ਰਈਆ, 19 ਜੁਲਾਈ (ਸ਼ਰਨਬੀਰ ਸਿੰਘ ਕੰਗ)-ਸਵੱਛਤਾ ਸਰਵੇਖਣ 2024-25 ਦੇ ਨਤੀਜਿਆਂ ਵਿਚ ਇਸ ਵਾਰ ਅੰਮਿ੍ਤਸਰ ਜ਼ਿਲ੍ਹੇ ਦੀ ਨਗਰ ਪੰਚਾਇਤ ਰਈਆ ਸੂਬੇ ਵਿਚੋਂ 27ਵਾਂ ਅਤੇ ਨੈਸ਼ਨਲ ਰੈਂਕਿੰਗ ਵਿਚੋਂ 470ਵਾਂ ਪ੍ਰਾਪਤ ਕੀਤਾ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਸੈਨੀਟੇਸ਼ਨ ਇੰਚਾਰਜ ਰਈਆ ਬੱਚਿਤਰ ਸਿੰਘ ਨੇ ਦੱਸਿਆ ਕਿ ਨਗਰ ਪੰਚਾਇਤ ਰਈਆ ਨੇ ਇਸ ਵਾਰ 21 ਤੋਂ ਵੱਧ ਰੈਂਕਿੰਗ ਦੀ ਛਲਾਂਗ ਲਗਾ ਕੇ ਸੂਬੇ ਵਿਚੋਂ 27ਵੇਂ ਸਥਾਨ 'ਤੇ ਆਉਣ ਨਾਲ ਸੰਬੰਧਿਤ ਸਮੂਹ ਅਧਿਕਾਰੀਆਂ, ਕਰਮਚਾਰੀਆਂ ਨੂੰ ਜਿੱਥੇ ਉਨ੍ਹਾਂ ਵਲੋਂ ਕੀਤੀ ਜਾ ਰਹੀ ਮਿਹਨਤ ਸਦਕਾ ਇਹ ਮੁਕਾਮ ਮਿਲਣ ਦੀ ਖ਼ੁਸ਼ੀ ਹੈ ਉੱਥੇ ਹੀ ਅੱਗੇ ਵਾਸਤੇ ਹੋਰ ਮਿਹਨਤ ਕਰਕੇ ਰੈਂਕਿੰਗ ਨੂੰ ਹੋਰ ਬਿਹਤਰ ਕਰਨ ਦਾ ਜਨੂੰਨ ਵੀ ਹੈ | ਇਸ ਮੌਕੇ ਕਾਰਜ ਸਾਧਕ ਅਫਸਰ ਰਈਆ ਅਤੇ ਨਗਰ ਪੰਚਾਇਤ ਦੇ ਪ੍ਰਧਾਨ ਰੋਬਨ ਮਾਨ ਨੇ ਸਾਰੇ ਹੀ ਅਧਿਕਾਰੀਆਂ ਨੂੰ ਵਧਾਈ ਦਿੱਤੀ ਤੇ ਕਿਹਾ ਕਿ ਬੜੇ ਮਾਣ ਵਾਲੀ ਗੱਲ ਹੈ ਕਿ ਸਾਡੀ ਨਗਰ ਪੰਚਾਇਤ ਰਈਆ ਸੂਬੇ ਵਿਚੋਂ 27ਵੇਂ ਸਥਾਨ 'ਤੇ ਆਈ ਹੈ | ਇਸ ਮੌਕੇ ਸੈਨੇਟਰੀ ਇੰਸਪੈਕਟਰ ਸੰਦੀਪ ਸਿੰਘ ਭਲਾਈਪੁਰ, ਸੁਖਬੀਰ ਸਿੰਘ ਜਨਰਲ ਇੰਸਪੈਕਟਰ, ਬਲਵਿੰਦਰ ਸਿੰਘ ਬਿੱਲਾ, ਜਤਿੰਦਰ ਸਿੰਘ, ਮਨਦੀਪ ਸਿੰਘ, ਦਰਸ਼ਨ ਕੁਮਾਰ ਕੁਲਵਿੰਦਰ ਕੌਰ, ਰਜੀਵ ਸ਼ਰਮਾ, ਧਰਮਿੰਦਰ ਸਿੰਘ ਟਪਿਆਲਾ, ਭੁਪਿੰਦਰ ਸਿੰਘ ਆਦਿ ਹਾਜ਼ਰ ਸਨ |
