ਲੁਧਿਆਣਾ, 7 ਦਸੰਬਰ (ਜਸਵਿੰਦਰ ਸਿੰਘ)-ਲੁਧਿਆਣਾ ਜ਼ਿਲ੍ਹਾ ਬਾਰ ਕਿ੍ਕਟ ਐਸੋਸੀਏਸ਼ਨ ਵਲੋਂ ਫਿਲੌਰ ਬਾਰ ਐਸੋਸੀਏਸ਼ਨ ਅਤੇ ਲੁਧਿਆਣਾ ਬਾਰ ਐਸੋਸੀਏਸ਼ਨ ਦੇ ਵਕੀਲਾਂ ਦਰਮਿਆਨ ਇਕ ਦੋਸਤਾਨਾ ਕਿ੍ਕਟ ਮੈਚ ਕਰਵਾਇਆ ਗਿਆ | ਇਹ ਕਿ੍ਕਟ ਮੈਚ ਨਸ਼ਾ ਮੁਕਤ ਅਤੇ ਸਿਹਤਮੰਦ ਪੰਜਾਬ ਦੇ ਸਲੋਗਨ ਤਹਿਤ ਕਰਵਾਇਆ ਗਿਆ | ਇਸ ਕਿ੍ਕਟ ਮੈਚ ਵਿਚ ਕਾਨੂੰਨੀ ਜਥੇਬੰਦੀ ਅਤੇ ਸਮਾਜਿਕ ਪ੍ਰਤੀਨਿਧੀਆਂ ਨੇ ਭਾਗ ਲਿਆ | ਇਸ ਦੋਸਤਾਨਾ ਕਿ੍ਕਟ ਮੈਚ ਦੀ ਸਮਾਪਤੀ ਮੌਕੇ ਖਿਡਾਰੀਆਂ ਦਾ ਹੌਂਸਲਾ ਵਧਾਉਣ ਲਈ ਹਲਕਾ ਆਤਮ ਨਗਰ ਦੇ ਵਿਧਾਇਕ ਕੁਲਵੰਤ ਸਿੱਧੂ ਅਤੇ ਪੰਕਜ ਸ਼ਾਰਦਾ, ਚੇਅਰਮੈਨ, ਬ੍ਰਾਹਮਣ ਬੋਰਡ ਨੇ ਖਿਡਾਰੀਆਂ ਨੂੰ ਸਨਮਾਨਿਤ ਵੀ ਕੀਤਾ | ਇਹ ਮੈਚ ਇਕ ਚੰਗੀ ਖੇਡ ਭਾਵਨਾ ਦਾ ਸੁਨੇਹਾ ਦੇਣ ਲਈ ਕਰਵਾਇਆ ਗਿਆ | ਇਸ ਮੌਕੇ ਚੇਤਨ ਵਰਮਾ, ਵਕੀਲ ਅਤੇ ਪੂਰਵ ਉਪ-ਚੇਅਰਮੈਨ, ਬੀ ਸੀਪੀ ਐਚ ਅਮਨ ਬੱਗਾ, ਕੌਂਸਲਰ, ਕੌਂਸਲਰ ਵਿਪਨ, ਪ੍ਰਧਾਨ, ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ, ਹਿਮਾਂਸ਼ੂ ਵਾਲੀਆ, ਸਕੱਤਰ, ਡੀਬੀਏ, ਰਚਿਨ ਸੋਨੀ, ਫਾਈਨੈਂਸ ਸਕੱਤਰ, ਅਨੁਜ ਮਦਾਨ ਅਤੇ ਹੋਰ ਕਈ ਮੈਂਬਰ ਹਾਜ਼ਰ ਸਨ |
