਪਾਲ ਗਊਸ਼ਾਲਾ ਗਾਂਧੀ ਰੋਡ ਮੋਗਾ ਵਿਖੇ ਬਣ ਰਹੇ ਕਮਿਊਨਿਟੀ ਹਾਲ ਦਾ ਕੰਮ ਜ਼ੋਰਾਂ 'ਤੇ ਚੱਲ ਰਿਹਾ ਹੈ | ਉਮੀਦ ਹੈ ਕਿ ਇਹ ਹਾਲ 2026 ਦੇ ਸ਼ੁਰੂ ਵਿਚ ਪੂਰਾ ਹੋ ਜਾਵੇਗਾ | ਇਸ ਦੇ ਨਾਲ ਹੀ ਗਊਸ਼ਾਲਾ ਵਿਖੇ ਸਟਾਫ਼ ਕੁਆਟਰ ਬਣਾਏ ਗਏ ਹਨ ਤੇ ਗਊ ਮਾਤਾ ਦੀ ਪਰਿਕਰਮਾ ਦਾ ਸੁੰਦਰੀਕਰਨ ਹੋ ਰਿਹਾ ਹੈ ਤਾਂ ਜੋ ਗਊ ਭਗਤ ਗਊਆਂ ਦੀ ਸੇਵਾ ਦੇ ਨਾਲ-ਨਾਲ ਗਊਆਂ ਦੀ ਪਰਿਕਰਮਾ ਵੀ ਕਰ ਸਕਣ | ਇਹ ਪ੍ਰੋਜੈਕਟ ਵੀ ਲਗਭਗ ਪੂਰਾ ਹੋ ਰਿਹਾ ਹੈ ਤੇ ਬਹੁਤ ਸੁੰਦਰ ਪਰਿਕਰਮਾ ਬਣ ਜਾਵੇਗੀ ਕਿਉਂਕਿ ਗਊ ਮਾਤਾ ਦੀ ਪਰਿਕਰਮਾ ਕਰਨ ਨਾਲ ਸਾਨੂੰ ਸੁੱਖ ਸ਼ਾਂਤੀ ਤੇ ਅਨੰਦ ਮਿਲਦਾ ਹੈ | ਇਹ ਜਾਣਕਾਰੀ ਗਊਸ਼ਾਲਾ ਦੇ ਪ੍ਰਧਾਨ ਰਵਿੰਦਰ ਗੋਇਲ ਨੇ ਦਿੱਤੀ | ਉਨ੍ਹਾਂ ਨਾਲ ਐਸ.ਕੇ. ਬਾਂਸਲ ਤੇ ਮਨੀਸ਼ ਸਿੰਗਲਾ ਵੀ ਹਾਜ਼ਰ ਸਨ |
