ਪ੍ਰਭੂ ਯਿਸੂ ਮਸੀਹ ਦਾ ਜਨਮ ਦਿਨ ਉਤਸ਼ਾਹ ਨਾਲ ਮਨਾਇਆ

ਗੱਗੋਮਾਹਲ/ਰਮਦਾਸ, 25 ਦਸੰਬਰ (ਬਲਵਿੰਦਰ ਸਿੰਘ ਸੰਧੂ, ਜਸਵੰਤ ਸਿੰਘ ਵਾਹਲਾ)- ਪ੍ਰਭੂ ਯਿਸੂ ਮਸੀਹ ਦਾ ਜਨਮ ਦਿਨ ਇਸਾਈ ਭਾਈਚਾਰੇ ਵੱਲੋ ਸਰਹੱਦੀ ਖੇਤਰ ਵਿਚ ਬੜੀ ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਹੈ | ਇਸ ਦੌਰਾਨ ਗਿਰਜਾ ਘਰਾਂ ਨੂੰ ਰੌਸ਼ਨੀਆਂ ਨਾਲ ਸਜਾਇਆ ਗਿਆ ਤੇ ਰਾਤ ਭਰ ਗਿਰਜਾਘਰਾਂ 'ਚ ਪ੍ਰਾਰਥਨਾ ਦਾ ਦੌਰ ਜਾਰੀ ਰਿਹਾ | ਸਵੇਰ ਸਮੇਂ ਵੀ ਗਿਰਜਾਘਰਾਂ ਅੰਦਰ ਮਸੀਹ ਭਜਨ ਗਾਏ ਜਾ ਰਹੇ ਹਨ | ਮਸੀਹ ਭਾਈਚਾਰੇ ਵਲੋਂ ਵੱਖ-ਵੱਖ ਪਿੰਡਾਂ ਅੰਦਰ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਨ ਦੀ ਖੁਸ਼ੀ 'ਚ ਵੱਖ-ਵੱਖ ਪਕਵਾਨਾਂ ਦੇ ਲੰਗਰ ਲਗਾਏ ਗਏ ਤੇ ਖੁਸ਼ੀ ਦਾ ਇਜ਼ਹਾਰ ਕੀਤਾ ਜਾ ਰਿਹਾ ਹੈ | ਇਸ ਮੌਕੇ ਸਾਬਕਾ ਸਰਪੰਚ ਰੁਪਿੰਦਰ ਸਿੰਘ ਵਾਹਲਾ, ਸਾਬਕਾ ਸਰਪੰਚ ਰਣਜੀਤ ਸਿੰਘ, ਸਰਪੰਚ ਸ਼ੇਰ ਸਿੰਘ, ਡਾਇਰੈਕਟਰ ਕੰਵਲਜੀਤ ਸਿੰਘ ਗਿੱਲ, ਸ਼ਹਿਰੀ ਪ੍ਰਧਾਨ ਹਰਪਾਲ ਸਿੰਘ ਸਿੰਧੀ, ਸਰਪੰਚ ਅੰਮਿ੍ਤਪਾਲ ਸਿੰਘ ਪੰਡੋਰੀ, ਸਰਪੰਚ ਬਲਜੀਤ ਸਿੰਘ, ਸਾਬਕਾ ਸਰਪੰਚ ਕਾਬਲ ਸਿੰਘ ਪਸ਼ੀਆ, ਪ੍ਰਗਟ ਸਿੰਘ ਆੜ੍ਹਤੀ, ਸਰਪੰਚ ਡਿੰਪਲ ਬਗਵਾਨਪੁਰਾ, ਦਲਜੀਤ ਬਗਵਾਨਪੁਰਾ, ਬੱਬਲੂ ਮਸੀਹ, ਦਾਨੀਅਲ ਮਸੀਹ, ਲਾਡੀ ਮਸੀਹ, ਮੱਤੀ ਮਸੀਹ, ਅਸ਼ੋਕ ਮਸੀਹ, ਸੋਨੀ ਮਸੀਹ, ਕੁਲਵੰਤ ਮਸੀਹ, ਜੱਜ ਮਸੀਹ, ਲਵਲੀ ਮਸੀਹ, ਅਵਤਾਰ ਮਸੀਹ, ਹਾਵਲ ਮਸੀਹ, ਹੈਪੀ ਮਸੀਹ ਆਦਿ ਹਾਜ਼ਰ ਸਨ |