ਮਲੋਟ, 18 ਅਕਤੂਬਰ (ਅਜਮੇਰ ਸਿੰਘ ਬਰਾੜ)-ਪਿਛਲੇ ਦਿਨੀਂ ਏ.ਡੀ.ਸੀ. ਮੁਕਤਸਰ ਸਾਹਿਬ ਦੀ ਪ੍ਰਧਾਨਗੀ 'ਚ ਮੀਟਿੰਗ 'ਚ ਦੱਸਿਆ ਗਿਆ ਕਿ ਬੁਰਜ ਸਿੱਧਵਾਂ 'ਚ ਪੇਡਾ ਦੇ 120 ਸੋਲਰ ਪੰਪ ਤੇ ਘਰਾਂ 'ਚ ਹੋਰ ਵੀ ਆਨ ਗਿ੍ਡ ਸਿਸਟਮ ਲੱਗੇ ਹਨ | ਜਿਸ ਕਰਕੇ ਇਹ ਪਿੰਡ ਸਾਰੇ ਜ਼ਿਲੇ੍ਹ 'ਚ ਮੋਹਰੀ ਰਿਹਾ ਹੈ | ਜਿਸ ਕਰਕੇ ਕੇਂਦਰ ਸਰਕਾਰ ਇਕ ਕਰੋੜ ਰੁਪਏ ਦੇ ਪਿੰਡ 'ਚ ਸੋਲਰ ਸਟਰੀਟ ਲਾਈਟਾਂ, ਲਾਇਬ੍ਰੇਰੀ, ਸਕੂਲਾਂ, ਸੁਸਾਇਟੀ, ਗੁਰਦੁਆਰਾ ਸਾਹਿਬ ਤੇ ਹੋਰ ਸਾਂਝੀਆਂ ਜਗ੍ਹਾ 'ਤੇ ਆਨ ਗਿ੍ਡ ਸਿਸਟਮ ਲਗਾ ਕੇ ਦੇਵੇਗੀ | ਪਿੰਡ ਦੇ ਸਰਪੰਚ ਰਣਜੀਤ ਸਿੰਘ ਜੋਸ਼ਨ ਨੇ ਦੱਸਿਆ ਕਿ ਇਸ ਕੰਮ ਦਾ ਸਾਰਾ ਸਿਹਰਾ ਪਿੰਡ ਦੇ ਅਗਾਂਹਵਧੂ ਸੋਚ ਦੇ ਮਾਲਕ ਸਰਬਜੋਤ ਸਿੰਘ ਸਿੱਧੂ ਦੇ ਸਿਰ ਜਾਂਦਾ ਹੈ | ਜਦੋਂ 'ਪੇਡਾ' ਸੋਲਰ ਕੁਨੈਕਸ਼ਨ ਕੱਢਦੀ ਸੀ ਤੇ ਸਰਬਜੋਤ ਸਿੰਘ ਸਿੱਧੂ ਕਿਸਾਨਾਂ ਨੂੰ ਜਾਣਕਾਰੀ ਦਿੰਦਾਂ ਤੇ ਕੁਨੈਕਸ਼ਨ ਕਿਸਾਨਾਂ ਲਈ ਆਨ ਲਾਈਨ ਅਪਲਾਈ ਕਰਵਾਉਂਦੇ ਸਨ | ਜਿਸ ਕਰਕੇ ਪਿੰਡ ਨੇ ਇਕ ਕਰੋੜ ਰੁਪਏ ਦੇ ਸੋਲਰ ਪ੍ਰੋਜੈਕਟ ਦਾ ਇਨਾਮ ਪਿੰਡ ਦੀ ਝੋਲੀ 'ਚ ਪਾਇਆ ਹੈ | ਇਸ ਪ੍ਰਾਪਤੀ ਲਈ ਪਿੰਡ ਤੇ ਇਲਾਕੇ 'ਚ ਰਣਜੀਤ ਸਿੰਘ ਸਰਪੰਚ ਦੀ ਪ੍ਰਸੰਸਾ ਹੋ ਰਹੀ ਹੈ |
