ਏਸ਼ੀਅਨ ਟੈਨਿਸ ਵਿਚ ਦੇਸ਼ ਲਈ ਦੋ ਟਾਈਟਲ ਜਿੱਤਣ ਵਾਲੇ ਮਹੀਜਿੱਤ ਸਿੰਘ ਕੌੜਾ ਦਾ ਚੰਡੀਗੜ੍ਹ ਪ੍ਰੈੱਸ ਕਲੱਬ 'ਚ ਭਰਵਾਂ ਸਵਾਗਤ <br/>
ਚੰਡੀਗੜ੍ਹ ਪ੍ਰੈੱਸ ਕਲੱਬ ਵਿਖੇ ਏਸ਼ੀਅਨ ਟੈਨਿਸ ਜੇਤੂ ਖਿਡਾਰੀ ਮਹੀਜਿੱਤ ਸਿੰਘ ਕੌੜਾ ਦੇ ਮਾਨ-ਸਨਮਾਨ ਸਮਾਰੋਹ ਦੌਰਾਨ ਚੇਅਰਪਰਸਨ ਸ਼ਿਲੰਦਰ ਕੌਰ ਚੰਦੀ, ਸੰਦੀਪ ਸਿੰਘ ਕੌੜਾ, ਮਨਜੀਤ ਸਿੰਘ ਕੰਬੋਜ,ਪਰਵਿੰਦਰ ਕੌਰ ਤੇ ਇੰਦਰਜੀਤ ਸਿੰਘ ਨੱਢਾ ਆਦਿ | ਤਸਵੀਰ : ਕਮਲਜੀਤ ਸਿੰਘ
<br/>
19-10-2025
ਫਾਈਨਲ ਮੁਕਾਬਲਾ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ ਫਾਈਨਲ ਮੈਚ ਕੁਇੰਡਨ ਰਿਗਜੈ ਡਰਜੀ ਨਾਲ ਇਕ ਰੋਚਕ ਮੁਕਾਬਲਾ ਸੀ | ਭਾਰਤ ਨੇ ਇਹ ਮੈਚ 06-01, 06-00 ਅੰਕਾਂ ਨਾਲ ਜਿੱਤਿਆ | ਇਸੇ ਤਰ੍ਹਾਂ ਮਹੀਜਿੱਤ ਸਿੰਘ ਕੌੜਾ ਸਿੰਗਲ ਅਤੇ ਡਬਲ ਮੈਚਾਂ, ਦੋਵਾਂ ਵਿਚ ਚੈਂਪੀਅਨ ਰਹੇ | ਉਨ੍ਹਾਂ ਦੱਸਿਆ ਕਿ ਵਿਸ਼ੇਸ਼ ਜਿੱਤ 'ਚ ਫਾਈਨਲ ਮੁਕਾਬਲਾ ਭੁਟਾਨ ਦੇ ਖਿਡਾਰੀ ਨਾਲ ਸੀ, ਜਿੱਥੇ ਦਰਸ਼ਕ ਆਪਣੇ ਖਿਡਾਰੀ ਦਾ ਮਨੋਬਲ ਵਧਾਉਣ ਲਈ ਮੌਜੂਦ ਸਨ, ਪਰ ਇਸ ਸਥਿਤੀ ਵਿਚ ਵੀ ਜਿੱਤ ਦਰਜ ਕਰਨਾ ਵਿਸ਼ੇਸ਼ ਮਹੱਤਤਾ ਰੱਖਦਾ ਹੈ | ਮਹੀਜਿੱਤ ਸਿੰਘ ਕੌੜਾ ਦੀਆਂ ਜਿੱਤਾਂ ਦੀ ਗੱਲ ਕਰਦਿਆਂ ਭੁਟਾਨ ਟੈਨਿਸ ਫੈਡਰੇਸ਼ਨ ਨੇ ਆਪਣੀ ਵੈੱਬਸਾਈਟ 'ਤੇ ਖ਼ਾਸ ਤੌਰ 'ਤੇ ਲਿਖਿਆ ਹੈ ਕਿ ਮਾਸਟਰ ਸਟਰੋਕ ਕਾਰਨ ਇਸ ਨੌਜਵਾਨ ਨੇ ਜਿੱਤ ਪ੍ਰਾਪਤ ਕੀਤੀ ਹੈ | ਜਿੱਤ ਤੋਂ ਬਾਅਦ ਮਹੀਜਿੱਤ ਸਿੰਘ ਕੌੜਾ ਨੇ ਆਪਣੇ ਅਗਲੇ ਟੀਚੇ ਬਾਰੇ ਦੱਸਦਿਆਂ ਕਿਹਾ ਕਿ 19 ਸਾਲ ਦੀ ਉਮਰ ਵਿਚ ਅਲਕਰਾਜ ਕਾਰਲੋਸ ਨੇ ਵਿਸ਼ਵ ਭਰ ਵਿਚ ਨਵਾਂ ਰਿਕਾਰਡ ਬਣਾਇਆ ਸੀ ਅਤੇ ਉਸ ਦਾ ਟੀਚਾ ਹੈ ਕਿ ਉਹ ਇਸ ਰਿਕਾਰਡ ਨੂੰ ਜਲਦੀ ਹੀ ਤੋੜੇਗਾ | ਇਸੇ ਦੌਰਾਨ ਇਸ ਖਿਡਾਰੀ ਨੂੰ ਕੰਬੋਜ ਫੈਡਰੇਸ਼ਨ ਦੇ ਨਾਲ ਸ਼ਹੀਦ ਊਧਮ ਸਿੰਘ ਮੈਮੋਰੀਅਲ ਭਵਨ ਸੁਸਾਇਟੀ ਚੰਡੀਗੜ੍ਹ ਦੀ ਚੇਅਰਪਰਸਨ ਸ਼ਿਲੰਦਰ ਕੌਰ ਚੰਦੀ, ਮਨਜੀਤ ਸਿੰਘ ਕੰਬੋਜ, ਬਲਵਿੰਦਰ ਸਿੰਘ ਜੰਮੂ ਆਦਿ ਵਲੋਂ ਵੀ ਮਾਣ-ਸਨਮਾਨਾਂ ਦੇ ਕੇ ਨਿਵਾਜਿਆ ਗਿਆ | ਇਨ੍ਹਾਂ ਸਮਾਰੋਹਾਂ 'ਚ ਇਸ ਮੌਕੇ ਮਹੀਜਿੱਤ ਸਿੰਘ ਕੌੜਾ ਦਾ ਸਵਾਗਤ ਕਰਨ ਲਈ ਕੇਵਲ ਕੰਬੋਜ, ਸੰਦੀਪ ਸਿੰਘ ਕੌੜਾ, ਪਰਵਿੰਦਰ ਕੌਰ, ਰਜਿੰਦਰ ਕੌਰ, ਜਗਦੀਸ਼ ਥਿੰਦ, ਜ਼ਿਲ੍ਹਾ ਖੇਡ ਅਫ਼ਸਰ ਰੁਪੇਸ਼, ਐਡਵੋਕੇਟ ਸੁਨੀਲ ਮੱਲਣ,ਗੁਰਜੀਤ ਸਿੰਘ, ਭੁਪਿੰਦਰ ਸਿੰਘ ਢੋਟ, ਅਤੇ ਜਸਬੀਰ ਸਿੰਘ ਕੌੜਾ ਹਰਬੀਰ ਸਿੰਘ ਅੰਮਿ੍ਤਸਰ, ਇੰਦਰਜੀਤ ਸਿੰਘ ਨੱਢਾ ਆਦਿ ਨੇ ਵੀ ਸ਼ਿਰਕਤ ਕੀਤੀ |
