ਬਾਬਾ ਬਕਾਲਾ ਸਾਹਿਬ, 7 ਦਸੰਬਰ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਪੰਜਾਬ ਵਿਚ 14 ਦਸੰਬਰ ਨੂੰ ਹੋਣ ਵਾਲੀਆਂ ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਨੂੰ ਲੈ ਕੇ ਬਲਾਕ ਸੰਮਤੀ ਬਲਾਕ ਰਈਆ ਨਾਲ ਸੰਬੰਧਿਤ 25 ਜ਼ੋਨਾਂ ਲਈ, ਜਿਨ੍ਹਾਂ ਵਿਚ ਵੱਖ-ਵੱਖ ਪਾਰਟੀਆਂ ਵਲੋਂ ਬੀਤੇ ਦਿਨ ਕੁਲ 129 ਨਾਮਜ਼ਦਗੀ ਪੱਤਰ ਦਾਖਲ ਕਰਵਾਏ ਗਏ ਸਨ, ਜਿਨ੍ਹਾਂ ਵਿਚ 25 ਜ਼ੋਨਾਂ ਵਿਚੋਂ 6 ਜ਼ੋਨਾਂ ਵਿਚ ਆਪ ਦੇ 5 ਉਮੀਦਵਾਰ ਅਤੇ ਕਾਂਗਰਸ ਦਾ ਇਕ ਉਮੀਦਵਾਰ ਬਿਨਾਂ ਮੁਕਾਬਲੇ ਜੇਤੂ ਰਹੇ ਹਨ | ਬਲਾਕ ਸੰਮਤੀ ਜ਼ੋਨ-3 ਵਡਾਲਾ ਕਲਾਂ ਤੋਂ ਪਰਮਜੀਤ ਕੌਰ ਪਤਨੀ ਨਰਿੰਦਰ ਸਿੰਘ, ਜ਼ੋਨ ਨੰ:-4 ਬੇਦਾਦਪੁਰ ਤੋਂ ਸਰਵਣ ਸਿੰਘ ਬਲਸਰਾਏ ਬਲਾਕ ਪ੍ਰਧਾਨ, ਜ਼ੋਨ-18 ਟੌਂਗ ਤੋਂ ਜੋਗਬੀਰ ਸਿੰਘ ਟੌਂਗ, ਜ਼ੋਨ-19 ਭਿੰਡਰ ਤੋਂ ਬੀਬੀ ਪਰਮਜੀਤ ਕੌਰ ਪਤਨੀ ਕੁਲਬੀਰ ਸਿੰਘ ਅਤੇ ਜ਼ੋਨ-25 ਲੋਹਗੜ੍ਹ ਤੋਂ ਬੀਬਾ ਮਨਜੀਤ ਕੌਰ ਪਤਨੀ ਦੀਦਾਰ ਸਿੰਘ (ਸਾਰੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ) ਅਤੇ ਜ਼ੋਨ ਨੰ:-10 ਜੋਧੇ ਤੋਂ ਸ: ਬਲਕਾਰ ਸਿੰਘ ਬੱਲ (ਕਾਂਗਰਸ ਪਾਰਟੀ) ਦੇ ਉਮੀਦਵਾਰ ਬਿਨਾਂ ਮੁਕਾਬਲੇ ਤੋਂ ਜੇਤੂ ਰਹੇ ਹਨ |
