21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 26-09-2025

ਚਾਚੇ-ਭਤੀਜੇ ਦੀ ਕੁੱਟਮਾਰ, 4 ਖ਼ਿਲਾਫ਼ ਮਾਮਲਾ ਦਰਜ

ਅਜੀਤ ਡੈਸਕ 26-09-2025
ਤਰਨ ਤਾਰਨ, 25 ਸਤੰਬਰ (ਪਰਮਜੀਤ ਜੋਸ਼ੀ)- ਥਾਣਾ ਸਦਰ ਤਰਨ ਤਾਰਨ ਦੀ ਪੁਲਿਸ ਨੇ ਕੁਝ ਵਿਅਕਤੀਆਂ ਵਲੋਂ ਰੰਜਿਸ਼ ਤਹਿਤ ਚਾਚੇ-ਭਤੀਜੇ ਦੀ ਕੁੱਟਮਾਰ ਮਾਮਲੇ ਤਹਿਤ 2 ਔਰਤਾਂ ਸਮੇਤ ਚਾਰ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਥਾਣਾ ਸਦਰ ਤਰਨ ਤਾਰਨ ਵਿਖੇ ਚਰਨਜੀਤ ਸਿੰਘ ਪੁੱਤਰ ਗੁਰਬਚਨ ਸਿੰਘ ਵਾਸੀ ਕੱਦਗਿੱਲ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਹ ਆਪਣੇ ਚਾਚਾ ਮਨਜੀਤ ਸਿੰਘ ਨਾਲ ਆਪਣੇ ਘਰਦੇ ਬੂਹੇ ਅੱਗੇ ਗਲੀ ਵਿਚ ਖੜੇ ਗੱਲਾਂਬਾਤਾਂ ਕਰ ਰਿਹਾ ਸੀ ਤਾਂ ਉਸ ਸਮੇਂ ਨਿਰਵੈਲ ਸਿੰਘ, ਗੁਰਭੇਜ ਸਿੰਘ ਪੁੱਤਰਾਨ ਦਿਲਬਾਗ ਸਿੰਘ, ਹਰਮਨ ਕੌਰ ਪਤਨੀ ਨਿਰਵੈਲ ਸਿੰਘ, ਮਨਜੀਤ ਕੌਰ ਪਤਨੀ ਦਿਲਬਾਗ ਸਿੰਘ ਵਾਸੀਅਨ ਕੱਦਗਿੱਲ ਨੇ ਉੱਥੇ ਕੇ ਉਸ ਨਾਲ ਅਤੇ ਉਸ ਦੇ ਚਾਚੇ ਦੀ ਕੁੱਟਮਾਰ ਕੀਤੀ ਅਤੇ ਸੱਟਾਂ ਮਾਰੀਆਂ | ਵਜ਼ਾ ਰੰਜਿਸ਼ ਹੈ ਕਿ ਨਿਰਵੈਲ ਸਿੰਘ ਗਲੀ ਵਿਚ ਬਹੁਤ ਤੇਜ਼ ਮੋਟਰਸਾਈਕਲ ਚਲਾ ਕੇ ਲੰਘਾਉਦਾ ਸੀ ਅਤੇ ਉਸ ਨੇ ਉਕਤ ਵਿਅਕਤੀ ਦੇ ਘਰ ਜਾ ਕੇ ਕਿਹਾ ਸੀ ਕਿ ਤੂੰ ਮੋਟਰ ਸਾਈਕਲ ਹੋਲੀ ਚਲਾਇਆ ਕਰ ਗਲੀ ਵਿਚ ਬੱਚੇ ਦੌੜ ਕੇ ਕਈ ਵਾਰ ਘਰਾਂ ਤੋਂ ਬਾਹਰ ਆ ਜਾਂਦੇ | ਜਾਂਚ ਅਧਿਕਾਰੀ ਏ.ਐੱਸ.ਆਈ. ਨਿਰਮਲ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਤੋਂ ਬਾਅਦ ਉਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
ਪਿਛਲੀ ਖ਼ਬਰ ਮੁੰਡਾਪਿੰਡ ਦੇ ਮੰਡ ਖੇਤਰ 'ਚ ਅਜੇ ਵੀ ਜ਼ਮੀਨਾਂ 'ਚ ਪਾਣੀ ਭਰਿਆ ਤੇ ਹੇਠਾਂ ਰੇਤ ਚੜ੍ਹੀ <br/> ਅਗਲੀ ਖ਼ਬਰ ਫਿਰੌਤੀ ਲਈ ਚੋਪੜਾ ਹਸਪਤਾਲ ਭਿੱਖੀਵਿੰਡ 'ਤੇ ਦਿਨ ਦਿਹਾੜੇ ਫਾਇਰਿੰਗ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।